كل اللي اشتري عربيه مستعمله تعالي محتاجين مساعدتك

[ابو يمني]

كلام حازم خضر صح 100% الف او الفين متفرقش في عربية نظيفة وانا شخصيا بحب اشتري العربية تكون (بيتي) يعني اشتري من واحد علي طول بدون تجار وبعرف العربيات من الاعلانات او عن طريق معارف ونصيحة اي عربية تشتريها سواء من معرفة او غير معرفة تاخدها مركز صيانة يبصوا عليها ويرفعوا العربية ومتستخسرش 100 او 200 جنية بدل متخسر كام الف جنية

[ahmed_eng2001]

فكرة كويسة جدا يا استاذ أنور .

[انور محمد]

للرفع...............

[حسن بكر]

فعلا كلام الأخوة الأفاضل جميل ما تسربعش - لازم حد يكون عنده خبرة يكشف عليها - مش مهم ألف أو ألفين زيادة في عربية كويسه لأن ده سيوفر عليك متاعب كتيرة وخصوصا هذه اول مرة - سيبك من التجار لأنه لازم يشكر جدا في العربية اللي ها يبيعها حتى لو كانت سيئة .
أنا حاليا مهايا عربية شاريد - دايهاتسو - ياباني 1000 cc 3 سلندر لسة معمول ليها عمرة كاملة من موتور ( شنابر ) سمكرة ودوكو فرش أرضية جلد وصالون جلد وسنتر لوك وجهاز إنذار وبطارية جديدة زجاج كهرباء أريد بيعها وثمنها لأي أخ في المنتدى 22 ألف وأميلي هو hassan_compu@yahoo.com وتليفوني هو 0108083845 لو كنت جادا أرجو الاتصال بي

[AMMI]

انا لما جيت اشترى عربيه قعدت فى الاول اشوف اعلانات الوسيط وطبعا كان موضوع مجهد ان واحد يقولى العربيه فى مصر الجديده وانا باشتغل فى المهندسين وطبعا مش معايا عربيه علشان اروح اشوفها بعد الشغل مع العلم ان المفروض العربيه تتشاف بالنهار فلقيت فكرة الوسيط مش ماشيه معايا وروحت السوق لان العربيات كلها فى مكان واحد بس طبعا اشتريت عربيه من حيث الشكل الخارجى فقط وكنت عارف ان سعرها اغلى من العادى بس لو قعدت استنى مش هاشترى .
وصرفت عليها كتير بس كل ده خبره للواحد وربنا يوفقك
انت ناوى تشترى عربيه نوعها ايه