هام جدا لكل الاعضاء00 أنا أتسرقت يا جماعة!!!!

[drift_lover]

انا اسف جدا بس انا في غايه الحزن انا عامل اكثر من 100 موضوع في المنتدي ده في ظرف شهرين بس وفجاه امبارح احط مواضيع مفيده الاقيها مش موجوده ليه كده[IMG]http://www.**********.com/Nile/images/smilies/dontudear.gif[/IMG] سلالالالالالالالالام مفروض يبقى في تشجيع لا حول ولا قوه الا بالله

وده كان نتيجة تفاعل الاداره مع الشكوي...
صدقوني يا جماعه ماحدش بيقبل سرقة مجهود حد.
مع كامل احترامي لإدارة مصر موتورز وإدارة نايل موتورز

[MORE83]

الدكتور تامر
تحية صافية و بعد .... قد أكون عضوا جديدا هنا فى " مصر موتورز " لكننى بالفعل استمتعت بأكثر من مشاركة لك و هذا ما دفعنى للرد هنا للقول بأن " الأفكار ملقاة فى الطرقات " و أن من ابتدع فكرة قد يصنع آلافا أما من يسرق مرة فسيظل يسرق للأبد و لهذا أقول لك حافظ على حقوقك كما دلك الزملاء الأفاضل و تابع فى جهودك التى تزيد من معرفتنا و تمتعنا و تزيد من قدرك لدينا
لك المودة بلا حدود
أشرف

[AbOnOrA]

المشاركة الأصلية كتبت بواسطة drift_lover وده كان نتيجة تفاعل الاداره مع الشكوي... صدقوني يا جماعه ماحدش بيقبل سرقة مجهود حد. مع كامل احترامي لإدارة مصر موتورز وإدارة نايل موتورز

يا دريفت باشا المواضيع مازالت زى ماهى ومتمسحتش

وتأكد بنفسك والروابط فوق زى ما حطيتها قبل كده

اما عن ردود الادارة فهى كالتالى

اولاً رد الادارة على دكتور تامر



مطلوب رابط الموضوع الأصلى ورابط الموضوع المنقول

ده وهما عارفين ان الروابط لما بتتحط بتتشفر اصلاً وده غير ان الشكاوى بتتمسح فى ساعتها وجرب بنفسك

ورد الادارة على العضو اللى واخد المواضيع كان كالتالى



شكوى العضو

ادارة نايل موتوز المحترمة بعد التحيه بكونى عضو فى نايل موتورز اتقدم بشكوى ضد العضو المذكور لسرقته لموضوعى متوسط أسعار المستعمل هذا الاسبوع بنصه وحرفه دون وازع من ضمير والموضوع المذكور منشور على موقع مصر موتورز ومثبت منذ اشهر أرجو اتخاذ اللازم وسرعه الرد شكرا لمنتدانا المحترم المتميز ودائما للامام

ورد الادارة

حضرتك بتقول إنك عامل 100 موضوع فى شهرين إجمالى مشاركاتك حتى لحظة كتابة هذه السطور 55 مشاركة مطلوب توضيح عناوين المواضيع التى تم حذفها

يعنى عاملين نفسهم مش من هنا ptmnlo123per154

مع ان الشكوى بتاعة دكتور تامر جمب الشكوى بتاعة العضو اياه لزق ده طبعاً غير الشكاوى اللى جتلهم واتمسحت

هو ده بقى يا دريفت الموقف اللى حضرتك كنت متخيلة

انا عايز حضرتك تقولى ديه اسمة ايه اكيد انت عارف




وادى شكل قسم الشكاوى وواضح جداً لمن يرى ويفهم ان المشاركتين ليهم علاقة ببعض مش عارف نعمل ايه تانى

[Romeeoo]

المشاركة الأصلية كتبت بواسطة drift_lover ويارب يارب. النفوس تهدي مابين نايل موتورز ومصرموترز ونشوفهم الاتنين أكبر واقوي منتديات السيارات علي مستوي العالم أجمع.

امييييييين يارب العالمين

[د0تامر محمد]

*اولا شكرا جزيلا لأخى العزيز ابو نورا ودفاعه عن حقى وحق كل عضو بمصر موتورز فهذا رجل مقاتل من أجل الحق وهى سمة الفرسان فى عصر ندر فيه النبل
*ثانيا شكرا لكل عضو محترم فى منتدى محترم اسمه مصر موتورز شارك فى الموضوع بالرأى او النصيحه أو التعاطف أو التعليق00لكم جزيل الشكر وعظيم الحب
*ثالثا من الامانه كما قلتم أن يذكر مصدر النقل أو الاقتباس والسبق بكلمه منقول لو كان الموضوع مشاع وليس له صاحب أصلى أو ليس محظورا
وموضوعى المذكور لم أحذر من نقله وقد قمت بعمله للفائدة وخدمة الاعضاء وابذل فيه مجهودا من الوقت فى سؤال من اعرفهم من تجار او الاتصال بهم وبالنزول الى الاسواق واستطلاع الاسعار والتجول فى اعلانات للبيع لتكوين صوره عن وضع السوق المتغير دائما00خاصة وان اسئله الاعضاء لا تقتصر على سيارات بعينها فلا أقبل ان ينسب مجهودى لآخر ويشكر عليه وانا اتفرج 00فالساكت عن الحق شيطان أخرس فما بالك حقك
*خوفى الاكبر على موضوعاتى الابداعيه والتى أخص بها مصر موتورز مثل روايه صديقى والسيارة الملعونه او حكايتى مع السيارات او سلسله مقالات فلسفيه وطبيه ودينينيه سهرت الليالى لكتابتها وتعبت فيها ليقوم بعدها مثل هذا الشخص وسرقتها فهل هذا حلال؟!
وحاليا بدأت اكتب مسلسل بوليسى بعنوان (جريمة كل يوم) لامتاع الاعضاء واختص به المنتدى ثم أجده منقول غدا على موقع آخر وبأسم آخر!
هناك فرق بين الموضوع المجمع والموضوع الابداعى الذى لم يكتبه الا كاتبه وهو الاحق به ولا يحق لاحد غيره ان ينقله 00فهناك قانون حمايه حقوق الملكيه الفكريه ولمن لا يعلم ان العقوبه قد تصل للسجن حتى لو كان العمل غير مسجل بدار الكتب او الشهر العقارى لانه فى حاله الخصومه يكون الرجوع الى كتابات سابقه والمقارنه لان كل كاتب له بصمه تعرف من قبل لجنه متخصصه وكذلك فان هناك مخطوطه باليد بيعرف منها الخبير المختص تاريخ كتابتها الفعلى والسارق وان قدم مخطوطه فهى بالطبع احدث لانه نقل
*رابعا اننا فى مصر موتورز لسنا مجموعه تكتب موضوعات واى تعارف وكلمتين شكر والسلام00لمن لا يعرف فمصر موتورز هو الموقع الوحيد على الانترنت الذى يجمع معظم الاعضاء فيه حب حقيقى صادق وتفانى فى خدمه بعضهم ليس من أجل نقاط او كلمه شكر ولكن من أجل حب فى الله
وأخوة صدق وتعاون وتراحم وتكافل معنوى وفكرى
كالجسد الواحد00 بفضل من الله ورعايته لاننى اعتقد ان الله هو من فعل بنا هذا ربما لصدقنا الحقيقى وتفانينا فى الحب مع انصهار الانا
وقد قلت لاخى وائل ان مصر موتورز ستكبر حتى تصبح اكبر منتدى فى مصر وربما فى العالم العربى لانها اتخذت خطا غير مسبوق ورفعت شعارا نبيلا وضمت نخبه ممن يحبون الله ويحبون بعضهم البعض وينصهرون فى بو تقه واحده اسمها مصر موتورز ولهذا كتبت فيه شعرا لاننا نفتقد ما اعطاه لنا مصر موتورز ووحدنا من أجله وهو 00الحب والتوحد والاخلاص والحق والعدل
وباختصار اصبح المنتدى قلبنا النابض وعقلنا الراجح وروحنا المتوهجه
*واخيرا قد لا يعرف بعض الجدد ان هناك أعضاء لا يعرف بعضهم بعضا وانا على سبيل المثال لم أقابل أحدا من الاعضاء ولم أتشرف بسماع صوتهم ومع ذلك بيننا حب الاخوة ومعانى الصداقه الحقه فان كان هناك مكان آخر يرقق النفس ويجعلها شفافه الى هذا الحد فالتأكيد هو أفضل منا
من منكم لاحظ ان الحوار هنا كأنك ترى وتعيش مع من تحادثه وكأنك تراه امامك وتعرفه وتجد نفسك تحبه بعد ان يدخل قلبك مباشرة لايكون هذا الا بالصدق ولان الصدق هنا هو اساس هذا الصرح فقد ولد به ليكون عملاقا وسيظل هكذا طالما حوى بين جدرانه كل هذه الشخصيات المتميزه
*وأخيرا شكرا لكم وآسف للاطاله فهى مشاعر مفعمة لابد من التعبير عنها وعرفانا وتقديرا لكيان عظيم ودائما للامام لمنتدانا الغالى ونجاحا فى الحياة وتقدم لكل الاعضاء النخبة المحترمين