|
#1
14-01-2011, 02:44 AM
|
||||
|
||||
أنا والتوكيل والزمن طويل
السلام عليكم ورحمة الله أعضاء المنتدى الكريم..
اليوم 13 - 1 - 2011 توجهت لعمل صيانة ال 9 شهور ما يعادل 15000 كم.. وكالمعتاد.. ايه الشكاوى ؟؟ وكنت من فترة 30-11-2010 في صيانة استثنائية لضبط الفرامل وعمل الرجلاش اللازم وسحب الهواء وبالتالي تزويد زيت الفرامل.. وطبعا الحساب يا باشا.. والباشا دفع زي الشاطر.. ما بين الفترتين السابقة واليوم الفرامل ولا حياة لمن تنادي.. فكبرت دماغي من استخدام السيارة - مش فاضي للتوكيل واستهباله - ومرحتش غير النهاردة وبرضوا اشتكيت من الفرامل تاني.. وكانت الفاتورة بخلاف صيانة ال 9 شهور نفس بنود الصيانة الاستثنائية.. وهي 12.72 (250 ملي زيت فرامل) و 22.33 (مصنعية اخد هواء من الفرامل) - مدفوعين قبل كده في الصيانة الاستثنائية والحال كما هو.. ولما جه وقت الحساب اليوم.. وببص في الفاتورة.. وعينك ما تشوف الا النور.. الجاعورة اتفتحت.. وشخط ونطر ، واسلوب استغفال واستهبال واللي ربنا قواني عليه بقا.... وطبعا من مهندس لمهندس لمهندس لغاية الراس الكبيرة م. طارق (المدير المسئول..) ومسميتش عليه برضوا.. وفي النهاية تم خصم المبالغ سالفة الذكر.. ودفعت 111 جنيه فقط بدلا من 162 جنيه.. الخلاصة: فعلا وحقيقي الناس دي من العين الحمرا بتكش وبتقلق .. يعني مقولتلك الدهبية يا باشمهندس محمد حمدي.. فعااااااااااااااااااااااا ااااااااااااااااااااالة.. (مقولة من ذهب) ههههههههههههه وانصح كل عضو من ملاك السيارة.. متسكتش علي حقك.. والله المستعان 
|
|
#2
14-01-2011, 03:16 AM
|
||||
|
||||
|
رد: أنا والتوكيل والزمن طويل
كلامك سليم طبعاً وينطبق على اغلب التوكيلات لازم تبقى عارف حقك وتطالب بيه
بس بينى وبينك فى اوقات الواحد بيكبر دماغة وبيبقى عايز يخلص ويمشى خاصة لو حاجة بسيطة وتتعمل بره
|
|
#3
14-01-2011, 03:25 AM
|
||||
|
||||
رد: أنا والتوكيل والزمن طويل
و حتى لو مصرفتش برده مش حش حتلاقى فلووس فالواحد كده كده بيدفع و بيكبر دماغه
__________________
انا الذى نظر الاعمى الى ادبى و اسمعت كلماتى من به صمم ...فالخيل و الليل و البيداء تعرفنى و السيف و الرمح و القرطاس و القلم 
|
|
#4
14-01-2011, 11:23 AM
|
||||
|
||||
|
رد: أنا والتوكيل والزمن طويل
ياباشا فعلاّ مراكز الخدمة سيئة
بس برضو مش فى كل الأحوال وطالما الواحد عارف حقه مايسكتش أبداّ مبروك عليك حل المشاكل أستاذ كريم صديقى العزيز
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
#5
14-01-2011, 11:25 AM
|
||||
|
||||
|
رد: أنا والتوكيل والزمن طويل
على فكرة ملحوظة
فى التيجو لاحظت إن التيل الخلفى بيخلص قبل الأمامى عكس كل العربيات اللى جبتها ده مش عيب فيها بس لمتابعة التيل أول بأول وشكراّ
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/
|
 |
|
|
