عايز اعرض الكاوتش

[borio1704]

المشاركة الأصلية كتبت بواسطة biomedo ممكن اعرف المقصود بكل رقم من دول و ازاي بيعبر على عرض الجنط

أي جنط عشان تعرّف المقاسات بتاعته وإذا كان مناسب للكاوتش اللي حيركب لازم تعرف حاجتين أساسيتين

القطر و العرض


راجع الصورة دي



عادة مقاس الجنط بيتكتب زي كده

13x5.5J

الـ13 ده قطر الجنط (بالبوصة)، والـ5.5 ده عرض الجنط (بالبوصة برضو)

طبعا ... ما ينفعش أركب جنط أعرض من الكاوتش

عادة الكاوتش بيبقى أعرض من الجنط، وقيمة الفرق في العرض تعتمد بشكل أساسي على مقاس ارتفاع الكاوتش نفسه (اللي هو موضح في الصورة باسم Section Height)... وكل ما كان ارتفاع الكاوتش أقل ... الفرق في العرض بيقل هو كمان

...

[borio1704]

المشاركة الأصلية كتبت بواسطة sharooo طيب ولو 14/185/70؟؟بيتهيالي هيعلي العربيه شويه ويريح العفشه اكتر مع المطبات

القاعدة الذهبية لتغيير مقاس الكاوتش:

"لازم تحافظ على القطر الخارجي للكاوتش ثابت وما يتغيرش أبداً" طول ما انت ما عدلتش في مجموعة نقل الحركة في العربية

بمعنى لو حصل وغيرت جيربوكس مثلا... لو جبت جيربوكس زي القديم بالضبط (نفس نسب التخفيض) يبقى لازم تحافظ على نفس قطر الكاوتش... لإنك لو غيرته يبقى غيرت في سرعة العربية... وعداد السرعة مش حيديك السرعة الحقيقية اللي انت ماشي بيها... ده غير التأثير اللي ممكن يأثره على استهلاك الوقود

أنا معاك إن لما ارتفاع الكاوتش بيزيد بيقلل من الإحساس بالمطبات.. لإن كمية الهواء اللي جوه الكاوتش بيتبقى عاملة زي ما تكون سوستة بتمتص الصدمات

بس ما تنساش إن ده كمان حيأثر على ثبات العربية
ادخل على الموضوع ده واعتقد إنه حيديك توضيح على اللي بقوله
http://masrmotors.com/vb/showthread.php?t=55877

...