خبطة فى العتب

[samirsaid1]

يعنى مافيش حد معين بيعملها

اى سمكرى يعنى بس يكون كويس

انا كنت فاهم ان فية مكان معين عندة جهز الشفط دة كنت هاروح لية يعملها وبعدين ابق اروح لسمكرى لو عندى خبطات خفيفة تانية فى الصاج وارشها كلها بالمرة

انت قصدك 100 جنية مصنعية رد الخبطة بس ولا ايه

وشكرا

[samirsaid1]

المشاركة الأصلية كتبت بواسطة ahmed_gamal777 بص يا سيدى الشفط عبارة عن عمود نحاس زى القلم الفرنساوى بيحط علية بودرة ونار يتلحم فى العتبة ثم يشد لبرة ودى سهلة وانظف طريقة لرد العتبة احسن من فتح بطن العربية عشان يردالعتبة مش كدة والا اية ولكن هى بعد ذللك بتحتاج دهان على اد ها

قصدك بيتلحم فيها وبيشد الصاج لبرة
انا متخيل انه جهاز بيركب على الخبطه وبطريقة ما زى شفط بالهوا مثلا حاجة زى كدة

بس الصاج ناشف جدا هايشدة بالنحاسة اللى زى القلم ازاى

[HaMaDa-ToUBaR]

المشاركة الأصلية كتبت بواسطة samirsaid1 يعنى مافيش حد معين بيعملها اى سمكرى يعنى بس يكون كويس انا كنت فاهم ان فية مكان معين عندة جهز الشفط دة كنت هاروح لية يعملها وبعدين ابق اروح لسمكرى لو عندى خبطات خفيفة تانية فى الصاج وارشها كلها بالمرة انت قصدك 100 جنية مصنعية رد الخبطة بس ولا ايه وشكرا

ياباشا حضرتك دة مش جهاز ومش عند حد معين ولا حاجة دى طريقة كدة هما عملوها وسموها الشفاط علشان يحلو المشكلة دى والسمكرى هو الى هيعملك كل حاجة
وال 100 جنية دى اجرة السمكرى بس وطبعا دى حاجة تقديرية ع حسب حجم الخبطة يعنى هتقل حاجة بسيطة او ترفع حاجة بسيطة

بالنسبة لو هترش هتجيب مثلا 1/8 كيلو بوهية انصحك بنوع انجليزى اسمة ic واياك تجيب سكينز مغشوش ووحش

الكيلو من النوع الى انا قولتلك علية دة بيعملة حوالى 320 وانت هتجيب ثمن يبقى مثلا 40 وهتجيب ثمن ورنيش 40 وخلاص كدة

[mesho70]

-انت ساكن فين ؟
- لو قريب من امبابة او سهل توصل امام مبنى الرى على الكورنيش
- ممكن اوصفلك واحد ممتاز
- انا لسة من اسبوع عامل عندة شغل فى الفيرنا وكان فيها العتب من الناحيتين
- وتكلفتها بالرش من 200 الى 250 جنية ( للعتب من الناحيتين )
- وانا لى تجربة مع الفيرنا حديثة خبطة وان شاء الله اكتبها بالتفصيل

[samirsaid1]

شكرا ليكو

الخبطة جت فى العتبة من الخلف بعرض العتبة كلها وكان فيها دوران خفيف لمسافة من 30 الى 40 سم

للاسف دخلت لجوة مش قوى يعنى بس خدت مساحة كبيرة من عرض العتبة من 30 الى 40 سم والصاج ناشف

فهل هى ممكن ترع فعلا زى الاول لان فية صنايعية بيفتحو العتب

هى هيونداى اكسنت 2007