|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#16
|
||||
|
||||
رد: محتارة بين البيكانتو واللوجان
ولا انت تملك تحليل وتحريم مشاركات الاعضاء فى المنتدى اولا المصدر مش ردود فى مواضيع او اراء عن كواراث اللوجان فى المنتدى وان كثرت ولا اذكر اى موضوع عن العيوب القاتلة فى تلك السيارة الداتشيا انما المصدر فقط هوا مقارنة بين اللوجان وسيارة اخرى فى نفس الفئة فى اربع مقاطع فيديو يعنى صوت وصورة الفيديو ده ظاهر فيه العيوب المذكورة فى اول رد والى مهتم ممكن يجد بقية الفيديوهات على اليوتيوب الى مقتنع باللوجان ده رآيه الشخصى والغير مقتنع ده بردوا رآيه الشخصى واتمنى المحافظة على اداب الحوار فى المنتدى وعدم التعدى على اراء الاخرين
__________________
جائزة اوسكار مصر موتورز عن اجمد تقرير مصور فى 2010
عن فيلم شتاء الاسكندرية My gallery in deviantart ShadyDesign |
#17
|
|||
|
|||
رد: محتارة بين البيكانتو واللوجان
شوف يا عزيزي .. باختصار حضرتك اخدت كل حاجة في الفيديو على انها قرآن انا ليا تلاته صحابي معاهم لوجان و كان نفسي اشوف عيب واحد من اللي في الفيديوهات دي أشوفو على الحقيقة .. بل على العكس .. كلها مميزات ماشاء الله طول عمري بركب معاهم و بنروح نفول بنزين و نمشي في مطبات و عمرنا ما سمعنا اي اصوات .. جربت عربياتهم و لقيت الدواسات ثابتة و مفيهاش الكلام الفاضي اللي في الفيديوهات انما بقى لو هتقولي على العيوب الحقيقية ( التانك بيفتح من برا و الشنطة كمان ) معلش هضطر أرد على حضرتك بالمثل الشعبي اللطيف على سبيل الدعابة ( قلتلو يابا علمني الخيابة .. قالي تعالا في الهايفة و اتصدر ) هتقولي ليه ؟؟ هقولك لأن كل شركات تصنيع السيارات في العالم بتأكد خطورة انك تحط بنزين و الموتور شغال .. فبالتالي دي ميزة انك لازم تبقى مبطل العربية و انت بتحط بنزين و كمان لأن اغلب عمال البنزينة بيستعجلو و مش بيقفلو التانك صح فهتبقى حضرتك اللي بتحافظ على عربيتك بنفسك .. اما عن ا لشنطة فدي ممكن تبقى عيب عند ناس .. بس انا عمري ما ركبت سيدان كنت راكب تيريوس و كده كده الشنطة انا اللي بفتحها انما موضوع اللحام ده لو حضرتك دورت هنا في المنتدى هتلاقي أستاذنا الفاضل شارحو بالرسم عشان اصدار اللوجان MCV و ملوش أي علاقة بالأرضيات و لا الشاسيه أكيد مش كلنا هنا فاتحين بقالة و بنبيع فيها رينو لوجان تحت البيت فبنعمل دعاية أنا واحد من الناس مرحتش حجزتها غير بعد ما اخدتها من صاحبي تلات ايام معايا و مشيت بيها لحد 160 الحمد لله و محستش بقلق منها و دورت في كل المنتديات .. لكن حضرتك لو معتمد ان اللي بيعمل الفيديوهات دي ابن اخت مايكل شوماخار يبقى خلاص على بركة الله هيا الساجا عربية المستقبل في مصر و العالم العربي |
#18
|
||||
|
||||
رد: محتارة بين البيكانتو واللوجان
انا كنت فى نقاش مع 3 اصدقاء بعد صلاة الجمعة فى الموضوع ده وجه صدفة انى رديت فى الموضوع هنا انا بفكر فى عربية سيدان مناسبة او عربية suv وكنت مقتنع باللوجان فترة ولكن الدعاية الموجودة على اليوتيوب ليها كانت كفيلة انها تمسح الترشيح ده عندى فكرة .. طبعا قابلة للرفض بدون اسباب مممكن محبى اللوجان يشرحوا بالفيديو بردوا على عدة مقاطع وتتنشر للناس بحيث توضح الامور اكثر عن اللوجان - مميزات - سلبيات تحياتى
__________________
جائزة اوسكار مصر موتورز عن اجمد تقرير مصور فى 2010
عن فيلم شتاء الاسكندرية My gallery in deviantart ShadyDesign |
#19
|
|||
|
|||
رد: محتارة بين البيكانتو واللوجان
و حضرتك جهز إيه الحاجات اللي عايز تتطمن من ناحيتها و انا اصورها بالفيديو لكن برضو حضرتك دور على حد من اصحابك او معارفك معاه لوجان و شوفها بنفسك و جربها لو أمكن .. عشان اكون أمين مع حضرتك انت بتتكلم في فئة شعبية .. يعني متتوقعش انك هتركب ب 72 ألف جنيه سيارة نسخة طبق الأصل من الفيراري و والله الفيراري الناس بتطلع فيها عيوب برضو الكمال لله وحده و أحب ازيد حضرتك من الشعر بيت في واحد حصريا و فقط في مصر عامل فيديو يوتيوب قايل عيوب تصنيع قاتلة في اللوجان و الباشمهندس جايب دواسات جلد و بيفعص دواسة البنزين فالدواسة تلزق فيها ثانية و تفك .. و بمنتهى الحرفنة بيقولنا ان الدواسة بتعلق و مأخرة و بتعمل حوادث أبسط رد انو مصورلنا الفيديو على طريق .. ازاي وصل بيها للطريق بما ان دا عيب تصنيع قاتل و ليه لما هوا متأكد كده مشالش الدواسات الجلد و صور ؟؟ طبعا الإجابة معروفة و هيا بتتلخص في الأغنية الجميلة أوي يبقى انت أكييييييييييد ... أكيد في مصر الفتي بقى من ده بقى منتشر جدا .. و نصيحتي برضو شوف ريفيوهات اجنبي عن السيارة الناس دي مبتجاملش |
#20
|
|||
|
|||
رد: محتارة بين البيكانتو واللوجان
بالنسبة للاستاذ اللي بيقول اني بحرم وبحلل
انا كل اللي انا عملته اني ذكرتك بكلام النبي عليه الصلاة والسلام وانا لسه عند رايي ازاي حد يحكم على حاجة من فيديو ونقبل حكمه ومنقبلش حكم اللي ركب ومشي بالعربية |
|
|