العربية الرينو اللوجان الهاتش باك فين يا جدعاااااان ؟؟؟!!!!

[حسام البورسعيدى]

اللوجان هى نفس السانديرو (اللوجان الهاتش باك بالظبط) والاختلاف بس فى الشكل الخارجى ..

لكنهم نفس الموتور (1600 cc و 8 صباب) و نفس الفتيس (مانيوال) ونفس العفشة تقريبا ونفص الصالون بالظبط ..

علشان كده اغلب قطع غيارهم مشتركه .. طبعا باستثناء الحاجات المختلفة (زى الفوانيس والاكصدامات والصاج) ...

وهى انتشارها قليل لانها نزلت مصر قريب ولانها هاتش باك واغلب الناس بتفضل السيدان عنها وخصوصا انها اغلى من السيدان ...

[amriar]

كلام الناس اللي زي الفل دا ها اضيف عليه انا ما بقتش بشوف غير السانديرو اليومين دول .. هي اجمل في الشكل اغلي في السعر

كمان في خبر انها هاينزل منها اوتوماتك 16 صباب 105 حصان اللي بيسموها ستب واى stepway بس اللي نقلوا الاخبار قالوا انها ها تنزل في معرض فورميلا الاهرام شهر يناير و عليكم خير

[amriar]

كنت في السجل المدنى فرع مدينه نصر اللى داخل قسم شرطه مدينه نصر اول .. لقيت العربيه اللوجان البيضاء و صورتها في الخفاء

قولت لازم أشارك اللوجانويه الجامدييين

فعلا مكتوب عليها 1400 بس كمان ما عليهاش الشريط الكروم اللي في شنطه العربيه و دا معناه انها من غير كماليات.. هل للتوفير ولا لحاجه تانيه ؟؟ مش عارف

انا كنت قريت خبر عن اللوجان دفعه الشرطه دي بس كانت المفروض لوجان MCV مش عارف هل هايكون في النوعين ولا ايه ؟؟

اسيبكم مع الصوره ..

المشاركة الأصلية كتبت بواسطة zema السلام عليكم ورحمة الله و بركاته طبعا اللوجان عربية محترمة بشهادة جميع الاعضاء .. ربنا يبارك فيها لاصحابها بس السؤال اللي بيطرح نفسه دلوقتي فين اللوجان الهاتش باك في مصر ؟ انا مشفتش ولا واحدة منها بعيني انا اصلا عرفت ان في لوجان هاتش باك من موضوع لأحد الاعضاء بالصدفة و كان حاطط ليها صور و بصراحة شكلها تحفة احلي من السيدان بكتير انا اصلا مبحبش شكل السيدان بتاع اللوجان (مجرد وجهة نظر) المفروض ان الهاتش باك هي هي السيدان يعني نفس المواصفات ولا في اختلاف ؟؟ و في فرق في الموتور ولا لأ انا شايف ان سعرهم واحد طيب و قطع الغيار هي هي السيدان ولا مختلفين عشان لو هي زي السيدان يبقي موضوع انها مش منتشرة ده مش هيعمل مشكلة و ياريت لو حد عنده فكرة عن ثباتها و ممكن نلاقيها فين ولو حد شافها في الشوارع ياريت يقولنا عشان بجد عاجباني اوي ارجو الافادة من خبراء المنتدي و اسف جدا علي الاطالة اخوكم محمد

renault logan dieseL

http://www.youtube.com/watch?v=FttGFQIsLVA

R OSE4U

[حسام البورسعيدى]

المشاركة الأصلية كتبت بواسطة amriar كنت في السجل المدنى فرع مدينه نصر اللى داخل قسم شرطه مدينه نصر اول .. لقيت العربيه اللوجان البيضاء و صورتها في الخفاء قولت لازم أشارك اللوجانويه الجامدييين فعلا مكتوب عليها 1400 بس كمان ما عليهاش الشريط الكروم اللي في شنطه العربيه و دا معناه انها من غير كماليات.. هل للتوفير ولا لحاجه تانيه ؟؟ مش عارف انا كنت قريت خبر عن اللوجان دفعه الشرطه دي بس كانت المفروض لوجان MCV مش عارف هل هايكون في النوعين ولا ايه ؟؟ اسيبكم مع الصوره ..

غريبة اوى اللوجان الـ 1400 cc دى !!

اعتقد ان دى اللوجان الفاضية basic اللى نزلت فى الاول ب 56 الف .. صح ولا ايه ؟؟