أرجو من محترفى الاتوماتيك

[الشاذلى حسن]

أولا شكرا لكل التعب نفسه ورد بس الا يعد 1 2 زى الاول والتانى فى المنوال بمعنى انك عند بداية التحرك تدى 1 ثم تزيد السرعه شويه تدى 2 ثم تروح على الD وتبدا تزود اتوماتيك زى ما انت عاوز ولا انا فاهم غلط
الحاجه التانيه هل الفتيس الاتوماتيك مشاكله كتيره زى ماسمعت وعمره قصير

[ayman_kamal]

المشاركة الأصلية كتبت بواسطة الشاذلى حسن أولا شكرا لكل التعب نفسه ورد بس الا يعد 1 2 زى الاول والتانى فى المنوال بمعنى انك عند بداية التحرك تدى 1 ثم تزيد السرعه شويه تدى 2 ثم تروح على الD وتبدا تزود اتوماتيك زى ما انت عاوز ولا انا فاهم غلط الحاجه التانيه هل الفتيس الاتوماتيك مشاكله كتيره زى ماسمعت وعمره قصير

السيارة تتحرك و تسير على الوضع (D)هي بتجيب اول و تاني و غيره ولحدها مافيش داعى انك تعمل كده

فتيس الرينو عايز سواقة عادية (يعيش لغايت 200 او 250 الف كيلو طالما بتصونوا كويس) انما شد و حرت و كيك داون طول الوقت مشحايكمل معاك 60 او 70 الف كيلو و حايشيع وده طبعا العربية لسة نازلة موديل 2012 فامانعرفش لسه ايه ظروفه لكن ده رأي الناس اللي راكبين رينو سينيك بره علشان هو هونفس الفتيس

للحفاظ عليه اهم حاجة تغير زيت الفتيسفيمواعيدهبانتظام غير كده تقريبا مالوش اي صيانةتانية

[Marlborooo]

بص يا ريس انت اي نقلة هتنقلها في الفتيس الاوتو لازم تكون العربية واقفة تماما ( يعني دايس فرامل كويس ) عشان متبوظش الاسطوانات

في الزحة لو هتقف دقيقة او ازيد اتقل الفتيس لوضع n
هتقفل العربية ونازل او هتركنها تجيب علي وضع ال p وشد الهاندعشان لو في عيال قاعدو يسندو علي العربية ويزقوا فيها بتتحرك في مكانها بس بتبوظ الفتيس
او اركن علي n لو انت راكن صف تاني مثلا

فقط لا غير

[Marlborooo]

المشاركة الأصلية كتبت بواسطة الشاذلى حسن أولا شكرا لكل التعب نفسه ورد بس الا يعد 1 2 زى الاول والتانى فى المنوال بمعنى انك عند بداية التحرك تدى 1 ثم تزيد السرعه شويه تدى 2 ثم تروح على الD وتبدا تزود اتوماتيك زى ما انت عاوز ولا انا فاهم غلط الحاجه التانيه هل الفتيس الاتوماتيك مشاكله كتيره زى ماسمعت وعمره قصير

الفتيس الاوتوماتيك الd1 عبارة عن النقلة الاولي في العربية

لازمتها ايه؟ ديه يا سيدي بتديك اقصي عزم في العربية اللي بتحتاجه في المطالع الصعبة
واقصي سرعة ليه تقريبا 50 كم او ازيد حاجة بسيطة
( مطالع فقط )

الd2 المفروض ديه الناقلة التنية في العربية

لازمتها ايه ؟ وديه ناس كتتتتتتتتير متعرفش فايدتها
فايدتها يا ريس المفروض لو انت في طريق زحة جدااااااا بتمشي ببطيء وبتتحرك وتقف وكده لفترة طويلة
تجيب الناقلة التانية D2 وتمشي بيها عشان تريح الماتور لانه مش محتاج العزم بتاع النقلة الاولي الd1 او L حسب اسمها في الفتيس


طبعا انت بتتحرك بال D العادية فقط ونصيحة فكك من الd2

الفتيس الاوتوماتيك عمره مش قصير ولا حاجة بس حسب استخدام يعني تغير زيت فتيس في معاده
وبلاش تكبس بنزين تدوس لاخر الدواسة كل شوية خلي العربية تنقل وتاخد سرعتها من غير كبس بنزين يعني خليها تنقل في 3ل 4 ار بي ام متزودش عن كده الا لو مضطر بس مش عمال علي بطال

:TH E_PR~18::THE_P R~18: