اعمل ايه مع اللوجان من A to Z

[tooot amgad]

معلش انا موضوعى صعب شويه انا اول مره اجيب عربيه وحجزت لوجان اتوماتك 2013 من توكيل مصر الجديده هى ياعنى قربت توصل والمفروض ان كان حد هيساعدنى فى الاجرءات بتاعتها بس شائت الاقدار للاسف انى همشى فى الموضوع لوحدى ودى الكارثه هاهاه لانى ابيض ياورد فى الحوار ده
والتوكيل قالى فى ورق هخلصه فى بين السريات محتاجه استفسر منكم على كذا حاجه معلش واستحملونى
1- انا المفروض هاخد ورق ايه اروح بيه بين السريات وايه اللى هعمله هناك عشان ارجع للتوكيل واخد عربيتى وارجع بيها لمحافظتى عشان ارخصها
2- انا لما استلمها من التوكيل افحص ايه فيها او ادور على ايه بالظبط وبماانى مش فاهمه فى العربيات وصعب اجيب حد بيفهم فيها وانا رايحه استلمها ممكن ارجع بيها محافظتى واعمل عليها فحص هناك ولو فى حاجه ابقى ارجع التوكيل على اساس انها ياعنى فى الضمان ومن التوكيل مش معرض . طب لو فيها حاجه مش موجوده او مش متظبطه هو انا ممكن مستلمهاش ساعتها خالص من التوكيل
3- لما ارجع بيها محافظتى ارخصها ازاى وايه الورق المطلوب بالظبط ولو حد عاملها بقرض يقولى ورق ايه مطلوب للحظر البيع للبنك وشركه التامين واعمل ايه قبل ايه بالظبط

معلش بس انا عايزه الخطوات بالظبط عشان مبوظش الدنيا واسفه هتعبكوا