اللوجان و بنزين 80

[ayman_kamal]

المشاركة الأصلية كتبت بواسطة sherifabden بنزين 80 على عربية جديدة دا مين يجيله قلب يعملها دي ؟؟؟

عادي ماهو الهيونداي ماتريكس الكوري (2006 - و طالع) موتورها كان يمشي ب 80 و في ناس في مصر بتحط 80 في الفيرنا و اللانوس بس انا ببوصلها ان اولا البنزين 80 في مصر مش نظيف و مش متصنع بذمة و بالتالي اللي حاتوفروه في البنزين حبة حبة حاترجع تصرفه كاش مرة واحدة قدام في تغير رشاشات و لا طرمبة بنزين و لا حساس ف على ايه اذا كان اللي بيقرا في المنتدى هنا و لا في منتديات تانية و لا ساعات بيسمعه من الناس عن واحد حط في عربيته بنزين 92 و لا 95 و بعد كده كعبلت منه و باظ كذا و كذا علشان كان بنزين مضروب و لا مخلوط و لا عليه مياه فا بنزين 92 ارحم بس ربنا يعمي عين الحكومة عنه و يبطله فكرالستينات و السبعينات ان العربية سلعة ترفيهية و بنزين 92 بتاع الاغنياء

[mody112]

المشاركة الأصلية كتبت بواسطة ayman_kamal عادي ماهو الهيونداي ماتريكس الكوري (2006 - و طالع) موتورها كان يمشي ب 80 و في ناس في مصر بتحط 80 في الفيرنا و اللانوس بس انا ببوصلها ان اولا البنزين 80 في مصر مش نظيف و مش متصنع بذمة و بالتالي اللي حاتوفروه في البنزين حبة حبة حاترجع تصرفه كاش مرة واحدة قدام في تغير رشاشات و لا طرمبة بنزين و لا حساس ف على ايه اذا كان اللي بيقرا في المنتدى هنا و لا في منتديات تانية و لا ساعات بيسمعه من الناس عن واحد حط في عربيته بنزين 92 و لا 95 و بعد كده كعبلت منه و باظ كذا و كذا علشان كان بنزين مضروب و لا مخلوط و لا عليه مياه فا بنزين 92 ارحم بس ربنا يعمي عين الحكومة عنه و يبطله فكرالستينات و السبعينات ان العربية سلعة ترفيهية و بنزين 92 بتاع الاغنياء

اهو هو ده الكلام . مش اى حد يقول اى كلام وخلاص . وواحد يقولى استخبى عشان كله قلب عليك . انا سؤالى كان واضح هل حد جرب ( يعنى لازم فعلا يكون جرب ) ومش ممكن لو حد جرب يلاقى العربيه بتمشى بيه عادى وياما عربيات كتير زيرو وبتمش ببنزين 80 عادى .

[a_a_3antar]

باشا توكل علي الله و حط 80 اشطه ولا فيه اي حاجه هو هيكركر معاك شويه وانت طالع و مش بيعمل اي حاجه في العربيه بس نصيحه ما تستخدموش في شهور الصيف الشديده بس لو استخدمته اشطه برده. بصراحه انا ما جربتوش في لوجان بس انا جربته في فيرنا 2010 و جربته في اوبل 2005 و جربته في 128 و في كل الحالات ماعملش معايا مشاكل خالص. هو لو انت سحب العربيه ما بيزعلكش حط 80 و ما تطلعش كابس بنزين جامد. ملحوظه: اللي بيقولك بنزين 80 مش نظيف دي مقوله مشهورة بس خاطئه. اللي بيصنع ال 80 هو اللي بيصنع الباقي و البنزينه واحده. هو الإختلاف في إنتظام الإحتراق كل ما زاد رقم الأوكتان زاد معدل انتظام الإحتراق و ده بيسبب انتظام في دوران عمود الكرنك و بيحسن معدل الإحتراق و حركه الأشواط علشان كده العربيه ما بتكركرش و سحبها بيبقي جامد. لو السحب ما يفرقش معاك اديها وربنا يسترها

[ايمن على حسن]

حرام عليك العربية جديدة عارف عين اية جديدة اي مقيل ثمنها عن 73000 جنية وانت تكلم في البنزين

[mody112]

المشاركة الأصلية كتبت بواسطة ايمن على حسن حرام عليك العربية جديدة عارف عين اية جديدة اي مقيل ثمنها عن 73000 جنية وانت تكلم في البنزين

طيب ماهى الفيرنا واللانوس بنفس تمنها وبتمشى عادى ببنزين 80 . ومش مهم التمن المهم البنزين ينفع ولا لا .