|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#11
|
|
رد: يعني إيه جودة؟؟؟ تعالى نفكر مع بعض
أنا بتكلم على العربيات الإيطالي زي فيات ولانشيا طيب... قبل ما ندخل في نقاش جانبي عن السيارات الإيطالية... وعشان ما نتلخبطش أكتر... خلينا نشرح إيه هي الجودة؟؟ الجودة فعلا مبدأ عام... ولإنه مبدأ عام... الناس ممكن تبصله بكذا نظرة زي ما الأخوة الأفاضل تفضلوا وشرحوا الجودة من وجهة نظرهم... فيه ناس تانية ممكن تقول: "طيب أنا أعمل إيه بكل الحاجات دي والعربية أصلا ما بتشتغلش أو بتعطل؟؟؟" أو غيرهم يقول: " أنا ليه أجيب عربية كبيرة تاكل بنزين وأنا مش عايز أكتر من عربية مريحة تنقلني وسط البلد في الزحمة؟؟؟" وغيرهم يقول: "أنت بتقول إيه!! أنا عايز عربية أجري بيها محدش يحصلني" وغيرهم مش حتفرق معاه غير إنه عايز أربع عجلات تنقله مطرح ما هو عايز!!! من هنا نقدر نقول إن الجودة نسبية... تختلف من شخص للتاني... لإن طلبات كل واحد فينا غير التاني يعني... الجودة هي مدى الاستجابة لمتطلبات العملاء ومن هنا ظهرت مشكلة الآراء المختلفة حوالين نفس العربية... ناس تقول وحشة وناس تقول حلوة جداً اللي بيقول وحشة أكيد مش شايف فيها اللي هو عايزه... إنما اللي بيقول حلوة شايف إن العربية بتديله اللي هو عايزه وزيادة ده الموضوع باختصار... ولسه هـنكمّل كمان ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#12
|
||||
|
||||
رد: يعني إيه جودة؟؟؟ تعالى نفكر مع بعض
انا اختلف معاك الجوده مش نسبه بس الجوده مش مطلوبه او مش اد امكانيات كل الناس و الا كان كل الناس ركبت مرسيدس مثلا و مش عايز اقول جاجور .....الحاجه الى جودتها عاليه حتفضل موجوده بس فى واحد يقلك انا مش عايز الجوده 100% انا عايز حاجه على قد امكانياتى =70% جوده مثلا
Sent from my GT-N7000 using Tapatalk 4 Beta
__________________
Hesham Samir |
#13
|
|
رد: يعني إيه جودة؟؟؟ تعالى نفكر مع بعض
كويس إن حضرتك فتحت الموضوع ده لازم نفرق بين الرفاهية والترف والفخامة والجودة الرفاهية (بالإنجليزي Luxury) المقصود بيها إنك تكون قاعد مستريح في السيارة وتحت إيدك كل اللي تحتاجه... يعني قاعد مبسوط ومفيش حاجة مضايقاك. الترف (Luxe) المقصود بيها إن الخامات المستخدمة في صنع الأشياء تكون غالية. الفخامة (Splendor) المقصود بيها إن الشيء يكون مصنوع بطريقة تعطي إيحاء بالعظمة والأبهة... يعني تكون مرصعة بجواهر أو ذهب أو ممكن تكون كبيرة في الحجم. هل كل الناس محتاجة اللي قولناه ده؟؟؟ أكيد لأ أنا معاك طبعا إن وجود الرفاهية والترف والفخامة في السيارة بيديها قيمة أعلى ويعلي من جودتها... بس مش علشان إنها جودة في حد ذاتها... إنما علشان هي عوامل بتدي رضا أعلى للعميل اللي بيشتري .. وبالتالي بيبقى راضي عن السيارة بشكل عام على ذكر الجاجوار.... هل حضرتك عندك فكرة إن جاجوار (وهي عربية معروفة بالترف والفخامة والرفاهية) كانت حتفلس وتقفل في السبعينات بسبب مشاكل الجودة الأخرى؟؟؟ على فكرة... معروف عن صناعة السيارات الإنجليزية أنها كانت قمة في الترف والفخامة حد يعرف كام شركة إنجليزية ما زالت شركة مستقلة أو مملوكة لإنجليز حاليا؟؟؟ الإجابة: ( صفر ) المعروف عن السيارات الإنجليزية أنها كانت مليئة بعيوب التصنيع... ومش هتعيش معاك بدون أعطال أكتر من عدة أسابيع... مع إنها كانت قمة في الرفاهية والترف والفخامة... ده بالإضافة إلى إن احتياجات الناس في سياراتهم اختلفت مع الوقت... بس الصناعة الانجليزية فضلت محلك سر وما طورتش عربياتها ده خلى الناس ما تشتريهاش... وبدأت المصانع تقفل واحد ورا التاني... وحتى اللي فضل منها لحد دلوقتي اشترته شركات تانية أوروبية وآسيوية عشان تستفيد من سمعة الرفاهية والفخامة اللي فيها... بس حطت عليها بصمتها من الجودة على فكرة... الجاجوار حاليا مملوكة لمجموعة تاتا الهندية لاندروفر مملوكة لمجموعة تاتا الهندية رولز رويس مملوكة لمجموعة BMW الألمانية ميني مملوكة لمجموعة BMW الألمانية بنتلي مملوكة لمجموعة فولزفاجن الألمانية MG مملوكة لمجموعة سياك الصينية لوتس مملوكة لمجموعة بروتون الماليزية الجودة ليست فخامة وترف ورفاهية فقط... إنما هي + أشياء أخرى سؤال صغير يمكن يسهل الموضوع شوية... إيه توقعاتك من العربية الغالية؟؟؟ ... وإيه توقعاتك من العربية الرخيصة؟؟؟ ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#14
|
||||
|
||||
رد: يعني إيه جودة؟؟؟ تعالى نفكر مع بعض
اناةمش عارف اجبهالاك منين بظبط
Sent from my GT-N7000 using Tapatalk 4 Beta
__________________
Hesham Samir |
#15
|
|
رد: يعني إيه جودة؟؟؟ تعالى نفكر مع بعض
يمكن لو جاوبت على السؤال الآخراني ... الموضوع يبقى أوضح طيب.. هأساعدك وأجاوب معاك العربية الرخيصة ... أتوقع منها إيه؟؟؟ من ناحية المواصفات: رفاهية محدودة (يعني مفيش ترف ولا فخامة) - تجهيزات أساسية - موتور ضعيف - من ناحية الأداء: استهلاك بنزين قليل - تسارع ضعيف - ثبات حتى سرعات معقولة - مريحة نسبيا في المطبات - مصاريف صيانة مقدور عليها - أعطال بسيطة الديمومة (الاستحمال) أو نقدر نقول الجودة بعد فترة طويلة من العمل أعطال متوسطة - بعض الوظائف الكهربائية لا تعمل - أستهلاك بنزين أعلى قليلا - الكراسي والتابلوه يبدأ في التشقق - تغيير بعض الأجزاء المهمة ميكانيكيا طيب... والعربية الغالية أتوقع منها إيه؟؟؟؟ من ناحية المواصفات: رفاهية عالية وترف وفخامة - تجهيزات وتكنولوجيا عالية - موتور قوي - شكل مميز - إمكانية وضع مواصفات خاصة من ناحية الأداء: تسارع قوي - ثبات حتى سرعات عالية - مريحة جدا في المطبات - مصاريف صيانة مقبولة - لا توجد أعطال - صوت هادي - لا توجد أصوات مزعجة (زنة أو تزييق أو رجرجة) الديمومة (الاستحمال) أعطال قليلة - الوظائف الكهربائية تعمل بكفاءة جيدة - أستهلاك بنزين أعلى قليلا - الكراسي والتابلوه يبدو أسوأ بعض الشيء ولكنه سليم - لم يتم تغيير أجزاء مهمة ميكانيكيا التوقعات دي افتراضية من ناحيتي على فكرة .. ممكن التوقعات دي تختلف من شخص للتاني، ومن استخدام للتاني طبيعة الاستخدام مهمة جدا... عمرنا ما نقارن عربية 4×4 بعربية هاتشباك صغيرة مثلا.. لإن طبيعة استخدامهم غير بعض وبالتالي متطلباتنا منهم مختلفة لو حصل واشتريت عربية كانت مواصفاتها وأدائها واستحمالها دون مستوى توقعاتي... تبقى العربية دي جودتها سيئة ... بالنسبالي والعكس صحيح ولسه هنكمل ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
الكلمات الدليلية |
اعتمادية, جودة, رفاهية, سيارة |
|
|