حكاية انخفاض اسعار السيارات

[humhum]

المصايب في مصر بتحصل فجأه
وأظن ان مصيبة الهبوط الحاد في أسعار السيارات ح تحصل على خلال شهر فبراير القادم
والتعتيم الحالي محاوله من رجال الأعمال لتصريف المخزون الحالي
والاستفاده القصوى من احتكارهم للسوق
أنا متخيل إننا فجأه وبدون مقدمات ح نلاقي الأسعار نزلت .. لأن في مصر مفيش حاجه بتحصل بشفافيه

بس محدش يقوللي الأسعار نزلت في المستعمل
لأن انا متابع سوق السيارات في مدينة نصر من رمضان .. حركة البيع والشرا مش جامده .. بس الأسعار عاليه .. مش زي ما كنا متصورين خالص

[هوندا]

سؤال الى الاخوة اصحاب الخبرة بسوق السيارات
بمناسبة اسعار العربيات : لانوس 2001 عدادها 108000 كم مرشوشة من الخارج دواخل جيدة بحالتها مراية كهربائية وطارة دريكسيون متحركة وتكييف ,تساوى كام فى السوق حاليا.

[أبو عبد الرحمن]

الأخ (هوندا)
أنا مش من أصحاب الخبرة ! لكن هجاوبك على حسب الأسعار اللي شفتها الأحد اللي فات وبناء على إني اشتريت واحدة موديل 2000
هتبقى تقريبًا من 42 إلى 44 مش أكتر من كده ، وهيفرق في السعر برده ما إذا كان فيها سنتر مثلاً ولا لأ والكاوتش والجنوط حالتهم إيه والرخصة فيها أد إيه وطقم الصوت نوعه إيه والكلام ده كله بينزل أو بيرفع من سعر العربية ، وعلى كل حال متستعجلش عشان الأسعار ممكن تنزل أقل من كده ، يعني لو خلصتها على 40 مثلاً يبقى تمام أوي

[asabry]

انا عايز اعرف ثمن عربية كورولا خلبجي 2008 عاملة 5000 كم جنوط سبور و فتحة سقف و مرايات منطوية و موتور 1600 و باقي الكماليات تبقي بكام في مصر علشان اعرف انزلها من الخليج في شهر 11 ولا ما لوش لزمة انا شاريها بحوالي 95000 جنيه و اعتقد حادفع جمارك حوالي 60000

[Saif eldien]

المشاركة الأصلية كتبت بواسطة asabry انا عايز اعرف ثمن عربية كورولا خلبجي 2008 عاملة 5000 كم جنوط سبور و فتحة سقف و مرايات منطوية و موتور 1600 و باقي الكماليات تبقي بكام في مصر علشان اعرف انزلها من الخليج في شهر 11 ولا ما لوش لزمة انا شاريها بحوالي 95000 جنيه و اعتقد حادفع جمارك حوالي 60000

العربية ثمنها فى مصر جديدة موديل 2009 من 145 الى 160 الف
اظن السعر قريب من الحديث فى مصر