|
#16
23-05-2011, 01:41 PM
|
||||
|
||||
رد: سوقييييييييييين المكرباصات
بجد موضوع حلو أوووووووى وجاى ع الجرح
الميكروباص ده فعلاً أكبر مشكلة فى مصر والله دايماً بقول البلد ديه مش هتنضف الا لما الميكروباص ده يختفى من حياتنا والغريبة بقى ان الميكروباصات ديه مؤذية للى بيكبها واللى معاه عربية ومش بيركب ميكروباص يعنى مش سايبانا فى حالنا يارب حالهم يتعدل لأما يلغوه بقى ونخلص 
|
|
#17
23-05-2011, 01:52 PM
|
||||
|
||||
رد: سوقييييييييييين المكرباصات
|
|
#18
23-05-2011, 01:58 PM
|
||||
|
||||
|
رد: سوقييييييييييين المكرباصات
أساسى لو جنب السواق واحد صاحبه (بيعملوا إصطباحة) أو البنت أياها (اللى عايز يبين لها إنه دون ريكاردو فى الإتيكيت بالرغم إنه متجوز و عنده أربع عيال) ... تيجى حضرتك تفتح الباب علشان تقعد ... يرفع كف إيده فى وشك: خلاص هنا يا باشمهندس و بناء عليه تتفضل حضرتك لركوب الصالون الفاخر:إما تقعد على الكنبة الأخيرة و ركبك تخبط فى دقنك أو ربنا يكرمك و تكون العربية تويوتا و تقعد على الكرسى القلاب أبو ضهر مكسور و تقعد محنى الضهر علشان متريحش على ركب الحاج اللى وراك أو علشان حسناء الدويقة اللى راكبة وراك ما تفهمكش غلط
__________________
Mohamed Elhasafy Abo Farida
|
|
#19
23-05-2011, 01:59 PM
|
||||
|
||||
|
رد: سوقييييييييييين المكرباصات
لا انا أقصد يلغوها بس يعملوا بديل ليها (حاجة حكومية مثلاً - مترو الانفاق ينتشر اكتر)
اما موضوع تعديلها ده انا ليا رأى فيه - الموضوع مش تعديل الموضوع ان لازم يبقى فيه رقابة من حديد عليهم سواء عند الفحص الفنى فى المرور او لجان الامن والمتانة وكمان موضوع شرب السجاير ولازم برده يبقى فيه دوريات متحركة تراقب تصرفاتهم المختلة لان بصراحة انا مشفتش حد بيتحكم فى الناس أكتر من سواقين الميكروباص فى مصر والله لو ركبته بحس ان انا صعبان عليا نفسى (من كمية القهر والتحكم بتاعهم فى الركاب) وصعبان عليا الناس الغلابة اللى مجبرة تركبه
|
|
#20
23-05-2011, 02:09 PM
|
||||
|
||||
|
رد: سوقييييييييييين المكرباصات
حاجة بتحصل فى إسكندرية بس
لو راكب من نص الطريق و نازل قريب و الباشا السواق (بيحمل) طوالى حتى لو قبل أخر الخط بمحطتين(غالباً بيعمل كده ساعة الذروة) ... تيجى حضرتك تدفع بحق الله (75 قرش مثلاً) تلاقى السواق بقه بقى فى قفاه و يقولك: الأجرة جنى و ربع أفندى ... تقوله ما هو ... يقاطعك قائلاً: جنى و ربع أفندى ... و كإنه ما يعرفش غير الكلمة دى (جنى و ربع أفندى) تقوم حضرتك إما تدفع ال(جنى و ربع أفندى) أو تقوله طب رجع الأجرة و لما تجيلك تقوله على جنب و تنزل و تقوله ما بركبهاش بجنيه و ربع و تحرق دمه و مش حيقدر يتكلم كتير لإنه ساعة ضهرية و إسطول وراه بيكلكسله و الضابط جاى يشوف إيه سبب الزحمة ... فيسيبك و يمشى و هو بيحسبن على ركاب أخر زمن اللى ما يعرفوش ربنا و بيقبلوا يركبوا حرام 
__________________
Mohamed Elhasafy Abo Farida
|
 |
|
|
