سعر أوبل فيكترا فى مصر ... حقيقة أم خيال؟

[NoraMagdy]

السلام عليكم ...

كنت أستشارت احد خبراء تسعير السيارات عن اسعار الوبل فيكترا وأفادنى بالاسعار التقديرية التالية:

السعر فى المتوسط لان كل عربية وليها ظروفها لكن مع تثبيت دواخل الشركة والحالة العامة جيدة والكماليات شغالة ومفيش مصاريف موديل 1995: تعمل 38 ألف موديل 1997 و 1998 الـ 1600cc مانيـوال: تعمل 45 ألف موديل 1997 و 1998 الـ 2000cc أتوماتيك: تعمل 47 ألف موديل 1999 و 2000 الـ 1600cc: تعمل 49 ألف الى 52 ألف موديل 1999 و 2000 الـ 2000cc: تعمل 52 الف الى 55 الف - علي حسب انها الشكل المعدل ولا الشكل بي العادي

البعض الاخر شككوا فى هذه تقديرات هذه الاسعار بأن السياره قد تكون معيبة
ودا خلانى شاكه أن سيارة بالاسعار دى ممكن يكون فيها مصيبه متخبية

الميكانيكى بيقول على العربية بالاسعار دى العربية كويسه ، وبيقول على العربية التى المطلوب فيها سعر غالى برضوا كويسه
ومحتاره ليه ادفع اكتر لما ممكن ادفع أقل (ونفس الحالة) ... ههه

فى السوق بلاقى اسعار ذى التقديرات، وفى الاعلانات على النت تقريباً نفس الاسعار
هأعرض امثله هنا واتمنى منكم تعليق:


فيكترا موديل 1997 أتوماتيك 2000cc : السعر 45 ألف
فيكترا موديل 1998 أتوماتيك 2000cc : السعر 48 ألف
فيكترا موديل 1999 مانيوال 1600cc: السعر 51 ألف
فيكترا موديل 2000 مانيوال : السعر 51 ألف
فيكترا موديل 2001 أتوماتيك 2000cc : السعر 55 ألف
فيكترا CDX موديل 2001 أتوماتيك 2000cc : السعر 60 ألف
فيكترا موديل 2002 أتوماتيك 1600cc : السعر 56 ألف
فيكترا موديل 2002 أتوماتيك 1600cc : السعر 57 ألف
فيكترا موديل 2002 أتوماتيك 2000cc : السعر 60 ألف
فيكترا موديل 2002 أتوماتيك 2000cc : السعر 61 ألف
فيكترا موديل 2003 أتوماتيك 2000cc : السعر 63 ألف
الوسيط العدد 395 بتاريخ 28/5/2010م صفحة 41 - عارض أوبل فيكترا موديل 1997 أتوماتيك 2000cc : السعر 47 الف



وكان فى سيارة أوبل فيكترا CDX موديل 2000 موتورها 2000cc أتوماتيك : 61 ألف


دا بعض المعروض - ممكن حد يفيدنا - العربيات دى مضروبه ولا دا السعر فعلاً الى ماشى فى السوق
عشان التجار بيعلوا السعر - لكن عربيات البيوت ملاحظة ان دى اسعارها

شكراً

[احمد بدر1978]

لعلمك معظم الى بيبع العربية على النت بيبقى سعرة عالى شوية ممكن الفصال معاهم ومش شرط انها تكون فيها عيب

[Ahmed_lol2007]

ممكن تقرى الموضوع دة
سيارة اوبيل فيكترا 2000 للبيع

[NoraMagdy]

المشاركة الأصلية كتبت بواسطة Ahmed_lol2007 ممكن تقرى الموضوع دة سيارة اوبيل فيكترا 2000 للبيع

بالنسبه للأسعار المعروضه على النت
انا شايفه ان السعر المطلوب فى السياره دى مرتفع (نسبياً طبعاً بالمقارنه بالاسعار المعروضة)

كنت مره قريت اعلان فى الوسيط عن فيكترا 2001 بسعر مغرى
خليت أخوى يتصل بالموبيل الى فى الاعلان - صاحب العربيه قاله العربيه بحالة الزيرو ومطلوب 85 ألف
وكان عايز يحدد معاد للمقابله - اخوى اتحجج ورفض المعاد (قالى هاقوله السعر عالى - هأتكلم فى كم - السعر بعيد جداً)
بعد 5 أيام الرقم رن على أخوى (يعنى لسه العربية ما اتبعتش فى 5 أيام) وقاله: صاحب العربيه مسافر وشوف العربيه تلزمك بكام .
أخويا: اتكلم فى المعقول عشان أقدر اسمعك.
التاجر: يعنى 70 ألف تمشى معاك. (واااااااااااااو)
يا نهار ابيض ... نزل 15 ألف مره واحده فى مكالمة تليفون.
أخويا: اتكلم فى المعقول عشان أقدر اسمعك.
التاجر: طيب تعالى اتفرج عليها الاول والسعر مش نهائى، الكلام أخد وعطا.
أخويا: سعر العربيه دى فى السوق 50 ألف
التاجر: بعيد كدا يا هندسه ، العربيه دى بحالة الزيرو متقلش عن 65 ألف
أخويا: قدامى عربيه اختها مطلوب فيها 55 ألف ، قبل الفصال ، تدخل فيها أنت وشطارتك فى الفصال ، واحجزى 5 ألالف عموله
التاجر: 60 ألف أخر كلام ، وممكن فصال خفيف.

كان فى حوارات جانبية كتير مش مهمه عشان المكاله كانت حوالى تلت ساعه، واخويا قالى ممكن نوصلها 55 ألف، بس مش هتنزل عن كدا - عشان احنا كدا ربطنا سعر .

انا كنت شايفه ان سعر (55 ألف لو قدرنا نوصلها وعلى حسب قوله حالتها كويسة) مناسب وذى المعروض على النت. (بس المشكله أن الميزانيه بتعتى للعربية أقل من 55 ألف .. ptmnlo123per144)

[Ahmed_lol2007]

دة تاجر مش صاحب عربية والحتة دى بتفرق أوى
وعموما ياريت لو فى حاجة عجبيتك تأخديها تكشفى عليها فى التوكيل أضمن