ABS خبر أبيض و زي الفل لو صحيح

[Tota El Masry]

المشاركة الأصلية كتبت بواسطة Dr.Mustafa هههههههههههه لا أحب أطمن حضرتك إنها مفيها ABS و لو على الخدع الجميلة في خدعة أجمل و أجمل .. حضرتك لو دخلتي على موقع رينو إيجيبت www.renault.com.eg و اخترتي لوجان هتلاقي حاجة اسمها Saftey لو ضغطتي عليها هتلاقي مكتوب المفاجأة الكبرى ABS & EBS Anti Blocking System & Emergancy Brake System و انا برضو رحت مكلم التوكيل و قلتلهم ايه يا جدعان ؟؟ قالولي لا يا فندم الكلام ده مش حقيقي و طبعا يلا بينا كلنا نسمع أفضل الأغاني : يبقى انت أكييييد .. أكيييد في مصر

زي النكتة بتاعت الراجل إللي نزل بلد مليانة ذباب و لقى مطعم مكتوب عليه حاربنا الذباب دخل جوا لقى ذباب أكثر من براه نده للجرسون قاله
مش كاتبين كذا أمال إيه إللي في الطبق ده
قاله يا فندم حاربناه فعلاً
لكن ما قلناش إننا أنتصرنا

فيه ABS لكن مش في مصر هما مش كذابين

والله عندي أمل أطلع بحلم و يكون فيها حتى لو AB مش مهم باقي الحروف لحد الـ S

[ringoo]

احسن حاجة انك خليتى نونة تاخد حقك وطلعت ال abs عليهم
وفعلا هى مافيهاش abs واللى من نفس العيلة و فيها abs ebd هى السانديرو ستيب واى بس مانيول
وربنا يباركلك فيها

[حسام البورسعيدى]

للأسف الشديد اللوجان مفهاش abs واللمبه اللى فى التابلوه مش بتنور بس هى موجوده علشان فى عربيات لوجان بره فيها abs واير باج للراكب كمان ......

[Dr.Mustafa]

المشاركة الأصلية كتبت بواسطة ringoo احسن حاجة انك خليتى نونة تاخد حقك وطلعت ال abs عليهم وفعلا هى مافيهاش abs واللى من نفس العيلة و فيها abs ebd هى السانديرو ستيب واى بس مانيول وربنا يباركلك فيها

أخخخخخخخخخ ... لو كان حد قال الكلمتين دول قبل ما أحجز (

دلوقتي كلمت الكول سنتر قالي اه السانديرو ستيب واي مانيوال فيها ABS w EBD

بس فيها عيب واحد ..

الازاز اللي ورا مش كهربا .. هوا ده فرقها عن اللوجان ..

اعمل ايه انا الوقتي ..

[ringoo]

وفى فروقات تانية على فكرة يعنى الستب واى مافيهاش كمبيوتر رحلات السيدان فيها
والستب واى فيها جنوط اسبور لكن السيدان جنوط عادية بس الاتنين نفس المقاس 15
وشوية حجات تانية منها الازاز والشكل الخارجى والشنطة فى صالح السيدان
والاتنين كل واحدة ليها ميزة مش موجودة فى التانية وكل واحد على حسب متطلباته
وعلى فكرة انت لو حاجز فى التوكيل ممكن تغير الحجز بس مش عارف نظام الوقت حيكون ايه