افيدونى فى رينو لوجان بلاك لاين 2012

[bikatsho55555]

ما هى عيوب رينو لوجان بلاك لاين 2012 اوتوماتيك ستيبترونيك
خصوصا موضوع الفتيس بالسعر ده مقلق شويه وكمان كان فى بعض الزملاء فى المنتدى قالو ان فى زنه فى البنزين والبعض قال ان العزل تعبان وفى حراره تحت رجل السائق وكمان عايز اعرف هيا رومانى ولا مغربي وكمان ثابته ولا لا ولحد سرعه كام خصوصا ان العربيه كل اما تعلى عن الارض ثباتها بيقل ؟؟؟؟؟؟؟؟؟؟
ارجو الرد لانى معايا لانسر بطه موديل 93 وعايز ابيعها واغير وشايف ان اللوجان كويسه بس لو كانوا زودوا عليها ABS&ESP حتى لو زودوا تمنها شويه كانت بقت تحفه

[rasmy28]

المشاركة الأصلية كتبت بواسطة bikatsho55555 ما هى عيوب رينو لوجان بلاك لاين 2012 اوتوماتيك ستيبترونيك خصوصا موضوع الفتيس بالسعر ده مقلق شويه وكمان كان فى بعض الزملاء فى المنتدى قالو ان فى زنه فى البنزين والبعض قال ان العزل تعبان وفى حراره تحت رجل السائق وكمان عايز اعرف هيا رومانى ولا مغربي وكمان ثابته ولا لا ولحد سرعه كام خصوصا ان العربيه كل اما تعلى عن الارض ثباتها بيقل ؟؟؟؟؟؟؟؟؟؟ ارجو الرد لانى معايا لانسر بطه موديل 93 وعايز ابيعها واغير وشايف ان اللوجان كويسه بس لو كانوا زودوا عليها ABS&ESP حتى لو زودوا تمنها شويه كانت بقت تحفه

العربيه معايه انا بامانه مبسوط بيها لحد النهارده جدا ربنا يبارك فيها ان شاء الله عامله 1300 كلم دلوقتى ومش حاسس باى عيوب فيها ومرتاح فيها لكن ده انا وكل عربيه اكيد فيها عيوب

شوف اولا انصحك تقرى الموضيع الفى توقيعى وتبحث وتقرى اراء الناس التانيه

اما عن الفتيس فامحدش يقدر يديك فيها كلام نهائى ومنكرشى انى وانا جايب العربييه كنت خايف منه لكن لحد النهارده وهو كل يوم يثبت انه نضيف جدا وطمن اكتر لما عرفت ان بيتجمع هو والماتور فى فرنسا هو فتيس DP0 وهو معروف ولو دورت هتعرف انه مشترك بين رينو وستريون وبيجو
وهو نفس الموجود فى لوجان mcv وعربيات تانيه من رينوا بس مش متاكد اسميها لكن كلها فوق 150 الف وبعدين رينوا مش مصنع جديد فى السيارات ده بقالها اكتر من 100 سنه ده كله مطمنى ومتوكل على الله لكن اى حد يقولك كلمه فيه نهائيه اكبر حد فينا معتقدشى عدى 2000 كيلو بالعربيه

اما كل المشاكل النته بتقول عليها دى مش موجوده فى لوجان 2012 وخصوصا الاوتماتيك اولا العزل رهيب مش جيد ده العربيه الوحيده العتقد لحد 100 الف او اكتر والكبوت معزول من جوه
وعمتن ده مش كلامى لان دى اول مره اركب رينوا اقرى موضوع استاذ جابر الهو معاه 2010 ودى وهو عامل تقرير رائع عن العربيه وانا مش حاسس باى عيوب من دى

http://masrmotors.com/vb/showthread.php?t=80281

اما عن العيوب فاهى مش عيوب لكن هى العربيه كده طبعا مكان الكلاكس ومكان الزجاج ومش عارف ايه انا قولت فى موضوعى ان لما تعود عليه هتحبه وهتحس ان الناس غلط وانت الصح

لكن هى علشان نكون صرحاء العربيه كاى عربيه اوربى طلعتها تقيله شوى بتبان اوى فىا لاول لكن بعد كده بتبدء يبقه سحبها احسن الطالعه دى فى راى انا ميزه لان بتمنع لقدر الله العربيه تنطر منك فجاه لكن فى كل الاحوال بعد النقله التانيه بتبقى قنبله مشاء الله عليها

الدريكسون تقيل شويه وده بردك ميزه العربيه متزنه جدا وكمان مش بتروح منك لو سرحت فى مكان

اما بقى عن الثبات صدقنى انا زيك عارف واتعلمنا فى المدارس ان العربيه العاليه مبتبقاش ثابته لكن سبحان الله العربيه فعلا ثابته جبت بيها 120 ولا كلمه كانك راكب المانى العربيه تقيله على الارض وركزه ناس هنا فىا لمنتدى ومصورين نفسهم فديوا جيبين بالمنول 180 واكتر وبيعملو غرز وبيحلفه بثباتها وعمتن محدش اشتكى من ثبات الوجان وده اسال فيه اى حد معاه العربيه برغم من علوها والاهم ان فىا لرنج ده مفيش عربيه اثبت منها

طبعا انا معاك ان كان نفسى تبقى فيها abs ولو كان فيها معه طقم جنوط كانت قفلت السوق لكن عمتن هى فراملها جامده وبتستجيب بسرعها
ولو فارق معاك اوى abs هات اختها سانديروا ستيب واى وهى بنفس السعر 79 الف لكن هتنازل عن الاوتماتيك والشنطه هتكون هاف اوببشن ب 2 زجاج كهربه لكن هتكسب جنوط وعلو عن الارض 20 سم
العربيه مغربي وده المخليها بالسعر ده لمعلومه لانى قبل مشتريها من هنا بعت سالت عليها فى السعوديه هناك الرومانى ب 40 الف ريال حسبتها بعد الجمرك هتوصل مصر ب 105 الف تقريبا لكن هى هنا بتبعا بالسعر ده لاتفاقيه غادير البنا وبين دول شمال افرقيا البتنزل الجمرك ل 21 % بدل 61 % يعنى لاول مره هتحس انك راكب عربيه اقل من تمها بره مش العكس

العربيه فيها ميزه فى راى لو قدمها 100 عيب الميزه دى تساويهم علوها عن الارض 15.5 بسم الله اكبر عليها لا يقدر عليها مطب ولا حفره ولا نقره ولا اى حاجه وعفشه ناعمه جدا مش هتحس انك ماشى فى مصر اصلا انا احيانا القى نفسى خدت حفره العجله كلها نزلت فيها وانا مش حاسس طبعا عربيات تانيه بتحك وانته معاك لانسر بطه وعارف ان هى والكرستاله اجمل عربيت لكن عبهم انهم واطين
لمعلومه لما هتركب الوجان مقارنه بالبطه هتحس انك راكب عربيه جيب عليه لدرجة انى ركبها بعد البيجو 504 وحاسس انى منزلتش من البيجو بل احيانا باحس انها فى طرق احسن منا لبيجوا لانى مش بحس بسوء الطريق معاها لان عفشتها ناعمه بجد

الميزه التانيه انها واسعه جدا مشاء الله عليها وشنتطها بحر وده الاكبر فى الفئه دى

والخلاصه الاوربى اوربى امان وثبات وتحمل

انا فى راى ان العربيه دى تساوى كل قرش فيها وعمتن اقرى ولف وشوفها واستخير ربنا وقرر

لكن نصيحة اخ ياتجيب لوجان يتفكر فى بروتن ساجا ده اختيارى التانى ليك يتجيب مستعمل فى الرنج ده فى راى مفيش عربيه تساوى يتدفع فيها فلوس ويمكن فى راى انا ان ميملاش عنيه بعدها عربيات اله فوق 100 الف الا البروتن برسونا ب95 الف

فا ربنا يوفقك لاختيار الفيه الخير ليك وان شاء الله نبارك ليك قريبا

تحياتى
محمد رسمي

[bikatsho55555]

الف شكر على ردك الجميل بس يا ريت حد يقول رينو لوجان ولا سانديرو اوتوماتيك ولا ستيب واى وليه لانى محتار بينهم وكمان شكل السانديرو اشيك بكتير من اللوجان

[أسامه]

السلام عليكم الاخ العزيز محمد رسمى شكرا للموضوع الجميل دة وانا شخصيا استفدت منه لانى ناوى ان شاء الله اشترى لوجان لان عندى الطريق كلها مطبات وغيرت اكتر من عربيه بسسب الموضوع دة لكن عندى كام سؤال وعايز مشورتك ونصيحتك لخوك لو ممكن اتواصل معاك أخوك أسامه