رينو اللوجان المانيوال و الاوتوماتيك و الفرق بيهم ارجو المشاركه بجديه

[mohamedsalahelden]

بسم الله الرحمن الرحيم
موضوع مطروح للنقاش لينا جميعا لنستفيد منه اقدمه.
لكم عن خبره بالرينو اللوجان لعشره دامت 3 سنوات و 50000 كيلو .
ومع العلم اننى تقدمت لحجز رينو لوجان اوتوماتيك من جديد .
اللوجان المانيوال ماتور طراز قديم 1600 سى سى بقوه 90 حصان بكامه واحده و8 صباب
وهو معروف بموفر فى البنزين شوى لكن كان من عيوبه انه خانق العربيه اوى وصوته عالى لان العربيه شديده عليه اوى
بالاضافه كمان لما تشغل التكييف بيكون بيصوصو لان الحمل بقا شديد جدا جدا جدا وده بياثر على السحب بشكل واضح للجميع (ممكن البعض يختلف معى لكن تجربتى توضح ذلك)

فو شلنا الماتور ده وحطينا الماتور الطراز الحديث وهو ما يميز رينو ال1600 بقوه 110 حصان ب2 كامه و 16 صباب
اتوقع العربيه هتبقى طلقه وسحبها اعلى بكتير
كذلك مدى التأثير على التكييف هيبقى اقل بكثير على سحب العربيه
هياثر على استهلاك البنزين برضه لان 8 صباب غير استهلاك 16 صباب
نضيف على ذلك ان العربيه هتكون ناعمه وده ميزه الرينو
وكذلك عاليه على الارض لطبيعه ظروف شوارعنا
كذلك الاوتوماتيك اللى بيريحنا دلوقتى لطبيعه الزحام وده ناتج عن ظروفنا برضه
اتوقع ان توكيل رينو استفاد من الشكوى المستمره من عيوب السياره المانيوال وهى الماتور اللى الناس كتير جدا اشتكو منه
لكن لا يعيب هذه السياره وكل مرحله مختلفه تماما
لذلك لم اتردد على الفور علشان اروح توكيل رينو سان ستيفانو لاحجز الرينو اللوجان الاوتوماتيك اللون النبيتى او الفضى ايهما توفر دون تردد
ولكن تجربه ارجو ان نستفيد منها واسف على الاطاله

[Emgrand]

انا اخترت فى المقارنه الاتوماتيك بسبب زحمه شوارعنا اللى تجيب شلل
لكن الله اعلم الاتوماتيك نفسه فى العربيه (اللوجان تحديدا) هيبقى عامل ازاى ونوعيه مشاكله ايه

[mohamedsalahelden]

المشاركة الأصلية كتبت بواسطة mazen mazen انا اخترت فى المقارنه الاتوماتيك بسبب زحمه شوارعنا اللى تجيب شلل لكن الله اعلم الاتوماتيك نفسه فى العربيه (اللوجان تحديدا) هيبقى عامل ازاى ونوعيه مشاكله ايه

اخى الحبيب ناقل الحركه الاوتوماتيك المزود فى اللوجان الجديده نفس الماتور وناقل الحركه الخاص باللوجان ال7 راكب ونفسه بتاع الميجان وهذا الماتور بالتحديد هو افضل ما في الرينو

[tamer.koko]

لو هو فعلا بتاع الميجان فللحق فتيس الميجان ليس به اي مشاكل

[rasmy28]

انا اتفق معاك مليون فى الميه
لان لوجان اوتوماتيك كانت بالنسبالى حلم مكنتش اتوقع انه يتحقق وجاء فى الحظه الحاسمه
انا من اول لحظه معجب بالعربيه لوجن كافضل قيمه سعريه فى وسط عربيات كتير مبالغ فيها وكان عبها الوحيد بالنسبالى انها مانويل ولما قررت انى اتخلى عن حلم الاوتماتيك روحت المعرض علشان اشترى مانويل لقيته بيقولى مانويل ولا اتوماتيك بصتله وحجزتها علطول

ولما روحت واعلونا رسميا انها هتنزل تانى يوم وشوفت الماتور الجبار الشركه قررة تنزله معاها عرفت سعتها
ان رينوا قررة متهزرشى وتاخد مكانتها الحقيقى

ولما فكرت ان قوة الماتور ده هتضيع بين الجير الاوتماتيك والتكيف فوجئت بان الجير ستيب ترونك وده زي مانتم عرفين بيوفر كتير فى جهد العربيه

منكشرشى انى خايف من ان الجير وخصوصا اانه جير مطور ومعقد لكن اطمنت نوعا ما لما عرفت ان الجير والماتوري بيجوا مقفلوين من فرنسا "الله اعلم مدى صحة المعلومه "

وبردك هل معه ماتور الجبار ده والجير الرياضى ده هتقدر لوجان تحافظ على توازنها وثبتها ده سؤال هتجاوبه الايام

لكن المتاكد منه ان لو العربيه دى اتعملها الدعايه الصح وخدمة البيع المتوقعه من افضل توكيل فى مصر معه انتشار وانخفاض قطع الغيار العربيه دى هتسيطر على فئة ال 80 الف وما اقل ويمكن ما اعلى كمان

واخيرا دعواتكم انى استلم فى اقرب وقت لانى منتظرها على احر من الجمر
وتمنياتى
ان تكون العربيه دى على قد ما بنحلم بيها
لتحقق حلم المواطن المصرى فى سياره بسعر معقول ترحمه من المستعمل
ويقد يديها لاخته ولبنته تسوقها بسهوله
تحياتى
محمد رسمي