|
|||||||
| بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
 |
|
|
أدوات الموضوع |
|
#1
11-06-2011, 01:49 AM
|
||||
|
||||
حــــــادث بسيــــــــــط بالســـــــــــــــــاجــ ــــــــــــــــا لكن الايرباج فتحت ....ميزة أم عيب ؟!!
أحبائى الكرام ،،،،
سلام الله عليكم ورحمته وبركاته للأسف تعرضت لحادث بسيط بالساجا وكان عبارة عن صعودى بالسيارة فوق الرصيف على سرعه ولكن ربنا ستر وسلم نظرا لان الرصيف ماكانش عالى أوى لكن للأسف الايرباج فتحت فى وشى وطلع منها دخان أبيض وبودرة بيضا جت على إيدى وتسببت فى حرق شديد فى ذراعى الايمن بالاضافة الى بعض الخدوش فى الذراعين بسبب البلاستيك المتناثر من الدريكسيون نتيجه فتح الايرباج. المشكله دلوقتى فى حاجتين.... اولا طبعا الايرباج اللى فتح ده تصليحه مكلف جدا ومش عارف اعمل ايه ... سالت فى التوكيل بالتليفون قالولى الفين ونص .... لمبه الايرباج طبعا منوره على طول فى التابلوه وحزام الامان علق مش عارف ليه لا عاوز يلم ولا عاوز يطلع ومش عارف هل ليه علاقه بالايربج ولا لاء.... هل فتح الايرباج يطلع العربية من الضمان ؟ وهل ذهابى للتوكيل بالسيارة فى هذه الحالة سيتم تسجيل ماحدث على انه حادثه فى ملف العربية ؟ وهل فتح الايرباج يعنى تسجيل حدوث حادثه فى كمبيوتر العربية نفسها ؟؟؟؟ الحمد لله رغم طلوع العربية فوق الرصيف لكن العربية من تحت ماحصلهاش حاجة الا خبطه بسيطة جدا جدا وغير مؤثرة جت فى القنطره الاماميه ورحت لسمكرى يبص عليها مابقاش مصدق ان فى قنطره بالصلابه والسمك ده وقعد يشكر فى اللى شافه فى العربية من تحت جدا جدا وبالرغم من الحادثه والنكد اللى اتنكدته الا ان كلام السمكرى بسطنى وزاد فى ثقتى فى العربية...ولو إنه على حسابى كسر الزرجينه بسبب شد القنطره.... ثانيا ... موضوع حزام الامان .... هل هو مرتبط بالايرباج فعلا ؟ يعنى لو انا ماكنتش رابط حزام الامان ماكانتش الايرباج فتحت ؟ وهل لما الايرباج تفتح زى كده حزام الامان يعلق معاها ليه ؟ انا بفكر الغى حكايه الايرباج الجديد وامشى بالعربية كده وخلاص بس الدريكسيون شكله وحش كدا لانى لافف سلوتب شفاف على الدريكسيون وبالظبط فوق العلامه بتاعه بروتون اللى فى وسط الدريكسون وهو المكان اللى خرجت منه الايرباج... ولو سيبت الدريكسيون بالمنظر ده ....إيه الحل فى حزام الامان اللى مش عاوز يشتغل ده ؟؟؟؟!!! ياريت أصحاب الخبرة يدلونى اعمل ايه ؟ خايف اروح بيها التوكيل كده يقولولى فتح ونصب وهلم جره والعربية خرجت معرفش من ايه ولازم ايه وتتسجل حادثه ..... مع العلم ان صيانه الخمس الاف بتاعتى المفروض كان معادها الاسبوع ده وخايف اروح بالعربية بالمنظر ده.... أرجع وأقول قدر الله وما شاء فعل والحمد لله انها جت على كده والحمد لله ان العربية بالصلابه دى والحمد لله انى طلعت فوق رصيف واطى والحمد لله ان العربية طلعت فوق الرصيف ومشيت لان الرصيف لو كان عالى عن كده مع السرعه بتاعتى والصدمه كانت العربية اتفرملت فى الرصيف والعفشة كانت هتتبهدل دا غير ان الاطارين الاماميين كانوا هينفجروا والجنوط هتتعوج .... الحمد لله ثم الحمد لله ثم الحمد لله فى إنتظار مقترحاتكم وافادتكم ومشورتكم .... أعمل ايه بالظبط فى الايرباج وحزام الامان والتوكيل ؟؟؟؟؟!!!!! محمد عبد المجيد الاسكندرية ساجا - أبيض - أوتو - 5000 كم
__________________
مع خالص الدعاء من الفؤاد بدوام النعمه والفضل من الله تعالى. وأن يهديكم لما فيه خير لكم ولسيارتكم وأن يحفظكم ويحفظ ما وهبكم من كل شر وسوء ومن كل نفس أثمه ومن كل عين حاسدة. وأن يكتب لكم حسنه فى كل خطوة تخطوها بسيارتكم ويحط بها من ذنوبكم. وقدر الله لكم وكتب عليكم فعل الخير وراحة البال والغنى عن السؤال. محمد عبد المجيد المشتريات الخارجية شركة الاسكندرية للإضافات البترولية ( اكبــــا) 0116007025
|
|
#2
11-06-2011, 04:45 AM
|
||||
|
||||
رد: حــــــادث بسيــــــــــط بالســـــــــــــــــاجــ ــــــــــــــــا لكن الايرباج فتحت ....ميزة أم عيب ؟!!
قدر الله وما شاء فعل والحمد لله على سلامتك
بص الحزام امرة سهل جدا جدا جدا واخرة معاك هتجيب واحد تانى وخلاص لكن مش هيحصل كدة لانة اى حد هيعرف يصلحة ولو انت فكيت الفبر وفكيتة هتعرف تصلحة وترجعة تانى اما الاير باج بصراحة انا مش عايزك تصلحها حرام انها تدفع فيها الفلوس دى فيها دا انت تجيب حاجة تانى فى العربية افضل فسيبك من الايرباج خالص وشكل الدريكسيون ممكن التوكيل واكيد فية الموضوع دا يركبلك الحتة اللى اتكسرت عشان تطلع الايرباج من غير ما يصلح الايرباج خالص ونصيحة تانى شيل البلستر بسرعة لانة هيعلم فى العربية ومش هتعرف تطلعة بطلوع الروح اما التوكيل فلازم تروح عشان تطمن على كل حتة فى العفشة وتحت الماتور واكيد الكرتيرة اتكسرت بتاعت الماتور اللى هى الحتة البلاستك اللى بتحمية من المية فحاول تركبها فى التوكيل وظبط صيانتك وتوكل على الله بس امانة متسيبش الموضوع دا ياثر عليك فى النكد وفك كدة وريح دماغك اللى يجى فى الحاجات دى كلة يهون والله وافرح بعربيتك انت لسة تعتبر زيرو افرح وسيبك من النكد صلحا بس وبلاش اير باج واكشف عفشة كاملة وشوف الجنوط لو فيها لوحة ولا حاجة ورصص وزوايا وامشى كدة على 120 وشوف لو فية رجة فى الدريكسيون ولا حاجة مش مظبوطة لو كلة سليم بعد كدة يبقى الحمد لله عدت خير ولعلمك انا نفسى اجيب العربية دى واغير الفيرنا مش انى الفيرنا وحشة انما فعلا انا بحب شكل ومتانة الساجا وربنا يكفيك شر حاجة وحشة اخوك محمد لو فية اى حاجة عايز تسال عليها صوت ولا زنة ولا عوجة ولا اى حاجة اتصل بيا 0123907706 او على الايميل memodina1@yahoo.com
|
|
#3
11-06-2011, 01:40 PM
|
||||
|
||||
رد: حــــــادث بسيــــــــــط بالســـــــــــــــــاجــ ــــــــــــــــا لكن الايرباج فتحت ....ميزة أم عيب ؟!!
أخى الكريم محمد .... والله العظيم كلامك هون عليا كتير جدا جدا وسهلى الامور... بالنسبه للعفشه هى سليمه والحمد لله وكل اللى حصل ان القنطرة الاماميه اللى شايله العفشه قدام والرادياتير اتطبقت والحمد لله عملتها عند سمكرى على البارد ورجعت زى ماكانت بالظبط شكلا وأداءا انا طلعت بالعربية بعدها فوق ال 120 كم/ س والحمد لله مفيش غير حدفه بسيطه يمين وإهتزاز فى المرايه اليمين بس دون اى اهتزاز فى الدريكسيون.... لكن الكارتيره والعفشة والجنوط وحتى الفيبر البلاستيك اللى تحت سليم يعنى مش هحتاج غير ظبط زوايا ومش مهم كمان لان الحدفه بسيطه جدا وعلى السرعه العالية بس انا سالت فى التوكيل عن التكلفه لتغيير الايرباج وحزام الامان ... تخيل كام ؟؟؟!!!! 7000 جم ... ايوا سبعه الاف جنيها .... انا لو معايا المبلغ ده اصلا مش هصلحهم ... انا هشيل السلوتب وهروح لسروجى محترم أخليه يفصل زى دايره أو كيس جلد قطره 10 سم بس ويكون جلد محترم ورصاصى بلون الدريكسيون وتتلبس فوق مكان خروج الايرباج أو حتى الزق مكان خروج الايرباج بأمير .... مكان خروج الايرباج عبارة عن شرخ عريض مكان الكلاكس فى وسط الدريكسيون ... يعنى تتلم ...بملاليم.... حزام الامان لوحد ب 1300 جم ..... ليه يعنى ؟؟؟ والله لأشترى حزام أمان عادى وأركبه أنا ومش هيكلفنى 200 جم بالكتير اما يكون ماركة كمان ... الحزام القديم ماينفعش يتصلح لان المكنه بتعته باظت ... انا بالفعل فكيت الفيبر اللى فوق الحزام ولاقيت المكنه قافشة على الحزام والاغرب انى لاقيت فيها دايرة كهربا بتاعة ايه مش عارف .... ممكن تكون تقفيل دايرة الكهربا بتاعة لمبه التابلوه بتاعة الحزام .... اللى مزاولنى لمبه الايرباج فى التابلوه على طول منوره طبعا وحلتها والحمد لله ...شلت الفيوز بتاع الايرباج من علبه الفيوزات وانطفت اللمبه.... على رأيك ... انا لسه فى الزيرو وهنكد على نفسى ليه ... الحمد لله وقدر الله ومشاء فعل وكان ممكن يحصل بلاوى اكتر من كده... تشرفت جدا جدا ردك وإهتمامك يا استاذ محمد ولا تنسانا بخالص الدعاء
__________________
مع خالص الدعاء من الفؤاد بدوام النعمه والفضل من الله تعالى. وأن يهديكم لما فيه خير لكم ولسيارتكم وأن يحفظكم ويحفظ ما وهبكم من كل شر وسوء ومن كل نفس أثمه ومن كل عين حاسدة. وأن يكتب لكم حسنه فى كل خطوة تخطوها بسيارتكم ويحط بها من ذنوبكم. وقدر الله لكم وكتب عليكم فعل الخير وراحة البال والغنى عن السؤال. محمد عبد المجيد المشتريات الخارجية شركة الاسكندرية للإضافات البترولية ( اكبــــا) 0116007025
|
|
#4
11-06-2011, 03:51 PM
|
||||
|
||||
|
رد: حــــــادث بسيــــــــــط بالســـــــــــــــــاجــ ــــــــــــــــا لكن الايرباج فتحت ....ميزة أم عيب ؟!!
ولا يهمك يا باشا وزى ما انت قلت فى بلاوى كتير والله غير كدا واكتر وربنا ستر معاك الحمد لله
اولا طالما جبت بالعربية السرعة دى تبقى تمام ومفهاش اى حاجة نهائى والكلام بالنسبة للعفشة وكمان الريداتير والقنطرة وصدقتى انساهم تماما لانى لو فية ولو خرم ابرة فى الريداتير وانت على اغلسرعة دى كان مؤشر الحرارة على جدا وطبعا القنطرة سليمة انن السرعة دى لو كان فيها حاجة كنت هتحس برجة وعدم اتزان العربية وخبط فى العفشة من تحت او تزييق جامد كلها اعراض القنطرة لانى القنطرة زى الجسر اللى رابط حاجة بحاجة يبقى كدة من النحية الفنية والمكانيكية تمام الحمد لله ومتفكرش تانى فيهم صدقنى نيجى بقى لحزام الامان بص اسال على بتاع الفيرنا هتلاقية رخيص وهو لونة رصاصى غامق ممتاز على فكرة وسهل جدا فى الشد واللم وسريع فى اللم ركبة وتوكل على الله بس نصيحة خلى اللى هيركبة يجيب الحزام بتاع الكرسى اللى جمبك يركبة عندك والحزام الجديد يركبة النحية التانية ويوصل سللك نور الحزام كويس وشكرا انسى الحزام نهائى بس خد بالك اعمل التبديل دا الدريكسيون بقى اخر حاجة ودا اسهل حاجة طبعا وفكرتك جميلة جدا بس حاول تجيب جلد قوى وفاخر وهو انا مش متخيل المنظر وياريت تصورة وترفعة وانا اورية لوحد صديقى محترف فى الحاجات دى هو يقولك تعمل اية بالضط وممكن يكون عندة حاجة افضل وربنا يستر طريقك وطريق كل الناس وطريقى برضة والحمد لله رب العالمين التعديل الأخير تم بواسطة memodina1 ; 11-06-2011 الساعة 04:25 PM
|
|
|
|
