سيتروين AX كلوب

[mostafayation]

السلام عليكم ورحمة الله وبركاته يا رجالة الستروين والله دى اول مشاركة ليا فى المنتدى الجامد اوى دا وكنت حابب انضم معاكم فى الموضوع الجميل اللى عامله الاستاذ ايمن وخاصة بعد الموضوع اللى شوفته عمل ايه فى العربية بتاعته ....
طبعا يا استاذ ايمن انت عارف ان الناس كلها تقولك بلاش الستروين بس انا مش عارف ليه او انه زى ما حضرتك قلت مش فاهم او مش عاز يشتغل فى الحوض بس مع انها العربية الاولى فى فرنسا .... بس انا كنت عاوز اخد رأيكم فى موضوع مهم جدا وهو مقارنة العربيات ... انا كان معايا فيات 125 وكانت عربية من الاخر وكنت برده مدلعها زيك كده بالظبط بس فى الاخر اسمها 125 ومهما عملت مفيش سحب مع انى غيرت فيها الموتور بالفتيس والكارونة الى 131 1600 cc بس انا كنت عاوز اركب عربية ناعمة ومصرفيها تحت الايد وعايا فى حدود 16 /17000 ودول ميجبوش حاجة بالكماليات اللى شفتها غير الستروين بس انا محتار بينها وبين المازدا 323 وانا شفت عربيات منها فى حدود السعر ده وبالنسبة لقطع الغيار انا اساسا فى عين شمس وخاصة فى جسر السويس جنب الاسطى فرج وجنبى برده الناس بتوع اليابانى كلهم يعنى متوفره ومتهيألى ان قطع الغيار فى الاثنين بعد المقارنه بالاسعار اللى انت حاططها وبين المازدا تقريبا واحده فانا بجد محتار بين الاثنين من حيث النعومة والراحة والصالون والكماليات معلش طولت عليكم بس حابب اخذ رأيكم يا اهل الخبره

[aymangalal]

المشاركة الأصلية كتبت بواسطة mostafayation السلام عليكم ورحمة الله وبركاته يا رجالة الستروين والله دى اول مشاركة ليا فى المنتدى الجامد اوى دا وكنت حابب انضم معاكم فى الموضوع الجميل اللى عامله الاستاذ ايمن وخاصة بعد الموضوع اللى شوفته عمل ايه فى العربية بتاعته .... طبعا يا استاذ ايمن انت عارف ان الناس كلها تقولك بلاش الستروين بس انا مش عارف ليه او انه زى ما حضرتك قلت مش فاهم او مش عاز يشتغل فى الحوض بس مع انها العربية الاولى فى فرنسا .... بس انا كنت عاوز اخد رأيكم فى موضوع مهم جدا وهو مقارنة العربيات ... انا كان معايا فيات 125 وكانت عربية من الاخر وكنت برده مدلعها زيك كده بالظبط بس فى الاخر اسمها 125 ومهما عملت مفيش سحب مع انى غيرت فيها الموتور بالفتيس والكارونة الى 131 1600 cc بس انا كنت عاوز اركب عربية ناعمة ومصرفيها تحت الايد وعايا فى حدود 16 /17000 ودول ميجبوش حاجة بالكماليات اللى شفتها غير الستروين بس انا محتار بينها وبين المازدا 323 وانا شفت عربيات منها فى حدود السعر ده وبالنسبة لقطع الغيار انا اساسا فى عين شمس وخاصة فى جسر السويس جنب الاسطى فرج وجنبى برده الناس بتوع اليابانى كلهم يعنى متوفره ومتهيألى ان قطع الغيار فى الاثنين بعد المقارنه بالاسعار اللى انت حاططها وبين المازدا تقريبا واحده فانا بجد محتار بين الاثنين من حيث النعومة والراحة والصالون والكماليات معلش طولت عليكم بس حابب اخذ رأيكم يا اهل الخبره

وعليكم السلام ورحمة الله وبركاته يا استاذ مصطفى.... اهلا بيك فى الكلوب ونورتنا
طبعا مفيش وجه مقارنة بين الفيات القديم عموما ذو قوة التحمل والاداء القوى وبين المازدا والستروين اللى فيهم نعومة وراحة وكماليات لكن مش بنفس قوة الفيات القديم وخصوصا 125 واللى بيصرف على العربيات دى بيبقى حاببها وعايز يحتفظ بيها ويطلع منها بافضل اداء لكن محدودة الكماليات
نيجى للمقارنة بين مازدا وستروين ... معلش ماعنديش معلومات كتير عن مازدا لا قطع غيار ولا كماليات بس فى ناس كتير بتشكر فيها مع ملاحظة انها ثمانينات على ما اعتقد ويميزها الحجم الاكبر من ستروين
بالنسبة لستروين طالما انك فى قريب من جسر السويس يبقى اعتقد ان مشكلة قطع الغيار والصيانة متوفرة بالنسبة لك وده اهم حاجه فى ax على وجه الخصوص +كماليات(سنتر-زجاج كهرباء-تكييف-دركسيون ناعم جدا كأنه باور) يعيبها فقط صغر حجم الصالون لكن فى المجمل انا باعتبرها افضل عربية صغيرة بكماليتها و بأقل سعر .... خد بالك برضه عند القرار من موديل الستروين اللى بيبتدى من تسعينات وموديل المازدا اللى فى التمانينات لان فرق العشر سنين دول اكيد بيأثروا على الاستهلاك العام وحالة العربية
بالنسبة لميزانية حضرتك ممكن تجيب ستروين بـ 16 او 17 لكن حالته مش هاتبقى 100% يعنى هاتبقى عادى ومحتاجه شوية تظبيط لغاية ما توصل للى فى دماغك وممكن ربنا ييوفقك برضه فى حاجه ممتازة فى حدود مقدرتك
دور كويس وعاين كتير وشوف مازدا وستروين وان شاء الله مع المعاينة والاحتكاك المباشر تكتشف حاجات اكتر وممكن تلاقى حاله زى ما بيقولوا لقطه فى اى واحده من الاتنين وتبقى كسبتها برضه
دعواتى لحضرتك بالتوفيق ان شاء الله وتحت امرك

[mostafayation]

متشكر جدا على سرعة الرد يا استاذ ايمن والاهتمام بالناس اللى فى الجروب عموما وانا نزلت النهارده السوق وكان معايا سمرى وميكانيكى وسألت برده على العربيتين لقيت ان المازدا فى بيعها اسهل واسرع من الستروين وقالولى ان فيه مشكلة فى الستروين انها بتسخن بسرعة ( مش عارف ده مظبوط ولا لاء) بس اتصدمت من الاسعار اللى حاطنيها ( التجار) اسعار تموت من الدحك اللى يقولى 22 وانتا طالع وتبص فى العربية تلاقيها من بره هلا هلا ومن جوه فأانا هصبر حبتين بس كنت عاوز اعرف منك بالنسبة لثبات الستروين على السرعات العالية اللى هيا فى مصر 100 ك ههههههه وبالنسبة برده لموضوع السخونية اللى انا مش مقتنع بيه .. معلش طولت عليك بس انا ركبت المازدا وجربتها بس مركبتش الستروين خالص .. (( واسألو اهل الزكر ان كنتم لا تعلمون )) صدق الله العظيم

[hamada20008]

انا معايا سيتروين ax ومش بتسخن خالص واي استفسار انا تحت امرك 01005612010 محمد

[aymangalal]

المشاركة الأصلية كتبت بواسطة mostafayation متشكر جدا على سرعة الرد يا استاذ ايمن والاهتمام بالناس اللى فى الجروب عموما وانا نزلت النهارده السوق وكان معايا سمرى وميكانيكى وسألت برده على العربيتين لقيت ان المازدا فى بيعها اسهل واسرع من الستروين وقالولى ان فيه مشكلة فى الستروين انها بتسخن بسرعة ( مش عارف ده مظبوط ولا لاء) بس اتصدمت من الاسعار اللى حاطنيها ( التجار) اسعار تموت من الدحك اللى يقولى 22 وانتا طالع وتبص فى العربية تلاقيها من بره هلا هلا ومن جوه فأانا هصبر حبتين بس كنت عاوز اعرف منك بالنسبة لثبات الستروين على السرعات العالية اللى هيا فى مصر 100 ك ههههههه وبالنسبة برده لموضوع السخونية اللى انا مش مقتنع بيه .. معلش طولت عليك بس انا ركبت المازدا وجربتها بس مركبتش الستروين خالص .. (( واسألو اهل الزكر ان كنتم لا تعلمون )) صدق الله العظيم

المازدا فعلا فى بيعها اسهل من الستروين لان الطلب على الستروين اقل بسبب ان سمعتها مظلومة وحقها مهدور ------العربية كانت معايا ومابتسخنش من غير سبب واكتر اسباب السخونة اهمال دورة التبريد من التأكد من عدم وجود اى تسريب من الرادياتير او الخراطيم والوصلات يعنى مافيش حاجه بتحصل من غير سبب واللى قولك ان العربية دى او غيرها بيسخن يبقى شاف العيب وماشافش السبب ولكن مافيش عربية بتسخن من تلقاء نفسها كده حاجة مش مقنعة بالعقل كده ------بالنسبة بقى للشراء ما انصحكش تشترى من سوق او تاجر يفضل تتعامل مع صاحب العربية مباشرة وخصوصا لو عامل عنها اعلان بنفسة معلش هى فيها تعب لانك بتدور على كذا عربية فى كذا مكان لكن بتبقى مضمونة والشخص صاحب العربية العادى اللى زينا كده بيبقى صريح اكتر "او اغلبهم كده" وكمان عنده صبر يجاوبك على اى استفسار وممكن ربنا يوقعك فى واحد ابن حلال من الاخر يقولك على اى حاجه فيها بصراحة وطبعا السعر هايبقى على حسب الحاله ومش هيتاجر بعربيته لان معظم اصحاب العربيات بيبيعوا اما لتتغير او الظروف وفى الحالتين مش بغلوا فى السعر وفى امكانية كبيرة للتفاوض والاتفاق وكل الاسباب اللى ذكرتهالك فى نقطة البيع والشراء هاتفتقدها مع التاجر الا لو وقعت على حاله لقطة بسعر معقول وده برضه وارد -------العربية ثباتها معقول بالنسبة لحجمها وماتنساش ان العربية اصلا خفيفة ولا تتجاوز 700كجم وموتور 1400 يعنى الامان معاك لغاية 100 او 120 اكتر من كده ماعرفش لانى ماجربتش ههههههههه وعامة فى التأنى السلامة ومافيش طرق فى مصر او ظروف حتى تسمح لك بتخطى ال 100 فا لغاية هنا ماتقلقش
وان شاء الله يكون لك نصيب ركوبة كويسة سواء مازدا او ستروين