بعد البحث والعناء تم الحصول علي مياه ريدياتير ستروين

المشاركة الأصلية كتبت بواسطة AMMI الميه المقطره المفروض انها عباره عن حمض كبريتيك مركز بنسبة 30 فى الميه فازاى هتتحط فى الريداتير ومعروف ان الميه المقطره فى البطاريات السائله خطر لو وقعت على هيكل السياره. ياريت التوضيح

المية المقطر نوعين
واحد بارد وهو دا اللي تزود بيه الريداتير
والتاني تقريبا حامية الا هي مية نار
دي للبطاريات السائلة فقط
خللي بالك من الفرق

سؤال لصاحب الموضوع بعد الشكر الواجب
جبت المية الحمرا دي منين وانا عايزها عشان احطها في السيات التوليدو بتاعتي
وايه الرفق بينها وبين اللي في السوق سواء سعودية تركيزها 40%
او موبيل اللي مش عارف تركيزها كام
وشكرا جزيلا

[ahmedromance]

المشاركة الأصلية كتبت بواسطة walidelwahsh سؤال لصاحب الموضوع بعد الشكر الواجب جبت المية الحمرا دي منين وانا عايزها عشان احطها في السيات التوليدو بتاعتي وايه الرفق بينها وبين اللي في السوق سواء سعودية تركيزها 40% او موبيل اللي مش عارف تركيزها كام وشكرا جزيلا

والله يا باشا بالنسبة للفرق مقدرش افيدك فيه غير ان المياه دي مضمونة انها اسباني ودي جبتها من واحد صاحبي عنده محل قطع غيار وجابهالي مخصوص فلو حضرتك محتاجها اخليه يجبهالك.

[amrmaismail]

المشاركة الأصلية كتبت بواسطة ahmedromance جميع سيارات ستروين ذات بلوك المونيوم فيجب استخدام المياه الحمراء وللعلم سيارات ستروين الجديدة تحتوي علي مياه حمراء وفائدتها انها تمنع الصدأ والتأكل الذي تسببه مياه الحنفية وبالنسبة للمياه التي استخدمها هي المخففة دون اي اضافات عليها فقط تفريغ دورة المياه كاملة ملحوظة( يجب ان تكون السيارة باردة تماما ) ثم وضع المياه الحمراء وبالنسبة للمركزه لم استخدمها من قبل ولا اعرف كم النسبة منها الي المياه المقطرة ولكن سوف تجدي النسبة مكتوبة علي العبوة حتما.

الف شكر يا باشا علي المعلومات القيمة
بس مش كل السيتروين بلوك الومنيوم علي فكره
في مواتير بنفس المواصافات بتنزل الومنيوم وزهر
انا عربيتي اكسارا البلوك بتاعها زهر

وتحياتي للجميع

[samirsaid1]

طيب دلوقتى المية المقطرة اللى فى البنزينة كلها مكتوب عليها بطاريات ومش مكتوب عليها للرادياتير خالص

عشان كدة الواحد قلقان يزود منها

فتنصحونى بايه وهل فيه نوع كويس ولا مش هاتفرق

انا عندى نقص فى مية الرادياتير حوالى نصف لتر ازودة مية ولا ازودة سائل تبريد

[hunted]

جزاك الله كل الخير أخي ahmedromance على هذه المعلومة المفيدة
وارجو من حضرتك تدلني على مكان تتباع فية
كارفور ،سبيركار مول , اون ذا رن ،..................