عاوز أروح المطار

[tham1010]

أنا متشكر لكل من رد على فى موضوع المشوار للمطار. ولى سؤال كمان.. هو فى مطارين فى القاهرة. المطار الجديد والمطار القديم. الطريق اللى حضرتكم شرحتوه يوصل للمطار القديم أم الجديد. الراجل اللى ريحين نوصله مسافر للأمارات مش عارف يركب من القديم ولا من المطار الجديد. أرجو الإفادة.......

ممكن كمان حد يقول لى هو الطريق من شبرا الخيمة للمطار حوالى كام كيلوا..... هل لو كانت القيادة على 60 كيلوا فى الساعة على الطاريق الدائرى هذا فيه خطر لانى أعرف ان الناس بتعدى المائة وطالع على الطريق دة.

[mahmoudey]

الدخلة بتوصلك سواء للمطار القديم او الجديد
وحاول تبص ع التذكرة بتاعت السفر هتلاقى مكتوب عليها صالة كام؟ (لو صالة 1 يبقى القديم - لو صالة 3 يبقى الجديد) على حد علمى

المسافة من شبرا الخيمة للمطار حوالى 20 - 25 كم

وعاوز تمشى على 60 مفيش مشاكل بس خلى بالك من الطريق بس كويس وخد اليمين وحاول تزودها شوية وخليها 80

وتوصل بالسلامة إن شاء الله (المهم ماتنساش لازم تطلع من طلعة الدائرى بتاعت اتجاه موقف العاشر مش بتاعت ميدان لبنان وهتفضل واخد الدائرى لا يمين ولا شمال لحد ماتلاقى يافطة دخول المطار)

[tham1010]

متشكر لكل رجالة المنتدى... وأخيرا فى طريق العودة هنتبع نفس الطريق بمعنى من المطار ونطلع الدائرى لحد شبرا الخيمة ومنها إلى المنوفية... صح كدة ولا فيه تعديل؟

[mr_astra]

المشاركة الأصلية كتبت بواسطة tham1010 متشكر لكل رجالة المنتدى... وأخيرا فى طريق العودة هنتبع نفس الطريق بمعنى من المطار ونطلع الدائرى لحد شبرا الخيمة ومنها إلى المنوفية... صح كدة ولا فيه تعديل؟

صح كدة ما فيش اى تعديل ولو انى اعتقد انك اما تخرج من المطار هتلاقى نفسك ادام الكلية الحربية ....عارف لية عشان فى المطار هايؤلك لازم تنزل الباركنج ومن الباركنج الطريق اجبارى على ما اعتقد وهتلاقى نفسك ادام الكلية الحربية
لو دة حصل معاك ما تقلقش امشى عادى وخد طريق السندباد ومنة طوالى الى موقف العاشر من رمضان تعمل يو ترن تلاقى نفسك اول الطريق الدائرى من مدينة السلام ....طوالى لغاية نزلة طريق مصر اسكندرية الزراعى وتوصل بالسلامة

[mahmoudey]

هقولك برده على حاجة كويسة:

أنت ممكن تدخل على خرائط جوجل (Google Maps) وبص بصة كده على الطرق اللى هتمشى منها كلها عشان تبقى خدت فكرة عنها وتفتكرها إن شاء الله