السلام عليكم ارجو المساعدة

[habhoubbaa]

السلام عليكم يا جماعه ساعدونى انا حنزل من اسكندريه للقاهرة بالعربيه وعاوزة اروح مصر الجديدة شارع جسر السويس امشى ازاي بعد ما ادخل من البوابه...مع العلم ان فى القاهرة زيرو لا اعرف اي مكان

[m.genedy]

المشاركة الأصلية كتبت بواسطة habhoubbaa السلام عليكم يا جماعه ساعدونى انا حنزل من اسكندريه للقاهرة بالعربيه وعاوزة اروح مصر الجديدة شارع جسر السويس امشى ازاي بعد ما ادخل من البوابه...مع العلم ان فى القاهرة زيرو لا اعرف اي مكان

فى حدود معلوماتى
بعد ما تعدى البوابة تمشى على طول فى الطريق الصحراوى السريع
حتى يظهر لك مطلع الطريق الدائرى وتفضل ماشى ع الدائرى
وقبل اخر الطريق سوف يكون هناك لافتة عليها جسر السويس.
بالتوفيق

[سمارت وير]

حبيبنا الغالي ... أهلاً بك في قاهرة المعز ( عاصمة الفن و الآثار و العمارة الإسلامية الرائعة ... و الزحام الخانق أيضاً ) كما قال أخي M.Genedy بعد ما تعدي البوابة تفضل ماشي لغاية مطلع الدائري و تكمل فيه لغاية آخرة عند موقف العاشر و تخرج من المخرج الذي يسبق النفق مباشرة و تسير يميناً مع الطريق لتصبح بذلك بشارع جسر السويس ... لو عايز تدخل مصر الجديدة من اتجاه المطار و الكلية الحربية يبقى تطلع كوبري الهايكستب و هاتنزل منه بجوار سور المطار ( شارع جوزيف تيتو ) و تعدي عليّ نتغدى سوا و نشرب أحلى كوباية شاي مع بعض و أقولك على أي مكان تاني لمصر الجديدة ... أما لو انت عايز جسر السويس نفسة ( مش قلب مصر الجديدة ) يبقى متطلعش الكوبري و تكمل من تحت لحد قبل حديقة بدر علشان برضة تعدي عليّ نتغدى سوا و نشرب أحلى كوباية شاي مع بعض إلخ إلخ إلخ