تقرير شامل عن الآفيو

[odaoda]

اقسم باللة صاحبى الانتيم وابن عمتى معاهم العربية والعربية فيها العيب بتاع الار بى ام دة جدا جدا

والاتنين ظهر عندهم العيب بعد حوالى 10 الاف كيلو تقريبا
وهو ان عداد الار بى ام بيرتفع على (3) حتى (4 ) لما تمور العربية
وراحوا التوكيل ولا حياة لمن تنادى بينضفولهم حاجة كدة مش عارف اسمها ويومين والمشكلة بترجع تانى
شئ مستفز جدا لما تبقى واقف فاشارة وتلاقى صوت العربية عالى جدا والناس عمالة تبصلك وتقول اية المجنون د دايس بنزين لية!!!!!
طبعا دة غير العيوب التانية
ان العربية بتتقل بغباء لما تشغل التكيف وخصوصا لو راكب فيها 4
معرفش نظام الصيانة لانى مرحتش معاهم

ابن عمتى موديل عربيتة 2009
التكيف باظ مرتين وراح صلحة على حسابهم
ووالله العظيم العربيتين كورى لتفتكروا انهم مصرى ولا حاجة
مش عارف اقول اية غير حسبى الله ونعم الوكيل

[nadenono]

لا حول و لا قوة الا بالله . لا زالت مشاكل الآفيو بدون حل حتى الآن

[odaoda]

على فكرة صاحبى راح يعمل صيانةالالف قالولوا هتيغر تيل على حسابك لانة سؤ استعمال بأما العربية هتجيب طنابير
رغم ان التيل المفروض يتغير على 40000 لكن طبعا لا حياةلمن تنادى

[Ahmed.gunners]

ياااا جماعة انتم بتسيئوا لسمعة العربية كدة لية طب حضرتكم تفسروا باية مع واحد جاري وبيسافر بيها كل يوم السويس والعربية زي الفل معاة وعمرها ما اشتكت ومالوا المصري زي الفل انا كان معايا اوبل كورسا موديل 2006 ولسة بايعها من يومين اتنين وتقفيل منصور بردوا والعربية قعدت معايا 4 سنين وعمرها ما اشتكت ولو كانت بالمنظر الي الناس بتتكلم بية عن الافيو دة ما كانت انتشرت الانتشار الرهيب دة ما في شارع تمشي فية الا وتلاقي فية افيو وبعدين علي اقد الفلوس المدفوعة فيها تاخد عربية ولاهي الواحد عايز عربية يمشي بيها ومش فيها مشاكل يروح يجيب BMW ولا WV

[ahema]

محدش بسوء سمعتها ولا حاجة العربيه كانت معايا لمده سنة ونص وممكن تشوف وللعلم أنا وقفت مشاركه في الموضوع بعد ما التوكيل كتب كلام غير حقيقي وبعد ما الإدارة وقفتني
وده موضوعي http://www.masrmotors.com/vb/showthread.php?t=3627
والحمد لله بعتها وخلصت منها