|
#21
21-07-2009, 12:59 PM
|
||||
|
||||
رد: حمى الكيا سيراتو الجديدة
إنت أوجزت فأنجزت ياسامح باشا
ثانيا : مش بس الآسيوي مواصفاته مطاطه كل الشركات مواصفاتها مطاطه بغض النظر عن إسم الشركه وده بيكون نتيجة لدراسة جدوى لابد من أن تعملها أي شركة سيارات ولو حتى شركة تحت السلم أو حتى شركة النصر للسيارات (الله يرحمها) ياجماعه كل سوق وليه إحتياجات تختلف عن الآخر وبما أن شركات صناعة السيارات تبيع سلعه ... فببساطه لابد لها من أن توفر مايحتاجه السوق عشان تكسب (هما مش فاتحينها سبيل ...وإستعراض عضلات....وكمان بيفرضوا مواصفاتهم على السوق) لذلك كل شركه بتعمل دراسة جدوى لبيع منتجها بالسوق الموجهه له ولو وجدت أنه من الممكن تعديل المنتج ليجد فرصة تواجد بالسوق المستهدف فليه لأ طالما أنه لايتعارض مع سياسات الشركة وكثير من الإعتبارات الفنيه والمعنويه الأخرى (يعني مثلا : شيفورليه كابريس جات تعمل دراسه للسوق المصري عشان تنزله عربيات -علما أن الكابريس سياره ليست بسيارات فارهه أصلا بالخارج فهي سياره موجهه للمستهلك المتوسط الحال ماديا- ولقت إن فيه مشكله بسبب الجمرك سيتسبب في رفع سعرها وسيخرج العميل المستهدف من قبلها خارج الشريحه بتاعتها من الناحيه الماديه ولم يكن لديها حل غير أنها لكي تنافس وتستقطب عميل لها بمصر لابد لها من تغيير موتورها من 5400 سي سي إلى 1600 سي سي وبذلك تستطيع أن تنافس وتجد عميلا لها ........... طبعا من الناحيه الفنيه لن يستطيعوا فعل ذلك وبالتالي لن يوجهوها للسوق المصري ببساطه لأنه لا يناسبها. وهكذا قيس على ذلك البقيه الباقيه هل تقدر تقولي إن مبيعات السيارات ال wagon الإستيشن في مصر قليله ليه في حين أنها في ألمانيا مثلا مفضله ومبيعاتها بالعبيط .. يعني في مصر عندك إستعداد تركب بي ام دبليو الفئة الثالثه كمثال من النوع الإستيشن ولا سيدان ؟؟؟؟؟ كام واحد في مصر حيختار ديه وكام واحد حيختار التانيه طيب لو في ألمانيا ونفس السؤال كام واحد حيختار ديه وكامم واحد حيختار التانيه إذا النتائج مش واحده لكل سوق فكل سوق وله إحتياجاته والشركات ديه عشان الناس تاكل عيش خد عندك بقه مثال أوروبي (الباسات موجوده في أمريكا من 2000 سي سي فما فوق ولكن لما جم يوجهوها لينا كان لازم يإ إما يحترموا ظروف سوقنا يا إما بره ومن غير مطرود .......فكان فيه حل فني بإمكانية إضافة موتور 1600 ثم الآن 1400 سي سي وده عشان تقدر تنافس وتتواجد بالسوق المصري --- طيب فيه كماليات كتير يبقى لازم يختاروا كام باكج يطلبها الوكيل بمصر -وده برضه نتيجة بحث ودراسات لإحتياجات السوق بمصر , والموديلات المنافسه والموديلات الأخرى لدى نفس الشركه برضه - فيتم إختيار ثلاثة أو أربعة مواصفات للكماليات والتجهيزات عشان سوقنا ... وده إلي يفسر لحضرتك لما تيجي تيجيبها خليجي تلاقي 600 مواصفه - ببساطه كل دوله من دول الخليج عملت دراسه لإحتياجاتها فالسعوديه أربع مواصفات والكويت كذلك و...إلخ تيجي تضرب مثلا 4 X (عدد الدول الخليجيه + سوريا + الأردن) = تلاقي إن بقه فيه حوالي 30 مواصفه مختلفه مع إن العربيه أوروبيه لكن من أسواق مختلفه فالدنيا زاطت إللي أقصده مرسيدس بتاعة مصر غير بتاعة اليابان ... مش عشان حاجه لكن عشان ظروف السوق وبالنسبه للسيراتو الموجوده بمصر هيه هيه الموجوده بالسوق الأمريكي تحت إسم آخر (forte) بس عشان أمريكا ماينفعهاش الــ 1600 سي سي فعندهم 2000 سي سي و 2400 سي سي ..... هكذا الدنيا بدون ثوابت كل مكان وله خصوصيته وده الرابط بتاع سيراتو أمريكا http://www.kia.com/#/forte/explore/
__________________
 التعديل الأخير تم بواسطة ahmed_kamel ; 21-07-2009 الساعة 01:09 PM 
|
|
#22
21-07-2009, 01:36 PM
|
|||
|
|||
رد: حمى الكيا سيراتو الجديدة
ههههه ماشى يا سامح .......بس ممكن تقول مكرونة بالجمبرى كدة ممكن تتاكل . يا سامح انا بفكر معاك يعنى .... مش لازم يكون فى علاقة مباشرة بين السيراتو و السحابة السوداء , انا بحول اوصل ازى المصريين بقى يخترو سيارتهم , و ازى اختيارتهم دى اثرت على حاجات كتير , من ضمنها البيئة اكيد . لو كنا نهتم بالبيئة مثلا اكتر من كدة كانت الشركات الصانعة حتراعى دة فى اختيارتها للمودلات اللى تنزل مصر و كذلك فى كل العوامل الاخرى , اقصد انى اقول يعنى ان السيارت المتوفرة فى السوق المصرى "و من ضمنها السيراتو و غيرها" هى نتاج اختيرات المصريين اللى هى مش شرط تكون افضل اختيرات مناسبة لاحتياجتهم بالفعل . و بالنسبة للسيارات اوروبية فى حدود ال100 الف حتلاقى كتير , , السيات ابيزا , الجراند بينتو , البولو , و الكليو و غيرها , و هو دة اللى انا اقصدة ان هذة السيارت بالرغم انها فى نفسة الفئة السعرية تقريبا و عملية بالفعل فى الحجم و التشغيل و البيئة , لكن تراجعت مبيعتها فى مقابل سيارت اقل جودة و اكبر حجما ولا تناسب الشوارع المصرية من حيث الحجم و التحمل و لا اقتصاديات التشغيل , لانة حدث تحول فى اختيارت المصريين لان الشكل والحجم اصبح هو العامل الاساسى فى ا لاختيار بغض النظر عن اى اعتبرات اخرى و هنا حدث الخلل بالفعل .
|
|
#23
21-07-2009, 03:58 PM
|
|||
|
|||
رد: حمى الكيا سيراتو الجديدة
بطلت أحلل يا دكتور ... بعمل أشعه مقطعيه على طول عموما هي المقدره برضو ساعات بتقرص الواحد وتخليه يهرش ptmnlo123per1127
وكله بيسوق العربيه تبعا لاحتياجات السوق .. زي الباسات ال 1600 و المرسيدس سي 180 اللي نزلت لينا مخصوص 1600 سي سي و قام كريم نجار منزل الاودي 1800 سي سي من 425 الف ل 300 الف معرفش ازاي !!! بس الاوروبي على الأقل بيحترم الاساسيات .. يعني ميقدرش ينزلك عربيه منزوعه مواصفات الامان مثلا .. مش خوفا علينا او تقدير لادميتنا ... لااا .. احتراما لاسمه و سمعته ptmnlo123per195 للأسف الأسيوي ممكن يعمل كده بمنتهى البساطه و ضمير مستريح تماما ... وتلاقي حتى خامات التابلوه و الطاره مختلفه .. حتى البلاستك و الفيبر درجات ... لكن في النهايه مقدرش أقول انها خامات ضايعه او دون المستوى ... ممكن تكون أقل جوده بدرجه ملحوظه .. لكن مش سيئه ... والنتيجه سعر منافس
والبولو السيدان صيني ... و الكليو السيدان نفس عينه السيينا و الباراتي حتى الكوردوبا بقالها كذا سنه ... فالناس ملتها .. برغم ان مواصفاتها و سعرها هايل .. و اللينيا اللي تعبر السيدان للجراند بونتو مش ماشيه ... ودي أنا معاك فيها ... الناس في الفئه السعريه دي بتدور على الاكبر و الاقوى والسعه اللتريه الاعلا ...و مقدرش اقول الاحلى ... لأن اللينيا شكلها جميل جدا ... لكن موتورها 1400 و هورس باور اقل من 100 حصان ... علشان انت عارف العربيه لازم تبقى أكتر من 100 حصان يسلو بعض في زحمه الاشارات !!! لكن إحنا بنحسبها بالكيلو ... و لما نيجي نبيع منخسرش .. علشان كده الغالبيه بتسيب العربيات اللي انت قلت عليها ويجيبو الالنترا و الصني و الانسر و السيراتو ويسيبو البرافو و الليون و يجيبو الشارك و الكورولا برغم شكلها الممل .. لكن عربيه ليها سمعتها و بتحافظ على سعر كويس في إعاده البيع عموما .. الغربال الجديد له شده ( من غير حشرات اهه علشان خاطرك يا دكتور ) والسيراتو سنه و لا اتنين و تقدم وتيجي عربيه تاخد مكانها ... فهي مش طفره و لا إعجاز .. لكنها عربيه جديده و العين عليها لاحظ انك متلاقيش في مصر عربيات زي الاكورد او الكامري او الجالنت او الليكزس .. وده لأن الاسيوي حدوده عندنا 150 الف (بأسعار اليومين دول ) .. فوق كده تلاقي كل الاتجاه للاوروبي ... يعني احنا بنقدر الاوروبي .. و بنشتري اللي نقدر عليه .... ptmnlo123per1127 لكن يا وااو .. الكوري مش سيء أوي كده ... و السيراتو او الالنترا او غيرهم عربيات جيده أداءا و خامات و مواصفات .. ومعتقدش انهم السبب في تلوث البيئه .. المشكله مش في العربيات و اننا كشعب معندناش وعي بيئي ... المشكله إننا عندنا عربيات كبده و سجق و زيزو نتاته و طعميه بزيت عربيات و عيش بالعلف الحيواني وملح بيارات و فاكهه محقونه و خضار بالمبيدات المسرطنه... و خطوط مياه تغذيه مفتوحه على خطوط الصرف و صرف مفتوح على البحر .. وبدل ما نلعب رياضه في النادي و لا نمشي حتى نص ساعه بنلعب ماتشات الكوره قصاد حجر خوخ او كنتلوب في الكافيه !! تفتكر ليه الشركات العالميه بتتهافت على شراء مصانع و شركات الاسمنت في مصر ؟؟ لأنه محرم في بلادهم لتأثيره المدمر للبيئه !!! وسلم لي على وزاره البيئه و المواصفات المصريه وقانون المرور الجديد ptmnlo123per1147
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 21-07-2009 الساعة 04:13 PM
|
|
#24
21-07-2009, 04:20 PM
|
||||
|
||||
|
رد: حمى الكيا سيراتو الجديدة
كلامك موزون كالعاده ياهندسه
__________________
|
|
#25
21-07-2009, 07:06 PM
|
||||
|
||||
|
رد: حمى الكيا سيراتو الجديدة
فى البداية احب اشكر ابو نورا اللى نبهنى بالموضوع الجامد ده ... حلاوة المناقشة وجمال الكلمات رفعت الموضع فوق فى السما بصراحة الأسلوب بتاع الأخوة المشاركين يفوق الوصف ومناقشة فعالة و جميلة فعلا ... فى تعليق بسيط اللى مش عاجبنى فى الكلام كلة بداية وصف العربية على فكرة انا مش من ملاك العربية ولا لية علاقة بالكورى ولا اليابانى ولا حتى الألمانى ... عشان انا من ملاك الصينى مع الأسف ... الموضوع كلة انى كنت متابع العربية من قبل ما تنزل مصر بشهور وقريت شوية تقارير وربورتات وشوفت فيديوهات وكمان من زهق الواحد من الصينى كنت بدور على حاجة محترمة واعتمادية لحد كبير ... المهم عشان ما اطولش عليكوا ... العربية من وجهة نظرى القاصرة كويسة مش وحشة قوى زى ما اتوصفت ولا الشكل الداخلى لا ينطبق على الخارجى ولا حاجة العربية من جوة تحفة فنية معمارية سيراتوية مدوية!!!! شكل التابلوة والعددات حاجة بجد جميلة بسم الله ماشاء الله ... من الآخر احنا لغاية دلوقتى مش قادرين نتقبل فكرة ان الكورى ممكن يتفوق على اليابانى... مش عارف لية... ptmnlo123per1106
 اجيب انا بقى الخلاصة ... انا اعرف ميكانيكى كان بيشتغل فى كيا ودلوقتى بيشتغل فى تويوتا وده من الناس الشاطرة اللى فاهما شغلها كويس ... كنت بتكلم معاه وبقولوة ان اليابانى اكيد احسن وكده ... والراجل اكدلى ان فعلا كيا شركة محترمة وبتنافس بجد وهو شايف ان السيراتوا مش عربية قليلة خالص بل بالعكس كمان ممكن تكون احسن من الكورولا وقالى على فكرة انا اشتغلت فى التوكيلين وفى العربيتين وعارف انا بقولك اية ...   وبكرة الأيام هتثب مين الصح ومين الغلطان بس نسيب العربية شوية فى السوق ونشوف هتعمل اية مع الناس وهيكون ادائها اخبارة اية وسمعتها اخبارها اية واللى خايف ميشتريش .. انا عن نفسى هموت واشتريها وربك يعدلها من عندهptmnlo123per122
__________________
مبروك علينا التوقيت الجديد هنغير الساعة كل 20 يوم واللى مش عاجبة يشيل حجر الساعة مصــــــــــريـــــــــة
|
 |
| الكلمات الدليلية |
| كيا سيراتو |
| أدوات الموضوع | |
|
|
