#26
|
||||
|
||||
رد: اول مصائب ما بعد الصيانة !!!!!
يا أستاذ أحمد انت بجد أخ عزيز وزى ما قلتلك انا سعيد جدا بمناقشاتنا دى لأنها فى الآخر والأول بتصب فى مصلحتنا جميعا كمالكى سيارات .
انا حاحكيلك على مثال بسيط وقريب جدا : امبارح كنت هناك عند ابو الفتوح مع اختى عشان عربيتها كانت بتغير الدينمو . وعلى فكره ماكانش موجود لمدة شهرين بالظبط ( والعربيات ماليه السوق من 4 سنين ) المهم لقينا مهندس التوكيل بينبه على تغيير سير الكاتينه مع العلم ان العربيه عامله بالظبط 5450 كم . ويتكلف حوالى 1800 جنيه . وعلى فكره هى معاها العربيه الهاتش 113 . لدرجة انها قررتانها تبيعها فى اقرب فرصه . غير عيوب موجوده فى العربيات وهما مش عارفين يعالجوها وكل ما الواحد يتكلم معاهم . يقوللك دا عيب استخدام . ومصاريفه على العميل . وانا شخصيا بعت عربيتى وهى لسه فى الضمان بعيب فى الفتيس عشان نفس المشكله . ( عيب استخدام وتكلفته على العميل ) بصراحه يا أستاذ احمد . الموضوع أصبح ازيد من اللازم . الواحد بيشترى عربيه زيرو عشان يرتاح من اى مصاريف او مشاكل . ودا غير وارد هنا بالمره .
__________________
Saif El Deen |
#27
|
||||
|
||||
رد: اول مصائب ما بعد الصيانة !!!!!
أنت بتروح آى توكيل ؟ لأن المهندس مش مهندس على فكرة صيانة الثلاث شهور لو موصلتش للكيلومتر بتبقى صيانة عادية تربيط عفشة ومراجعة على السوائل بس هما ساعات بيستعبطوا |
#28
|
||||
|
||||
رد: اول مصائب ما بعد الصيانة !!!!!
اما التوكيل فهو توكيل سبيرانزا اللى على الصحراوى بعد البوابات بحوانى 2 او 3 كم . وكلامك دا هو بالظبط اللى انا باتكلم فيه من البدايه . لأن انا باجيب العربيه الزيرو عشان تفضل معايا على استعمال رجلى على الأقل 5 سنين من غير عذاب . وماصرفش فيها مصاريف كتير . غير البنزين والزيت ودول معروف مواعيدهم . انما كل 3 شهور تغيير زيت وفلتر او زيت بس ....... دا جنااااان . طب ماكنت اشترى مستعمل واريح نفسى على الأقل قطع غياره موجوده فى السوق ورخصت عن الأول والميكانيكيه فاهمنها ومش مرتبطه بالتوكيلات ولاد الحراميه دول . انما كده . دى سرقه علنى .
__________________
Saif El Deen |
#29
|
||||
|
||||
رد: اول مصائب ما بعد الصيانة !!!!!
اؤيد حضرتك جدا جدا جدا يااستاذ سيف بجد انا عربيتى 516 موديل 2010 والعربية نفسها ممتازة بس التوكيل خلانى اندم لأول مرة فى حياتى انى اشتريت عربية منة .......... بس محدش بيتعلم ببلاش انا خلاص خدت خبرة كبيرة بالتوكيلات المصرية وبالتحديد الثلاثة اللى اتعملت معاهم ابو الفتوح - غبور - منصور وانشاء الله لوربنا كرمنى حجيب عربية خليجى واريح نفسى من قرف التوكيلات وسرقتهم ومرة تانية بشكر حضرتك يااستاذ سيف على مشاركتك ..
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
#30
|
||||
|
||||
رد: اول مصائب ما بعد الصيانة !!!!!
مانت حتى لو جبت عربيه خليجى أكيد حاتحتاج تعمل لها صيانات . واكيد برضو حاتوديها توكيل . عنى نفس الدايره هى هى .
__________________
Saif El Deen |
|
|