مساعدة في شراء بايك ريس جديد 2015

[Mohammed Aladawy]

(السلام عليكم ورحمه الله وبركاته)

انشاء الله كلها كام يوم كده ونازل اشتري بايك ريس واحترت بين نوعين اول نوع honda cbr 400rr وتاني نوع kawasaki ninga 250r والي مخليني محتار اني عايز الhonda cbr 400rr بس في ناس كتير بتشتكي منها علشان كله بيبقي مستعمل وطالع عينه وفي الاخر يقلك افراج جمركي وفي ناس قالتلي هات بايك متركبش قيل كده زي الkawasaki ninga 250r فان خايف احط مبلغ كبير في حاجة وابقي كل يوم بيها عند الميكانيكي فبعد اذن حضراتكم ليا كام سؤال:-

(الميزانية 30 الف جنيه)

1-في بايك ريس جديد في مصر ولا كله استعمال ؟ولو فيه الاسعار بتبقي ايه؟
2-في معرض موثوق منه عنده ريس جديد وكل الاكسسوارات الخاصة بالريس زي الخوذة والجاكت..الخ
3-هل لو مفيش جديد هاقدر اجيب افراج بمعني كلمة افراج منين وهل لازم اخد حد مختص معايا حتي لو هشتري من معرض وترشحولي مين؟
4- هل موضوع الريس الياباني المستعمل ده(لو ملقتش جديد) حوار فاشل ومتاعبه كتير ولا في ناس مستريحة فيه؟
5- بما اني لسه عندي 18 سنة لو الهوندا cbr اجيب250او 400او600 طبعا فوق كده متهيألي هيبقي مش مناسب
طبعا يا جماعة بعد ده كله يا ريت حد يقدر يفيدني واكون شاكر ليه مع ان كان في اسئلة تاني بس انا قولت كده كفايه عشان محدش يزهق مني وتطلعوني برا المنتدي خالص بس انا طبعا كان ليه نظرة في المنتدي علي المواضيع ولقيت ان ما شاء الله كلكم خبرة في المجال ده وكان الابرز الاخ jack box يا ريت لو موجود يقدر يفيدني لان الصراحة الراجل رغم اني لسه جديد في المنتدي ومتعملتش معاه لكن من طريقة كلامه وردوده علي استفسارات الناس اتضحلي انه ما شاء الله راجل محترم وعنده خبرة واسعة في المجال ده اسف علي الاطالة وارجو الرد وشكرا

[Mohammed Aladawy]

يا ريت يا جماعة حد يقدر يفيدني

[Mohammed Aladawy]

يعني مفيش ولا رد

[nktis]

يا باشا ال 400 و 250 خلاص موديلات قدمت و هتحيرك بعد كدا في قطع غيارها ,,, سيادتك معاك مبلغ كويس ممكن يجيبلك 600 f 4 او تسمع كلامي و تزود 3 ل 5 الاف و تجيب 600 f4i .
بالنسبه للاسئله في ريس جديد و تصينه في التوكيل بس اسعار فوق ال 100 الف ,,, بلاش مستعمل و خليك في الافراج لو عايز مكنه تقعد معاك 5 سنين و اكتر من غير مشاكل و وقفه عن الميكانيكيه .
السيفتي و الاكسسورات ليها محلات كتيرررررررررره للريس و الكاستم ...
بس يا ريت حتي لو افراج يبقي معاك حد ركيب يفحص لك المكنه كويس .؟. لان مش معني انها افراج و عدادها قليل تبقي زيرو .؟!. ممكن تكون واقعه و مخبوطه و مش باينه لك ...

[Mohammed Aladawy]

شكرا يا ياشا علي ردك بس قبل ما اسالك اي سوال انا اطلعت علي مواضيع كتير هنا في المنتدي ولقيت ان ابرز ناس حضرتك وjack box فكنت بسال عليه لان اخر ما تابعتهوله الحادثة وبعد كده انه دخل الجيش فعايز اعرف هو لسه موجود في المنتدي ولا لا لاني بصراحة كان نفسي اتعرف علي حضرتك وعليه وفي كمان الاخ injection هما راحوا فين حتي حضرتك لما رديت استغربت انك لسه موجود افتكرك ان كلكم اختفيتوا