|
#1
28-10-2010, 10:07 PM
|
|||
|
|||
حد يفيدنى انا جديد معاكم
السلام عليكم
انا متابع المنتدى من فترة كبيرة بصراحة اول ما فكرت اجيب عربية لانسر كريستالة و عاوز بس اخد رايكم فى بعض الحاجات : العربية اولا بتاعت واحد صاحبى و انا لسة ماكشفتش عليها لكن هو بيشكر فيها اوى و بيقوللى العيب الوحيد اللى فيها انها بعد 160 ك بتحدف شمال يعنى لازم تمسك الدركسيون و انا كدة كدة مش هجيب السرعة دى ببساطة لانى لسة جديد فى السواقة دا غير ان هو كمان مش هيخدعنى و واثق جدا فى عربيته و مش معترض خالص انى ارفعها و اكشف عليها و هو عارضها ليا على 42000 و هى عاوزة شوية سمكرة و رش و هى اصلا رشة برة بس يعنى تقريبا ممكن يتصرف عليها حوالى من 2000 الى 3000 جنيه يعنى فى الاجمالى هتكون ب 45000 هى عاملة 180000 ك موديل 99 GLX ممكن تقولولى رايكم فيها و هل هو دا السعر المناسب ليها وللا لا ??? و بجد متشكر اوى لكل الاعضاء انتو بجد و نعمة الاصدقاء 
|
|
#2
30-10-2010, 09:15 PM
|
||||
|
||||
|
رد: حد يفيدنى انا جديد معاكم
لو محتاجة سمكرة ودوكو بس يبقي سعرها معقول بس دة مايمنعش من انك ترفعها وتكشف علي ماتورها وعفشتها وحالة الشاسيه وخاصة الدواخل ولو كدة نقول مبرووووك مقدما
__________________
|
|
#3
31-10-2010, 02:12 AM
|
||||
|
||||
|
رد: حد يفيدنى انا جديد معاكم
ارفع العربيه وخللي حد يكشف عليها
موضوع الحدف بعد 160 ده فيه حاجه غلط يعني ايه عربيه تحدف بعد 160 العربيه لو فيها زوايا يبقي حتحدف لو حتي علي 20 انما ممكن يكون فيه حاجه تانيه يبقي ارفع واطمن ومهما كان صاحبك وضامن العربيه ارفعها وبينه وبينك اللي رافع ان كنت في السوق وواخد عربيتين رافعهم هناك وطلعوا جايبين شاسيه ومعمول والاتنين واخدينهم من صحابهم وبقوا واقفين حيتجننوا وحيموتوا من الحسره فالحرص واجب بردو
__________________
my mitsubishi love 4 ever 
|
|
#4
31-10-2010, 03:58 AM
|
||||
|
||||
|
رد: حد يفيدنى انا جديد معاكم
42 الف ما يجبوش كريستاله محترمه
الكريستاله لما بتبقي نضيفه مش بتقل عن 48 الف في اي حال من الاحوال لو عاوزه سمكره و دوكو و حتشدها شده محترمه مش حتقل عن 5000 جنيه مش موضوع الفين ولا تلاته اكشف علي العربيه كويس اوي
__________________
حـازم خـضـر
|
|
#5
31-10-2010, 03:15 PM
|
|||
|
|||
|
رد: حد يفيدنى انا جديد معاكم
حرس ولا تخونش اكشف على العربية كانك واخدها من واحد غريب
|
 |
|
|
