|
#151
17-03-2011, 03:23 AM
|
||||
|
||||
رد: مـقـــا لا ت
وأعلق نسر ليه على كتفى؟؟؟؟؟؟؟ ..... هو النسر ده ملوش اهل يسألوا عليه
ثم ان النسر تقيل ياعم و شيلة برضه ....انا هجيب جوز حمام يقفوا على كتفى  
__________________
 انتقل الى رحمة الله .. ونسأل الله له الرحمة والغفران 
|
|
#152
18-03-2011, 07:28 PM
|
||||
|
||||
|
رد: مـقـــا لا ت
نعم
الحقـيقـة انا مشغول جدا هذه الأيام وربما هذا ماجعلنى قللت من كتاباتى رغم ان الواحد بيبقى فى دماغه اكتر من 6 مقالات يوميا على الأقل ولكن كتابة المقال الواحد تكلفنى اكتر من نص ساعة الى ساعة الا ربع بعد التعديل والحذف والأضافة والتحقيق والتمحيص وقراءة المقال نفسه اكتر من 5 مرات وهذا ماجعلنى مقلا هذه الأيام أكل العيش برضه ياأخواننا ولكن هناك حدث مهم وله وقت معين وهو الغد فـقـط .........ثم ينتهى ولذلك انتهزت فرصة تفرغى بعض الشىء اليوم وقررت الكتابة عنه وهو الأستفتاء على تعديلات الدستور وللحقيقة انا زى كتير من الناس مكنتش فاهم حاجة الظاهر امامى ان التعديلات ممتازة وكويسة ماعدا مادة او 2 تقريبا ........وكانت غايظانى حكاية انك ياتقبل التعديلات كلها على بعضها ياترفضها كلها على بعضها طيب أفرض انا فى مواد مش عاجبانى ومواد محتاجة تغيير ومواد موافق عليها ليه اوافق على الكل .........يا أما أرفض الكل ولكن فوجئت بناس رافضين أصلا التعديلات وبعد بحث وتمحيص وتفنيد لكل الأراء فهمت الأتى أخواننا المعترضين سبب اعتراضهم انه بعد قيام الثورة .....فـقد انتهى الدستور وطبعا مش معقول نوافـق على تعديلات فى شىء اصلا منتهى يعنى الاعتراض مش على التعديلات ولكن على الدستور كله ثم انهم خايفين من أجراء الانتخابات دلوقت سواء البرلمانية أو الرئاسية لان الجاهز دلوقت للانتخابات بتوع الحزب الوطنى (حريفة الانتخابات ومحترفيها ) والأخوان المسلمين ( المحترفين برضه والى كانوا بـيـتـسقـطـوا فى الانتخابات مش بيسقطوا باعتراف مبارك نفسه لما قال انهم هما اللى جمعو كل الشباب ده فى التحرير طيب ولما هما يقدروا يجمعو ا كل دول فى التحرير معرفوش ياخدوا كرسى واحد فى مجلس الشعب ليه ) وبعيدا عن هذه الكذبة المباركية العادلية فأنى قلت فى نفسى والله الكلام شكله حلو ........ ولكنى تعودت الا أتسرع فى أبداء الرأى الا بعد سماع الرأى الأخر وفعلا قرأت حجج أخواننا اللى بيقولو نعم ورأيهم بيقول اننا لازم نوافق على التعديلات طيب ليه ياعم الحاج منك له ....له ... له ....لها فقالوا انه لابد من الأستقرار وعايزين الدولة المدنية والحياة تمشى بقى وبمجرد وصول رئيس جديد وبرلمان جديد طبيعى جدا انه يتعمل دستور جديد ومحدش يقدر يرجع فى كلامه دلوقت .......خلاص عقارب الساعة مش هترجع لورا تانى لكن وجود الجيش والدولة العسكرية والحكومة المؤقتة لا الوزير الموجود حاليا هيعرف يشتغل ولا الناس هتستقر طول مفيش حكومة مستقرة ولا عجلة الأقتصاد ممكن تدور بصورة سليمة ........طالما مفيش حكومة أصلا مستقرة أو رئيس يحكم الدولة لأن المجلس العسكرى ده....... واضح كده من طريقة عملهم (ده تخمينى أنا ) انهم فعلا ظباط جيش ومع احترامنا لكل أخواننا فى الجيش وعلى راسنا من فوق لكن واضح انهم ملهومش فى ادارة الدولة كل اللى بيعملوه بينتظروا الحدث يحصل ويبعتو مندوب ويسيبوا الناس تتصرف بعد كده يعنى حادثة كنيسة اطفيح مثلا بعد م حصل كل شىء ......العلماء والمفكرين وصلو ا موقع الحدث وتعاملوا مع الناس وكلموهم واتفقوا معاهم وكل مافعله ظابط الجيش المنتدب انه ترك الأمر يسير طبيعى حتى تم الأتفاق على كل شىء ثم أعلن هو القرارات وطبعا ده شىء كويس لكن مينفعش فى أدارة دولة فمثلا ازمة المصريين فى ليبيا واليابان لم يتحدث عنها احد الا بعد استغاثات من كل مكان وموجود 25 الف مصرى فى تونس واليابان لاحس ولاخبر وبعد تجميع كل هذه الأراء وجدت اخواننا اللى بيقولوا لأ .....عندهم حق فى موضوع الأنتخابات فعلا الجاهز للانتخابات دلوقت هم المحترفين (الحزب الوطنى والأخوان ) والحزب الوطنى سىء السمعة فعلا وقولا والأخوان قاموا بحل المشكلة وقالوا بالحرف على لسان الدكتور / عصام العريان المتحدث الرسمى بأسمهم وأنا سمعتها فى برنامج الحقيقة على قناة دريم قال بالحرف / اننا لانطمع فى منصب رئاسة الجمهورية ولاهنرشح حد للرئاسة ......وبخصوص انتخابات المجلس هندخل ثلث الدوائر الانتخابية فـقـط بحيث لو فزنا فيها كلها لن يكون لنا أغلبـيـة فى المجلس ......لأننا يهمنا مصلحة البلد أولا كلام جميل ويبقى البعبع الحزب الوطنى.......دى فعلا معضلة بقى فالحرامية الكبار اللى نهبوا الدولة وتاريخها ونهبوا كرامة الناس طوال 30 سنة ....... على مستوى دوائرهم الأنتخابـية سمعتهم كويسة فمثلا عندنا فى الزيتون عندنا البـيـج بوص / زكريا عزمى ...........بصراحة بصماته انا عارفها فى الزيتون من رصف لشوارع لأنارة طرق حتى متابعة شركات الزبالة والزبالين ....واجتماعه الاسبوعى بمركز شباب سراى القبة لـقضاء مصالح الناس كان لايتاخر عنه الا نادرا وتجد حوله مجموعة من الناس يتلقون طلبات الناس ويردوا عليهم بكل ادب وذوق ويفهموهم حجات كتير وفى الأخر ممكن ميقضيش الطلب لكنه أهو ....بيراضى الناس وبيحسسهم انه بيحاول يقضى مصالحهم كذلك مدينة السادات لصاحبها السابق ( احمد عز ) انا واثق تماااااما انه سينجح فى هذه الدائرة وهو جوه السجن وغيره وغيره وغيره ولكن أولا قيام الثورة لايعنى الغاء الدستور ...... طيب ماهى ثورة يوليو لم يلغ دستور 23 الا بعدها بسنوات ......ثم أشمعنى الدستور بس....... بهذا المنطق يبقى نلغى كل القوانين وخصوصا التى صدرت فى عهد مبارك .....ثم ليه مبارك لم يلغ دستور 71 مع انه كان عنده فرصة يلغيه لانه جاى بعد جريمة قـتل السادات وأعلان حالة الطوارىء .....وأصلا حتى لم يتحدث أحد عن ألغاء الدستور وقتها رغم ان مبارك لم يكن أصبح ديكتاتورا وقتها وبالتالى مسألة رفض التعديلات لمجرد قيام الثورة يلغى الدستور مسألة مش مظبوطة ثانيا محترفى الأنتخابات أحد طرفى محترفى الانتخابات وهو الأخوان اعلنوانهم مش هيدخلو بأكتر من التلت فـقط ولو نجحو كلهم فلن يكون لهم اغلبية وأما البعبع .........فخلاص مااااااااااات عندنا فى الزيتون مثلا انا شخصيا لن أنتخب زكريا عزمى رغم خدماته الكثيرة للزيتون لأنه خدم الزيتون وسرق باقى البلد والشعب أصبح واعى وعلى علم وفهم ومش هينتخب حد معروف بانتمائه للحزب الوطنى تااااااااانى خلاص فــنـيـتـووووووووو وأما الناس اللى بيقولو نعم فأ قـنـعـونى بصراحة لاننا عايزين استقرار وبعد كده نبدأ نبنى بلدنا من جديد لكن طالما لازال الحكم العسكرى موجود لن يكون هناك استقرار ولن يعطى ثقة فى الاقتصاد المصرى .....الذى هو عصب الحياة ......فلن يأتى مسـتـثمر أو سائح او حتى عيل صايع من بره معاه قرشين ونفسه يشوف ميدان التحرير اه والله دى مش نكتة كنت اقترحت فكرة غلق ميدان التحرير أمام السيارات وعمله كمتحف مفتوح له رسم دخول للمصريـيـن ربع جنيه وللاجانب 5 جنيه او مايعادل واحد دولار او للمصريـيـن مجانا وللاجانب واحد دولار .....مع عمل مرور للسيارات لو ده هيعمل مشكلة مرورية بس برسم دخول للسيارة نص جنيه مثلا والفكرة دى هتجيب فلوس كويسة للدولة ولو مش مصدقيننى أسألوا هيلارى كلينتون اللى جات فى زيارة رسمية لمصر ومع ذلك أول حاجة فكرت فيها انها تزور ميدان التحرير رغم انها جات مليون مرة قبل كده ولا فكرت فيه من أصله نرجع لموضوعنا أذن كلمة نعم هتـفتح الطريق لأنتخابات رئاسية وهى الأهم ثم برلمانية ثم تغيـير الدستور وبالتالى استـقـرار الأوضاع وبدأ العمل .....وبالتالى ثقة فى الأقتصاد وعودة المستثمرين والسياح والصياع اللى فلوسهم على قد الفسحة فى مصر وأما كلمة ...لا فتعنى أعلان دستورى أولا ......فيها يـيـجـى شهر ثم عمل دستور جديد ......فيها يـيجى 3 شهور كمان على الأقل ثم أنتخابات الرئاسة .....ثم البرلمانية أو العكس يعنى فيها سنة كمان واحنا على أخرنا مش مستـحملين اقتصاديا أذن أنا شخصيا رايح بكرة ان شاء الله وهقول نعم .....نعم .....ثم نعم للاستقرار ....وبداية دولاب العمل من جديد .....وعودة الحياة الطبيعية فى أسرع وقت وبعد كده نعمل اللى عايزينه واحنا شغالين طبيعى زى كل خلق الله طيب اللى بيقولوا لأ .....واللى بيقولوا نعم .....بعد نـتـيـجـة الأستفتاء هيحصل بـينهم أيه ؟؟؟ ولاحاجة....أخوات ومصريــيــن ومفيش ولاحاجة انسوا مبدأ الأهلى والزمالك ............ده حتى الأهلى والزمالك بعد المباراة اللعيبة بتسلم على بعضها والصعايدة والفلاحين ........انسوا خلااااااااااص ولى هذا العهد البغـيـض والله انى أتعجب......... فأنا اجد بعض جيرانى ممن كانوا يؤيدون مبارك .....هذه الأيام يقابلوننى فى الشارع ....فيعمل نفسه مش شايفنى أو م يردش عليا السلام للأسف لم يتعلموا أدب ألأختلاف ولذلك يجب ان نبدأ من جديد نعم أو لأ فى لأخر كلنا مصريــين المهم نشارك .....بغض النظر عن النـتـيـجـة والله أيام مبارك كانت لذيذة برضه .....الواحد م كانش بـيـتـعب نفسه ويروح على صندوق الأنتخابات خاااااااااالص كان هو ورجالته بيقوموا بالدور ده بالنيابة عننا ولاكان بيشغل نفسه بيها من أساسه
__________________
انتقل الى رحمة الله .. ونسأل الله له الرحمة والغفران
|
|
#153
18-03-2011, 08:51 PM
|
||||
|
||||
|
رد: مـقـــا لا ت
أؤيد كلامك أستاذ خالد
نعم للتعديلات الدستورية حتى من يستفتى ب لا .... فلابد أن تكون عن قناعة وفهم لا إتباع لجماعة أو رأى نريد أن نمارس الديمقراطية... لا نريد وصاية من أحد فإن أصبنا فلنا أجرين وإن أخطأنا فلنا أجر .... ونكون قد تعلمنا وأذادنا خبرة
|
|
#154
18-03-2011, 10:51 PM
|
||||
|
||||
|
رد: مـقـــا لا ت
الدستور المصرى الاستفتاء على الدستور المصرى هو أول استفتاء بعد ثورة 25 يناير والخلاف بين المؤيدين للتعديلات بشكلها الحالى والرافضين لها أمر محير فعلأ فأغلب أفراد الشعب المصرى من غير المتابعين أوالمهتمين بالسياسه كعادة شعب مصر فى ال50 سنه الماضيه بفضل انظمة الحكم الشموليه مش عارفين يقولوا نعم ليه أولاعشان ايه.
بالفعل حاجه تحير ....لماذا ؟!؟!! لأنك لوسألت اللى بيقولوا نعم أو لا الاتنين بيقولوا عشان مانروحش ننتخب 6مرات؟ طيب وايه المشكله؟ يقولك عشان الاستقرار والجيش يرجع يؤدى وظيفته ! طيب وهو الجيش اشتكا لك ؟ولا انت نصبت نفسك متحدث باسم الجيش؟ طيب السؤال الاهم ايهما أفضل نعم /اولا. اللى انا فاهمه ان فى الحالتين سيكون دستور جديد ولكن الخلاف فى من يصوغ أويشكل هذا الدستور هم 100 عضو من أعضاء مجلس الشعب المنتخبين ولو تمت الانتخابات الان فان أغلب هؤلاء الاعضاء سيكونون من الاخوان أوبقايا الحزب الوطنى المنحل أى محترفوا الانتخابات السابقين والثوار والليبراليون يريدون ان يكون لهم تمثيل أكبر فى البرلمان وبالتالى يكون لرأيهم تأثير أكبر فى الدستور القادم. ده بأختصار مجمل الموضوع فسواء كانت نتيجه الاستفتاء نعم اولا ففى الحالتين سيتم عمل دستور جديد وهذا الاستفتاء هو اول اختبار للديموقراطيه فأتمنى يعدى بدون حوادث تعكر هذا الجو الديموقراطى حتى نثبت أن هذا الشعب يستحق الحريه وان يكون قراره بيده والا يحاول أى طرف فرض رأيه على الاخرين لأى سبب حتى لو كان الحرص على مصلحة البلاد والعباد...........
__________________
 "اللهم أنصر الاسلام وأعز المسلمين"
|
|
#155
19-03-2011, 01:14 AM
|
||||
|
||||
|
رد: مـقـــا لا ت
الجيش م اشتكاش ومش هيشتكى ياعم أشرف
لكن احنا اللى عايزين دولة مدنية كفاية حكم العساكر من سنة 1952 لحد النهاردة وثانيا الاقتصاد هو اللى بيشتكى لان طول م الجيش فى الحكم والدبابة فى الشارع مش هيجيلك مستثمر ولاسايح ثم ان وظيفة الجيش أى جيش مش الحكم وانما حماية البلد ووظيفة الجيش المصرى مختلفة فهى حماية البلد وحماية العرب كلهم ..... دى بقى الوظيفة اللى مبارك همشها وخلعها من نافوخ الناس علشان ننسلخ من امتنا العربية ولذلك العرب كرهونا وعاملونا معاملة سيئة لان لا فلسطين فيها جيش يحارب ولا دول الخليج كلها عندها جيش ولا دول الفستق (بلاد الشام / لبنان وسوريا والاردن والعراق ) عندهم جيوش تحارب اللهم الا يمكن الجيش السورى عنده جيش لا يرقى الى مستوى الجيش المصرى ولا دول شمال افريقيا عندها جيش عليه العين احنا مش عايزيين عسكريين تانى ......كفاية بقى ندى الفرصة لواحد مدنى واللى يترتب على كلمة لأ........... شوية أجرائات هتاخد سنة ......واحنا كشعب مصر اقتصادنا م يستحملش السنة دى وأخيرا كل واحد حر يقول اللى هو عايزه .مع احترام راى الاخرين........لان دى هيا الديموقراطية اللى لازم نثبت اننا نستحقها
__________________
انتقل الى رحمة الله .. ونسأل الله له الرحمة والغفران
|
 |
|
|
