غرائب كيا برايد

[AbOnOrA]

نقلاً من موضوع ( العربية اللى حيلتى ماتت (اغرب موقف حصلى مع عربيتى))
صباح الخير يا جماعة

امبارح حصلى موقف غريب جددددددددددداً ولحد دلوقتى مش عارف حصل ازاى ولا العمل فيه اية

حوالى الساعة 3 بليل كنت مع جماعة اصحابى وركب معايا منهم اتنين اوصلهم فى سكتى ودورت العربية ومشيت

العربية كانت دايرة وماشية عادى مجرد ال rpm كان عالى شوية وقولت اكيد طبيعى علشان العربية باردة لسه

مشيت بالعربية 5 دقائق عادى والكاسيت شغال والنور شغال وكلة تمام التمام وفجاءه العربية بطلت خااااااااااالص

بطلت وقطعت كهرباء تماما

وفجاءة لقيت نفسى فى شارع جانبى والدنيا كحل والعربية قاطعة تماماً

نزلت بثقة وطمنت الناس اللى معايا خليكو يا جماعة مفيش حاجة وكلى ثقة ان هزة ولا رجة خلت قواشيط البطارية تتزحزح ولا حاجة هايفة كده

فتحت الكابوت حركت القواطيش مفيش حاجة والقواطيش مبتشرزش حتى كان البطارية ميتة وكل حاجة ماتت

قولت يمكن حاجة عاملة قفلة

شيلت فيش الكنترولر والانجكشن وفصلت وركبت وبصيت على الفيوز العمومى وكل الفيوزات الصغيرة مفيش

ايه العمل

وانا بحاول مع العربية لقينا عربية تانية جاى فى وشنا واحنا واقفين فى شارع جانبى ميساعش غير عربية واحدة طبعاً شاورنالة ارجع ياعمنا العربية عطلانة وطبعاً كان الكابوت مفتوح والشكافات والموبيلات منورة وعمالين ندعبس فى الضلمة وباين اننا ناس عطلانين فعلاً بس صاحبنا دخل علينا برضو

ياعم بنقولك عطلانة لف من شارع تانى معلش ..

الراجل قالنا طيب خلاص انا هقف ياعم تقف ليه .. الراجلة ببلاهة طيب مش عايزين اعمل معاكو حاجة

لاء شكراً طيب وفضل واقف

سيبناه واقف .......

العربية لسه مش عايزة تنطق وانا ايدى اتحشرت فى علبة الفيوزات ومش عارف اطلع فيوزين فى الاخر مزنوقين

حد معاه مفك ...... مفيش

اى حاجة رفيعة يا جدعان ..... مفيش

فاستخدمت مفتاح العربية علشان اشد بيه الفيوزات ....

جربت كل الفيوزات وفضل معايا مفتاح العربية عاملة زى مفك .....

قولت كده مفيش غير البطارية افتح ابص عليها كده ...

وباستخدام مفتاح العربية فكيت اول عين ابص على البطارية لقيت اول عين فيها مية يادوبك

قولت يبقى احتمال كبير فعلا البطارية طيب نجيب بطارية منين مفيش غير الراجل اللى واقف متنح ده بس محرج اقولة ومش عارف معاه كابل اصلاً ولا لاء والعربية بتاعتة 127 فشكيت انة ممكن ممكن يعنى يكون معاه

لو سمحت معاك كابل ناخد وصلة من البطارية
ptmnlo123per1127

الراجل قال ايوه .......

يا فرج الله كده زى الفل

الراجل راح يدور على الكابل فى عربيتة وانا بحاول افتح عين تانية من عيون البطارية باستخدام مفتاح العربية برضو المفتاح سنة اتحشر وتك اتقطم
ptmnlo123per1106

مفتاح العربية اتقطم .......


ptmnlo123per155

بقت العربية عطلانة ومعييش مفتاح اصلا ادورها بيه ده لو اشتغلت اصلاً

قولنا للراجل خليك خلاص هيا خربت خالص يلا يا جدعان نزقها بره على الشارع ونركنها فى حتة زى الناس

زق يا جدع يمين شمال هووووووووب الدريكسيون تربس والعجل معووج

وبقت العربية قاطعة كهرباء ومفتاح العربية مقطوم والعجلل معووج والدريكسيون متربس وهيا واقفة بزواية بالعرض فى نص الشارع

طبعاً العربية نزقها قدام تمشى يمين نزقها ورا تمشى يمين وفى كل الاحوال وقفتها خزعبليه فى وسط الشارع ومينفعش تتساب كده

طيب الفجر اذن علينا والنهار طلع هنعمل ايه هبات فيها للصبح طيب انهارده الجمعة واكتر الناس مبتفتحش الا بعد الصلاة يا خبر ......

المهم انا عارف نظرياً وعن تجربة فى مواقف قبل كده ان ممكن خمس ست انفار يشيلو العربية من الشنطة ويحركوها ده لما يكون العربية متعشقة ومينفعش تتزق بنعمل كده

فقولت للناس اللى معايا الفكرة ديه ومعلش نحاول الناس طبعاً كان طلعان عنيها من الحوارات وبيدعوا على نفسهم اكيد انهم طلبوا منى اوصلهم فى سكتهم

المهم حاولنا ومعرفناش نحركها سنتميتر واحد

ptmnlo123per191
وطبعاً تريقة من الشباب على اقتراحى وياعم انت فاكرنى شمشون واللى يقولى انت بتهرج عايز 3 يشيلو العربية هيلا هوب ازاى ؟ وانا اقولهم والله يا جماعة تتعمل بس محتاجة تركيز وكلنا نزق مرة واحدة نمرجح العربية فوق وتحت بتاثير المساعدين وهوووووب نزق

المهم قعدنا نقاوح بعضينا واذا بواحد رفيع جدا معدى يا كابتن يا كابنت ممكن زقة

اوى اوى من عنيا (قولت فى سرى يجعل سرة فى ارفع خلقة )

يلا يا جماعة ننطط العربية الاول فوق وتحت مع المساعدين والمساعدين وهى رافعة العربية فوق هوووب نزقها فى اتجاة الرصيف

1- 2 - 3 هووووووووب زق اتحركت

عملناها يجى 5 مرات لحد ما العربية اتعدلت بمحاذاة الرصيف والحمد لله ان الارض كانت اسفلت والا كان هيبقى زحزتها بالطريقة ديه مستحيل

سوجرت العربية باب باب من جوة (لان السنتر طبعاً فاصل زى كل حاجة ما بقت فاصلة)

وهبتدت الباب الاخير بكل مشاعر الغيظ والكراهية فى الدنيا للعربية وسيبتها زى الكلبة فى الشارع ومشيت

وانا دلوقتى فى البيت دورت على المفتاح التالت بتاع العربية مش لاقية خالص والمفتاح التانى كان مقطوم برضو وانا كسلت اصلحة

يعنى عندى دلوقتى مفتاحين مقطومين والسنة اللى مقطومة مش موجودة والعربية قاطعة كل حاجة كهرباء (وبالتالى مش هتفتح بالسنتر) ومسوجرة من جوة

اعتقد مفيش نحس فى الدنيا اكتر من كده

ptmnlo123per1100


((ملحوظة هامة))

ديه مش فزورة رمضان ولا كدبة ابريل
الكلام ده حصل فعلاً والمشكلة مازالت قائمة


حل المشكلة
المشاركة 64
http://www.masrmotors.com/vb/showpost.php?p=43640&post count=64

[sayed2077]

المشاركة الأصلية كتبت بواسطة AbOnOrA نقلاً من موضوع ( العربية اللى حيلتى ماتت (اغرب موقف حصلى مع عربيتى)) صباح الخير يا جماعة امبارح حصلى موقف غريب جددددددددددداً ولحد دلوقتى مش عارف حصل ازاى ولا العمل فيه اية حوالى الساعة 3 بليل كنت مع جماعة اصحابى وركب معايا منهم اتنين اوصلهم فى سكتى ودورت العربية ومشيت العربية كانت دايرة وماشية عادى مجرد ال rpm كان عالى شوية وقولت اكيد طبيعى علشان العربية باردة لسه مشيت بالعربية 5 دقائق عادى والكاسيت شغال والنور شغال وكلة تمام التمام وفجاءه العربية بطلت خااااااااااالص بطلت وقطعت كهرباء تماما وفجاءة لقيت نفسى فى شارع جانبى والدنيا كحل والعربية قاطعة تماماً نزلت بثقة وطمنت الناس اللى معايا خليكو يا جماعة مفيش حاجة وكلى ثقة ان هزة ولا رجة خلت قواشيط البطارية تتزحزح ولا حاجة هايفة كده فتحت الكابوت حركت القواطيش مفيش حاجة والقواطيش مبتشرزش حتى كان البطارية ميتة وكل حاجة ماتت قولت يمكن حاجة عاملة قفلة شيلت فيش الكنترولر والانجكشن وفصلت وركبت وبصيت على الفيوز العمومى وكل الفيوزات الصغيرة مفيش ايه العمل وانا بحاول مع العربية لقينا عربية تانية جاى فى وشنا واحنا واقفين فى شارع جانبى ميساعش غير عربية واحدة طبعاً شاورنالة ارجع ياعمنا العربية عطلانة وطبعاً كان الكابوت مفتوح والشكافات والموبيلات منورة وعمالين ندعبس فى الضلمة وباين اننا ناس عطلانين فعلاً بس صاحبنا دخل علينا برضو ياعم بنقولك عطلانة لف من شارع تانى معلش .. الراجل قالنا طيب خلاص انا هقف ياعم تقف ليه .. الراجلة ببلاهة طيب مش عايزين اعمل معاكو حاجة لاء شكراً طيب وفضل واقف سيبناه واقف ....... العربية لسه مش عايزة تنطق وانا ايدى اتحشرت فى علبة الفيوزات ومش عارف اطلع فيوزين فى الاخر مزنوقين حد معاه مفك ...... مفيش اى حاجة رفيعة يا جدعان ..... مفيش فاستخدمت مفتاح العربية علشان اشد بيه الفيوزات .... جربت كل الفيوزات وفضل معايا مفتاح العربية عاملة زى مفك ..... قولت كده مفيش غير البطارية افتح ابص عليها كده ... وباستخدام مفتاح العربية فكيت اول عين ابص على البطارية لقيت اول عين فيها مية يادوبك قولت يبقى احتمال كبير فعلا البطارية طيب نجيب بطارية منين مفيش غير الراجل اللى واقف متنح ده بس محرج اقولة ومش عارف معاه كابل اصلاً ولا لاء والعربية بتاعتة 127 فشكيت انة ممكن ممكن يعنى يكون معاه لو سمحت معاك كابل ناخد وصلة من البطارية ptmnlo123per1127 الراجل قال ايوه ....... يا فرج الله كده زى الفل الراجل راح يدور على الكابل فى عربيتة وانا بحاول افتح عين تانية من عيون البطارية باستخدام مفتاح العربية برضو المفتاح سنة اتحشر وتك اتقطم ptmnlo123per1106 مفتاح العربية اتقطم ....... ptmnlo123per155 بقت العربية عطلانة ومعييش مفتاح اصلا ادورها بيه ده لو اشتغلت اصلاً قولنا للراجل خليك خلاص هيا خربت خالص يلا يا جدعان نزقها بره على الشارع ونركنها فى حتة زى الناس زق يا جدع يمين شمال هووووووووب الدريكسيون تربس والعجل معووج وبقت العربية قاطعة كهرباء ومفتاح العربية مقطوم والعجلل معووج والدريكسيون متربس وهيا واقفة بزواية بالعرض فى نص الشارع طبعاً العربية نزقها قدام تمشى يمين نزقها ورا تمشى يمين وفى كل الاحوال وقفتها خزعبليه فى وسط الشارع ومينفعش تتساب كده طيب الفجر اذن علينا والنهار طلع هنعمل ايه هبات فيها للصبح طيب انهارده الجمعة واكتر الناس مبتفتحش الا بعد الصلاة يا خبر ...... المهم انا عارف نظرياً وعن تجربة فى مواقف قبل كده ان ممكن خمس ست انفار يشيلو العربية من الشنطة ويحركوها ده لما يكون العربية متعشقة ومينفعش تتزق بنعمل كده فقولت للناس اللى معايا الفكرة ديه ومعلش نحاول الناس طبعاً كان طلعان عنيها من الحوارات وبيدعوا على نفسهم اكيد انهم طلبوا منى اوصلهم فى سكتهم المهم حاولنا ومعرفناش نحركها سنتميتر واحد ptmnlo123per191 وطبعاً تريقة من الشباب على اقتراحى وياعم انت فاكرنى شمشون واللى يقولى انت بتهرج عايز 3 يشيلو العربية هيلا هوب ازاى ؟ وانا اقولهم والله يا جماعة تتعمل بس محتاجة تركيز وكلنا نزق مرة واحدة نمرجح العربية فوق وتحت بتاثير المساعدين وهوووووب نزق المهم قعدنا نقاوح بعضينا واذا بواحد رفيع جدا معدى يا كابتن يا كابنت ممكن زقة اوى اوى من عنيا (قولت فى سرى يجعل سرة فى ارفع خلقة ) يلا يا جماعة ننطط العربية الاول فوق وتحت مع المساعدين والمساعدين وهى رافعة العربية فوق هوووب نزقها فى اتجاة الرصيف 1- 2 - 3 هووووووووب زق اتحركت عملناها يجى 5 مرات لحد ما العربية اتعدلت بمحاذاة الرصيف والحمد لله ان الارض كانت اسفلت والا كان هيبقى زحزتها بالطريقة ديه مستحيل سوجرت العربية باب باب من جوة (لان السنتر طبعاً فاصل زى كل حاجة ما بقت فاصلة) وهبتدت الباب الاخير بكل مشاعر الغيظ والكراهية فى الدنيا للعربية وسيبتها زى الكلبة فى الشارع ومشيت وانا دلوقتى فى البيت دورت على المفتاح التالت بتاع العربية مش لاقية خالص والمفتاح التانى كان مقطوم برضو وانا كسلت اصلحة يعنى عندى دلوقتى مفتاحين مقطومين والسنة اللى مقطومة مش موجودة والعربية قاطعة كل حاجة كهرباء (وبالتالى مش هتفتح بالسنتر) ومسوجرة من جوة اعتقد مفيش نحس فى الدنيا اكتر من كده ptmnlo123per1100 ((ملحوظة هامة)) ديه مش فزورة رمضان ولا كدبة ابريل الكلام ده حصل فعلاً والمشكلة مازالت قائمة حل المشكلة المشاركة 64 http://www.masrmotors.com/vb/showpost.php?p=43640&post count=64

هههههههههههههههههههههههه
ينهار ابيض دا انا دحكت ضحك هههههههههههه

انا بقى من حوالى اسبوعين كنت فى نادى نقابة المهندسين اللى فى شارع البحر الاعظم كنت باخد كورس ميكانيكا من الساعه 4 العصر لغاية الساعه 6 المغرب
المهم ديما بسيب العربيه على باب النادى وانا خارج فيه سايس بيقابلنى بديله اللى بيوقول عليه وباخود العربيه وبمشى المهم خرجت ساعتها الساعه 6 وبكرا بقى ورايا امتحان ميكانيكا وما ادراكم الميكانيكا يعنى انا كنت هاروح اذاكر الكام ساعه دوول واصحى اروح امتحن الامتحان المنيل بستين نيله على رأى مارى منيب
المهم خرجت والعربيه عندى 128 ومركبلها انذار وسنتر وكدا ومش معايا مفاتيح الابواب لانى بعتمد على السنتر طبعا وجيت بفتح بالريموت الاقى العربيه مش بتشتغل احاول واجرب برضوا مفيش فايده احاول واحاول مفيش فجت فى بالى اشوف البطارية قولت ديه اتسرقت وفعلا جت افتح الكابوت مالقيتش البطارية والسايس كان واقف جنبى ساعتها قلتله فين البطارية قالى انا معرفش ومشوفتش قلتله يعنى البطارية مش هتيجى قالى انا مشوفتش حاجه ومش عارف ايه وماليش دعوه المهم رحنا ساعتها اتصلت بالمهندس اللى معايا وروحنا على قسم الجيزة ولقينا قمة الاستهتار بصراحه من الظباط اللى هناك اغلبهم ان مكنش كلهم يقولولى طيب احمد ربنا ان العربيه متسرقتش طيب انا بحمد ربنا فعلا بس المفروض العربيه مع سايس وكان عليها افيز يعنى عاوزلوا بتاع 5 دقايق علشان يفكها المهم ساعتها عملنا محضر ومشينا ومش عارفين ناخد حقنا من الراجل ازاى وكان ساعتها الساعه دخلت على 10 بليل وانا عاوز اروح ومش هعرف اروح من غير ما نجيب بطاريه علشان العربيه مش هتفتح من غير بطارية ومينفعش اسيبها واروح لانى هرجع مش هلاقيها وبصراحه ساعتها مكنتش عارف هعمل ايه بجد المهم جالنا واحد صاحبنا ساعتها معايا فى الكلية بس هو كبير عنده بتاع 28 سنه ومعاه بكالريوس تجارة و جاى معانا عاوز ياخد بكالريوس هندسه بس مفيش اجدع من كدا الصراحه جه ساعتها وقعد شخط وزعق وانا هعمل وانا هسوى و برضوا مفيش فايده من السايس روحنا رايحين جايبين امين شرطة لقينا فى طريقنا وفهمناه الحوار قالنا انا هخلصلكم الموضوع ده وجه معانا فعلا وخلص الموضوع كله وخدنا 260 جنية فلوس بطارية سايلة جديده وطبعا ظبطناه مع ان اللى كانت راكبه كانت جافة ايه سى ديلكوا وجبتها مع العربيه من سنه والله اعلم اللى قبلى شغلها اد ايه بس كانت شغالة ومش بشتكى منها يعنى المهم راح صاحبى الى بقولكم عليه جبنا سلك 2ملى ووصلنا من بطاريته للقواطيش عندى وفتحت السنتر بالريموت و جبنا حبل غسيل وربطناه فى العربيتين وقطرنى لغاية فندق الفور سيزون والحبل اتقطع هناك وكانت الساعه 12 بليل وبكره الساعه 9 الصبح ورايا امتحان ميكانيكا متنسوش كل ده وانا بقى بقيت خلاص عاوز اناااااااااااااام مش قادر بجد راح قالى طيب خليك هروح اجيب البطارية واجى وفعلا راح وجاب بطارية سايله كلوريدا وركبتها ومشيت وجيت عند مدخل المعادى الساعه 1.30 بليل وداخل عند مدخل المعادى من الكورنيش ولقييت حتة لجنة بتاع عشرين واحد ماسكين الى على اليمين وعشرين واحد ماسكين الى على الشمال وفاتحين الطريق بحيث العربيات تعدى من خلالهم بالعافيه وانا بقى خايف ليوقفونى يقولولى رخصك ولا حاجاه وانا الحمد لله معايا رخص بص اليوم كان قفل ومش قادر انه يقفل اكتر من كدا فعلا المهم عديت بسلام وروحت ركنت العربيه قدام البيت الساعه 2 بليل وكل ده وورايا امتحان الساعه 9 الصبح يعنى بعد ست ساعات بس ههههههه طلعت الشقه وفعلا ركبى مش شايلانى وعاوز انام بطريقه بشعه وفى نفس الوقت عاوز اذاكر اى كلمتين الله يحرق السايس اللى ضيعنى وعمال بفتكر اليوم واحداثه بضحك وعياط فى نفس الوقت اه والله بس رحت ماسك الورق قريته لا اكثر ونمت وصحيت الساعه 8 نزلت دورت العربيه وجرى على الجامعه وطبعا نيلت احلى نيله خالص والحمد لله
ومن ساعتها حلفت لاعمل اى حاجه للبطاريه ديه والحمد لله عملت حوار السلاسل اللى عملت موضوع عليها بس ربنا يستر وميقطموهاش هى كمان