كرولتي الي كانت جميلة.

[dr_eslam_66]

المشاركة الأصلية كتبت بواسطة akerima انا رايي انك انت اللي غلطان لان من الواضح ان انت داخل الملف من الاان التاني او الواسع (دا ان فرضنا ان فيه لاان من اصله) وهوا داخل من الاان الاول او الضيق يعني انت اللي قفلت عليه الاان بتاعه لو التزمت بالاان بتاعك مكنش خبطك

لو نظريتك صح يبقى فعلا انا الي غلطان بس لو ركزت في الي انا كتبته إني كان طريقي مستمر في نفس الخط لما إشارتي فتحت وهوا كان بيعمل يوتيرن من الإشارة الي فتحت قبليا وإني التعارض جه من إنه كان مستني الشارع يفضى وكان مستني الزحمة تخف وأنا بردو طلعت من شارعي وإستنيت برا الشارع الي هدخله مستني الشارع يتحرك.
وبس العربيات الي ظاهرة في الصورة ورايا دي إتحركت بعد ما الحادثة ماحصلت وكانت بتفادينا إحنا الإتنين علشان إحنا كنا موقفين الطريق طبعا.

[hazem_khidr]

هو المعروف في قانون المرور في اي حته في العالم
ان العربيه مقسومه حرفين L
امام و يسار غلطه السواق
يمين و خلف غلطه السياره الاخري
لكن برضه فيه حاجه
لو الخبطه جات في اول 20 سم في العربيه غلطه السواق
بعد كده غلطه السياره الاخري
يبقي في حالتك دي لو حاولنا نطبق النظريتين
يبقي سواق الميكروباص هو اللي غلطان
دا تصوري المتواضع للحاله علي الرغم اني مش قادر ارسم الصوره واضحه في دماغي

[dr_eslam_66]

المشاركة الأصلية كتبت بواسطة hazem_khidr هو المعروف في قانون المرور في اي حته في العالم ان العربيه مقسومه حرفين L امام و يسار غلطه السواق يمين و خلف غلطه السياره الاخري لكن برضه فيه حاجه لو الخبطه جات في اول 20 سم في العربيه غلطه السواق بعد كده غلطه السياره الاخري يبقي في حالتك دي لو حاولنا نطبق النظريتين يبقي سواق الميكروباص هو اللي غلطان دا تصوري المتواضع للحاله علي الرغم اني مش قادر ارسم الصوره واضحه في دماغي

يشرفني ردك يا أز حازم ورد كل الي نور الموضوع ووجهة نظرك بردو تحترم وفيها جزء كبير من الصحة بس أنا بردو هلتزم الصمت فترة عسى أن يكون أحد الأعضاء لسة عنده إجتهاد وعايز يفيدنا بيه وكمان علشان أستفيد من آراأكم كلها.
هعيد السؤال تاني بعد الشرح الي شرحته قبل كدة وهيا دي كانت نفس الرواية بتاعتي وبتاعت الشرطي سواق المكروباص: لو كنت مكان الشرطي الي بيكتب التقرير عن الحادث هتكتب مين متسبب ومين متضرر وهتشرح رأيك للإتنين إزاي علشان يقتنعوا لأنهم لو ما إقتنعوش هتضطر تروح القسم وتعمل محضر وتحوله على المحكمة هيا الي تحكم.

[dr_eslam_66]

طيب كدة أفتكر إني مافيش جديد عندكوا انا هشرحلكوا الموقف بالتفصيل علشان نستفيد كلنا:
أولا أنا شرحت الي حصل ووقفت قبل ماتيجي عربية الشرطة علشان تحدد مين الي غلطان.
الاول وصلت عربية الشرطة وكان واضح جدا فيهم عدم التحيز لأي سيارة سواء ليا أو للسيارة الميكروباص مع إني كنت متخيل غير كدة خاالص.
أول حاجة او تعليق ليه إني غلطان لما طلعت من الإشارة قبل مايفضالي مكان في الشارع الي انا داخل فيه ولما حكيتله الي حصل وقولتله بردو إني الشرطي هوا كمان كان واقف في الصندوق الأصفرو هوا كمان ماكانشي ليه مكان في الشارع الي داخله قالنا طيب طلعوا العربيتين من بعض وأقفوا على جنب.
قبل ما أحرك العربية أصريت إني اوريه إني مش مخبوط في ارفرف بس أنا مخبوط من اول نص الباب بتاعي وإني عربيتي لسة داخل الحارة بتاعتي ماطلعتش منها ياعني مش ماسك حارتين ولا حاجة وقالي اووك تمام.
حركنا المايكروباص مارشيدير وطبعا كان غارز فيا غرزة سووودة.
المهم وقفنا على جنب وبدأنا نتكلم الشرطة كانوا عايزين يدوني مخالفة الإنتظار في مفترق الطرق ومش عايزين يدوها للعسكري الي كان سايق الميكروباص بدعوى إنه مرتبه مش مستحمل وطبعا أنا ما إعترضتش لأني كنت مقتنع إني غلطان وبعد فترة من المناقشة قالنا الشرطي إنه مش قادر يحدد دا خطأ مين ولازم نروح القسم وأنا أحترم فيه امانته ونزاهته المطلقة.
روحنا قسم الشرطة وهناك إتعاملنا مع رتبة اعلى منه وكان الراجل محدد واواضح وصرييح قال ماتديش حد منهم أي مخالفة لأني يا إما أديها للإتنين وإلا مش هياخدها أي حد فيهم وبالنسبة للحادث:
لو كان الميكروباص ثابت والكرولا هيا الي صدمته بجنبها تبقى الكرولا هيا ال متسبب ولو كان الميكروباص بيتحرك وحتى مع حركة الكرولا وهوا الي صدمها يبقى هوا المتسبب.
وطبعا معتمد على أقوالنا مفترضا فيها الصدق وكانت المفاجأة إني العسكري أنكر إنه كان بيتحرك وإني انا الي صدمته.
وانا وريتهم نقطتين بالظبط لما وقفنا وصورت كان الباب أولردي عندي مخبوط ودا ماينفعشي وهوا واقف وإني انا الي صدمته.
النقطة التانية إني المراية بتاعتي كانت مفتوحة للامام مش لورا ياعني المايكروباص هوا الي خبطني وكمل عليا لحد الرفرف.
وإقتنعوا تمام وتم عمل التقرير باني متضرر مش متسبب.

الدروس المستفادة:
1- لما تكون في مفترق طرق دايما خد بالك إني السواق الي عايز يدخل الشارع فاكر هوا كمان إني الأولوية ليه وحتى لو كانت ليك لازم تتأكد إنه مش داخل ولو بكلكس صغير تقوله فيه إنك قررت إنك تدخل الأول.
2-لما تكون في إشارة إوعى تطلع منها وحتى لو كانت خضرى لو الشارع إلى إنتا هتدخله زحمة ومالاكشي مكان فيه.
3- لو لاقدر الله عملت حادثة أول حاجة تعملها إنك بمنتهى الهدوؤ تفرمل وتشغل الإنتظار وترفع الهاند بريك وتبطل الماتور وتنزل تشوف إيه الي حصل.
4- قبل ماتعمل أي حاجة صور العربية كويس وصور الحادث عسى ان تكون هذه هيا نقطة إثبات حقك.
5- لما تيجي الشرطة تكتب التقرير لازم تفهم كل كلمة بيقولها وليه وإيه وجهة نظره ولو إعترضت على الي مكتوب من حقك تطلب منه يروح القسم وهناك تعمل المحضر لأني في بعض الأحيان يمكن ان تكون مظلوم.
6- مهما كنت حريص فأنت مسؤول عن اخطاأك وأخطاء الآخريين.
7- الحامي هو الله.

[mahranahm]

طبعا اولا الله يعوض عليك وترجعها تانى احسن من الاول

تانى حاجة انا تابعت الموضوع من الاول بس بجد
محتاج احييك اوى على الموضوع واالنتايج والردود بتاعت الاعضاء المحترمين

واخيرا على الافادة الاخيرة العطيتك عليها شكرا ولو كان ينفع اديلك اكثر كنت عملت بس مفيش اكتر من واحدة بس على المشاركة
عالعموم تقبل منى مليون شكرا