شوية اسئلة من اكسلاوى جديد لانج

[zamanan2000]

السلام عليكم ورحمة الله وبركاته

الحمد لله ربنا اكرمنى وجبت اكسيل 1500 موديل 95 خليجى
المهم بقى وبما انى طالع من 128 فمش فاهم اى حاجة خالص وكنت عايز اسال عن شوية حاجات كدة لو تقدرو تجاوبونى عليها اكون شاكر جدا

1- هل الاكسل بيتظبطلها تاكيهات فى اول الصيف والشتا زى 128 ولا لا ؟
2- لما اجى اغير البوجيهات اغير ايه معاها بمعنى ( كنت زمان بغير بوجيهات وابلاتين وكوندنسر وفلتر البنزين ) فى حالة الاكسل بقى اغير ايه فى صيانتها الدورية وهتبقى الصيانة الدورية كل اد ايه ؟
3- سير الكاتينة بيتغير كل اد ايه او كل كام كيلو
4- الباور تقيل شوية ومحتاج يتظبط ده مين بيتشغله ( يعنى ميكانيكى ولا عفشجى ولا كهربائي )
5- التكيف شغال بس عايز يتشحن ده يتكلف اد ايه تقريبا ؟
6- الكاربرتير بيتنضف كل اد 4 شهور برضه اروح انضفه عند بتاع الكربراتير ولا مش محتاجة واجيب الاسبراى او المادة اللى بتتحط على البنزين وكفاية ؟؟
7- الازاز الامامى مشروخ وعايز اغيره احسن حاجة اجيبها ايه وسعرها ايه ( سمعت اسعار ما بين 200- 350 ومش عارف مين الافضل )
8- زرار فتح الشنطة من جوة من الطابلوه اجيبه منين وبكام دخت عليه مش لاقيه وكمان زرار نور للشنطة

طبعا طولت عليكم واسالتى كتير بس انا واثق من تعاونكم وخبراتكم
وكمان موضوع ان الواحد طالع من 128 والكل عارفها طبعا مخلينى خايف افتكس فى الاكسل وقلت اسال اهل الخبرة

جزاكم الله خيرا مقدما

[zamanan2000]

اه صحيح نسيت سؤال جديد معلش
9- وانا بسخن الصبح بسمع صوت خشونة جاى من الكبوت فى اليمين وبيفضل شوية لحد ما العربية بتسخن وبيروح بعد كدة

ومستنى الردود من الخبراء

[أبو ماجد]

[sayed2077]

المشاركة الأصلية كتبت بواسطة zamanan2000 السلام عليكم ورحمة الله وبركاته الحمد لله ربنا اكرمنى وجبت اكسيل 1500 موديل 95 خليجى المهم بقى وبما انى طالع من 128 فمش فاهم اى حاجة خالص وكنت عايز اسال عن شوية حاجات كدة لو تقدرو تجاوبونى عليها اكون شاكر جدا 1- هل الاكسل بيتظبطلها تاكيهات فى اول الصيف والشتا زى 128 ولا لا ؟ بيتظبطلها مره فقط على كل دخلة صيف وخلاص يعنى مره كل سنه 2- لما اجى اغير البوجيهات اغير ايه معاها بمعنى ( كنت زمان بغير بوجيهات وابلاتين وكوندنسر وفلتر البنزين ) فى حالة الاكسل بقى اغير ايه فى صيانتها الدورية وهتبقى الصيانة الدورية كل اد ايه ؟ هتغير البوجيهات بس مش هتغير اى حاجه تانى 3- سير الكاتينة بيتغير كل اد ايه او كل كام كيلو سير الكاتينه كل 30 الف غيره 4- الباور تقيل شوية ومحتاج يتظبط ده مين بيتشغله ( يعنى ميكانيكى ولا عفشجى ولا كهربائي ) الموضوع ده موضوع عفشجى 5- التكيف شغال بس عايز يتشحن ده يتكلف اد ايه تقريبا ؟ اغلب اللى بيبيعوا عربياتهم وبيقولوا التكيف عاوز يتشحن طيب هو ليه مرحش شحنه وكان هيدقع 150 جنيه بس ويريح نفسه من الحر فى الاغلب هتلاقى حاجات بايظه مش تكيف عاوز يتشحن وخلاص 6- الكاربرتير بيتنضف كل اد 4 شهور برضه اروح انضفه عند بتاع الكربراتير ولا مش محتاجة واجيب الاسبراى او المادة اللى بتتحط على البنزين وكفاية ؟؟ الكربراتير بيتنضف كل حوالى 6 شهور بالاسبراى 7- الازاز الامامى مشروخ وعايز اغيره احسن حاجة اجيبها ايه وسعرها ايه ( سمعت اسعار ما بين 200- 350 ومش عارف مين الافضل ) بالنسبه للازاز الامامى هات ازاز دكتور جريش احسن حاجه تلاقيها موجوده ماركة دكتور جريش مهما كان سعره 8- زرار فتح الشنطة من جوة من الطابلوه اجيبه منين وبكام دخت عليه مش لاقيه وكمان زرار نور للشنطة زرار فتح الشنطه موجود عندى ان شاء الله ب 70 جنيه وده رقمى 01007490168 طبعا طولت عليكم واسالتى كتير بس انا واثق من تعاونكم وخبراتكم وكمان موضوع ان الواحد طالع من 128 والكل عارفها طبعا مخلينى خايف افتكس فى الاكسل وقلت اسال اهل الخبرة جزاكم الله خيرا مقدما

الرد فى موضوع حضرتك

[zamanan2000]

استاذنا سيد ربنا يبارك فيك اشكرك جدا جدا جدا على الردود الوافية الكافية

تسلم ايديك يا باشا