BMW فى حفلة , سقوط الأقنعة

[AbOnOrA]

يا جماعة ديه بى ام مش نوبيرا تجميع مصرى فيها تيلها وحش او طنابيرها معووجة ولا ديسكاتها تعبانة

يعنى ايه بى ام

يعنى زيها زى اى عربية فى التاريخ لازم يبقى فيها منظومة فرامل مزدوجة لو عطلت واحدة (الاساسية) لازم تشتغل التانية (الهاند بريك)

فكون ان الكمبيوتر يعطل المنظومتين ده كده مش كمبيوتر فيه ايرور ده كمبيوتر فيه الديب السحلاوى

وكون ان عطل المنظومتين دول ميبانش اساساً ومسبقاً على شاشة الاعطال ده يبقى العجب العجاب

فالقصة الاولى ديه لو زى ما تحكت كده بالظبط وفيه صور وتقرير فنى يؤكد الكلام ده تبقى مصيبة وانا لو من الراجل صاحبها اعمل الاتى

اولاً صور للعربية بالتفصيل فى مكانها وصور للشاشة الاعطال قارية ايه

ثانيا
تحرير محضر اثبات حالة فى الشرطة

ثالثاً
ارسال طلب معاينة وتقرير باسباب الحادث من الوكيل المصرى المصنع والبائع للسيارة

رابعاً
عمل معاينة وتقرير من جهه او اكثر غير الشركة الام
مثلاً عن طريق مراكز ابوالفتوح او ابوغالى

خامساً
ارفاق كل ما سبق مع شكوى تقدم لجهاز حقوق المستهلك

سادساً
ارسال كل ما سبق للشركة الام فى المانيا

سابعاً
ارسال كل ما سبق لينا او لاى جهه اعلامية واحنا بدورنا نوعدك بنشرها فى اكبر المواقع العالمية مش عندنا فى مصر وبس مش بس كده ممكن نتولى عنك خامساُ وسادساً كمان

اما مشكلة الفتيس ديه فمش ضرورى تكون راجعة لمشكلة بسبب التجميع المحلى لان الفتيس بيصنع فى الخارج ويتم تركيبة هنا فقط فوارد ان المشكلة تكون من المصنع راساً
وعامة مفيش قاعدة بتقول ان العربية اللى ب 50 الف جنية لو فيها عيب صناعة يتصلح والعربية اللى بمليون لو فيها عيب صناعة تتغير
الا لو كان اشتراها بنظام حق الاسترجاع satisfaction guarantee
غير كده العرف والقواعد والقوانين واحدة على اى منتج ايا كان سعرة عيوب الصناعة يتم اصلاحها او استبدال القطع التالفة بواسطة البائع وبدون تكاليف على المشترى ده حق المشترى
ولا يحق له المطالبة باسترجاع القيمة او استبدال المنتج كلياً

[Etsh]

يل جماعة الحدثة حصلت من حوالى شهر و لو كان بإمكانى أنى أصورها أو كنت وقتها فى المنتدى كانت الفكرة هاتيجى فى بالى بس المشكلة حصلت ...و العربية فى غير مكانها الأن اللهم أن الراجل و مراتو سافرو يتعلجو برة و الله..............و أنا لما بحكى عن حاجة براعى الأمانة و الضكير دون الأفتراء أو الأختراع.....وكل الحكاية أنى حبيت أقول رسالة صغيرة ناس قالتها فى ردودها ...ألا وهى ....أن البى أم طلعت أو نزلت عربية ذى أى عربية ممكن تعطل و تبوظ و يكون فيها عيوب صناعة ....و القصة جائت على بالى لمل قرأت تقرير لأحد الأخوة عن البى أم و هو يصورها كأنها سبق غير مسبوق و لا تشوبها شائبة .....أه بحب البى أم بس مافيش حاجة كاملة .....و أجمل و أحدث السيارات يمكن ان تعانى من أشد العيوب التى لا تتواجد فى السيارات الصغيرة

اللهم بلغت .... اللهم فاشهد

[AbOnOrA]

تمام يا اتش انا مش بكذبك خالص بس انا قولت اللى المفروض يتعمل انت بتحكى نقلاً عن حد وانا فاهم قصدك ومتفق معاه فيه تماماً اى عربية فى الدنيا فيها عيوب حتى لو كانت مرسيدس او بى ام ومنتديات ومواقع بى ام ومرسيدس العربية والاجنبية مليانة مشاكل واعطال بس مش بالفداحة ديه والدليل على كده ان لو فيه صورة لحادثة عربية هيونداى مفتحش الايرباج بتاعها بتبقى فضيحة تتناقلها اكبر المواقع الاخبارية المتخصصة عالمياً
حادث لهيونداى جينسيس (صفعة على وجه هيونداى)

فما بالك بعربية بى ام ( الفرامل الرئيسية + الهاند بريك + شاشة الاعطال + الايرباج ) كل دول مش شغالين
ده انا اجيبلك فيها ال CNN تصور بس لو فيه دليل
فاكيد حاجة زى كده حصلت قدراً بشكل فردى ومش ممكن تكون عطل متكرر او عادى يمكن قبولة فى عربية ب 30 الف جنية مش بمئات الالف

[حازم شاهين]

قضت محكمة جنح سيدى جابر بالإسكندرية بتغريم كل من عمر مفيد الديب، وفريد محمد الطوبجى ممثلى المجموعة البافارية للسيارات مبلغ ٢٠ ألف جنيه وإلزامهما بدفع مبلغ ٢٠٠١ جنيه كتعويض مؤقت لصالح المستهلك يوسف محمد نجاتى الكاشف،

كان الكاشف قد تقدم بشكوى إلى جهاز حماية المستهلك فى وقت سابق ضد المجموعة البافارية للسيارات لتضرره من حدوث انفجار ٣ إطارات بسيارته (BMW) الفئة الخامسة دفعة واحدة وفى نفس التوقيت دون حدوث أى إنذار من أجهزة الاستشعار الموجودة بالسيارة، والتى من المفترض أن تقوم بالتنبيه فى حالة حدوث أى طارئ بالإطارات.

قال عمرو فهيم، المدير التنفيذى لجهاز حماية المستهلك، إن لجنة السيارات التابعة للجهاز قامت بفحص الشكوى، وبعد التأكد مما جاء فيها تمت مخاطبة الشركة المشكو فى حقها، التى أفادت بأن العيب الموجود فى الإطارات ليس له علاقة بالسيارة.

وأشار بيان صدر عن الجهاز إلى أنه تم تحديد موعد بين الطرفين المستهلك والشركة المشكو فى حقها بحضور ممثلى اللجنة لإيجاد حل ودى يضمن كامل حقوق المستهلك، إلا أن الشركة البافارية اعتذرت، وبناء عليه قرر مجلس إدارة الجهاز إلزام الشركة المشكو فى حقها والشركة المنتجة للإطارات «بريدجستون» بالتضامن باسبتدال الإطارات الثلاثة أو رد قيمتها للمستهلك صاحب الشكوى، مع التوصية بضرورة إلزام الشركة المشكو فى حقها بالإعلان عن تاريخ صنع الإطارات.

وذكر البيان أنه نظرًا لعدم التزام الشركة المشكو فى حقها بتنفيذ قرارات مجلس إدارة الجهاز، تمت إحالة الموضوع إلى المحامى العام لنيابات شرق الإسكندرية.

وبناءً عليه تمن إحالتها إلى محكمة جنح سيدى جابر بالإسكندرية برقم ١٦٤٤٠ لسنة ٢٠٠٨ التى قضت فى ٣١ ديسمبر الماضى بتغريم الممثلين القانونيين للمجموعة البافارية للسيارات ٢٠ ألف جنيه لكل منهما وإلزامهما بدفع مبلغ ٢٠٠١ جنيه كتعويض مؤقت لصالح الشاكى .
"منقول من جريدة المصرى اليوم عدد 11/01/2009

[wawoo]

المشاركة الأصلية كتبت بواسطة حازم شاهين حدوث انفجار ٣ إطارات بسيارته (BMW) الفئة الخامسة دفعة واحدة وفى نفس التوقيت دون حدوث أى إنذار من أجهزة الاستشعار الموجودة بالسيارة،

ازى يعنى ptmnlo123per1127