مشكلة فى السيراتو!!!

[Hoooba90]

السلام عليكم...
أنا معايا سيراتو 2010 سيدان عاملة 15000 كيلو.... انا بقالى اسبوعين بلاحظ المشكلة دى وهيا إنى بشم ريجة شياط او بلاستك بيسيييح كده... الكلام ده ساعات بيحصل بعد 5 دقائق و ساعات وانا واقف فى مكانى لسه و ساعات بعد ساعة فى الطريق... جربت اعرف المصدر بس هوا غالبا حاجة تحت منطقة الكونسول اللى فى الوسط او الجير بوكس ... جربت افتح التكبف و اقفله و جربت اقفل الهوايات بتاعت التكيف و جربت افتح الكبوت و اشوف و جربت حتى ابوص على الفرامل و الكاوتشات بس المصدر مش منهم ... حد عارف أى حاجة؟؟؟ أو اى نصيحة أكشف على إيه؟؟؟

كمان فى مشكلة السخونة بتاعت الكونسول و منطقة الجير بوكس دى بتسخن على طوول .. كنت سمعت عن عزل حرارى ليها بس حد عارف حاجة عن المشكلة دى كمان؟؟؟!!

آسف على الاطالة ....

[amro atif]

المشكله دي محتاجه كشف على العربيه من مختص او كهربائي لان ريحه الشياط ممكن من لمبه بتسخن سلك او اي بلاستك في الكابينه او ممكن حضرتك مركب اي حاجه زياده زي انذار او دي في دي باختصار راجع الوصلات الجديده لو موجوده وطالما ضمان روح التوكيل
في حاجه برضو حصلتلي كيس زباله اسود ساح على الشكمان عندي وكان بيطله ريحه شياط اشمها كل ما اتوقف لحد ما نزلت ولقيتو تحت العربيه والحمد لله عدت على خير , وعربيه سيراتو برضو ركبنا في الفوج لايت زينون واللمبه الكهربائي مثبتهاش حرقت جسم الكشفاف وكانت بتطلع ريحه شياط
وبالتوفيق

[memodina1]

يااااااااااة رجعتنى لاول مشكلة ليا فى العربية دا كيس زبالة بلاستيك لازم يكون فى الشكمان كل ما يسخن تشم وتعيش انا رفعت العربية سعتها مخضوص ب 20 جنية وجبت سكين وقعدت اشيلة ههههههه كان ابويا بيخاف يركبها بيقولى تولع بينا منالريحة اللى بيشمها
اما السخونة فدى انا معرفش والله بس اسال حد معاة سيراتو بس اعتقد انها عادية والله اعلم

[deblabolbol80]

سخونة الكونسول دي طبيعية و خاصة بعد المشاوير الطويلة كلها كده*

[Hoooba90]

المشاركة الأصلية كتبت بواسطة amro atif المشكله دي محتاجه كشف على العربيه من مختص او كهربائي لان ريحه الشياط ممكن من لمبه بتسخن سلك او اي بلاستك في الكابينه او ممكن حضرتك مركب اي حاجه زياده زي انذار او دي في دي باختصار راجع الوصلات الجديده لو موجوده وطالما ضمان روح التوكيل في حاجه برضو حصلتلي كيس زباله اسود ساح على الشكمان عندي وكان بيطله ريحه شياط اشمها كل ما اتوقف لحد ما نزلت ولقيتو تحت العربيه والحمد لله عدت على خير , وعربيه سيراتو برضو ركبنا في الفوج لايت زينون واللمبه الكهربائي مثبتهاش حرقت جسم الكشفاف وكانت بتطلع ريحه شياط وبالتوفيق

لأ يا باشا انا مش مركب خاحة زيادة خالص .. و مشكلة حياتى انى خليجى بس هوا غالبا هيطلع كيس زبالة إن شاء الله .. ألف شكر على ردك و شرفتنى

المشاركة الأصلية كتبت بواسطة memodina1 يااااااااااة رجعتنى لاول مشكلة ليا فى العربية دا كيس زبالة بلاستيك لازم يكون فى الشكمان كل ما يسخن تشم وتعيش انا رفعت العربية سعتها مخضوص ب 20 جنية وجبت سكين وقعدت اشيلة ههههههه كان ابويا بيخاف يركبها بيقولى تولع بينا منالريحة اللى بيشمها اما السخونة فدى انا معرفش والله بس اسال حد معاة سيراتو بس اعتقد انها عادية والله اعلم

هههههههههههه هى شكلها كده برده ان شاء الله هتأكد و هرد عليك شكرا على ردك

المشاركة الأصلية كتبت بواسطة deblabolbol80 سخونة الكونسول دي طبيعية و خاصة بعد المشاوير الطويلة كلها كده*

اه بس انا كنت سامع عن تصفيخ او عزل حرارى بيتعمل فى التوكيل ... هل الكلام ده صح؟؟!!