ممكن حد يكرهنى فى النيو سيراتو!!!!

[sa3dawy]

المشاركة الأصلية كتبت بواسطة فادى صدقنى تأثير الاعلام أكبر مما تتخيل, على فكرة الكيا سيراتو هى هى نفسها الهيونداى النترا و لكن متنكرة, المحرك هو نفسه محرك "الجاما" 1.6 الموجود فى الالنترا, و معظم مكونات نظام التعليق مأخوذ من الهيونداى. و هى تبقى سيارة عادية بالمقارنة بغيرها, و سعرها مبالغ فيه طبعا, للأسف فاننا هنا مش فرافير لكن بنروح نشترى عربية كورى بسعر يتعدى المئة ألف. مع ان فيه اختيارات أخرى أفضل كثيرا فى هذا السعر. و لو انت شايف انو الالنترا سيارة مميزة و ثورية يبقى ده موضوع تانى. موضوع انو شكلها جميل من عدمه فأنا عايزك تشوف العربية دى و تقارن, الكيا شكلها مبالغ فيه و مفتعل لكن المقدمة الهجومية فكرتها مأخوذة من الألفاروميو 159 بالمللى (هوندا برضو نقلتها بالمسطرة فى السيتى) هتلاقى انو كيا خدت الفكرة من الفاروميو و لكن عدلت فى المقدمة و كانت النتيجة انها شوهتها (و لكن يبقى جمال الفكرة و هى سحبة الفوانيس الأمامية من برا لجوه). شيل مثلث الألفاروميو الشهير, فعلى ماذا تحصل؟؟

انا الصارحة معجب اصلا بموتور(وعلى فكرة موتور السيراتو 3 حاصن اعلى ) وعفشة الانترا .. فلما تجيلى متنكرة فى شكل احسن وكماليات اكتر .. تبقى ثورية بالنسبةلى ..
وسعرها انا شايفة منطقى .... بتبدأ من 98 الف وبتنتهى ب125 الف ... مقارنة بالcompacts التانيين ... كورولا .. لانسر ..سيفيك .. جيتا .. كروز ... كلهم فى حدود 150 الف ...
على العموم انا معاك فى ان التصميم مش مبتكر ولا حاجة ... لكن مش شبة الالفا .. شبة السيفيك النسخة الامريكية .. بص كدا

[koky_90]

ههههههههههههههههههههه

طبعا طبعا
ده فرصتك يا بشمهندس فاى

بس انا واثق والله لو الموضوع ده اتعمل على اى عربيه خلقها ربنا ده هيكون ردك بره

يعنى مثلا لو احد قال كرهونى في الكورولاا هتكون جاااااااااااااهز

يعنى مثلا لو واحد قال كرهونى في النيسان في السيفيك في الهيونداى هتكون جاهز بره
فرصتك بقا ptmnlo123per122

السيراتوبالنسبة للجرى والشد جريت مع الهوندا شد من 0الى 100 طبعا الهوندا بعد الثالث مشفتش السيراتو حتى فى المراية واتكرر الموضوع 3 مرات و2 اللى ساقو السيراتو و العربية شكل وكماليات فقط قطع غيار غالية جدا تعادل اليبانى فى السعر توكيل نصاب خامات العربية بلاستيك ردىء وجسم العربية الخارجى ضعيف لو بنفس السعر عندى اختيارين الفيات لينيا او الشيفورلية كروز

[EgyZizo]

طيب هو فيه حد قال ان السيراتو تيجى حاجة جنب الهوندا؟

أنا الحقيقة كل اللى أعرفه عن السيراتو هى شكلها ..
أنا ماشفتش اعلانات ولا غيره ، بس أتذكر من كام شهر قبل ما أعرف يعنى ايه سيراتو كنت بأركن فى جرين بلازا فى اسكندرية ولمحتها راكنة وكانت فضى، شكلها شدنى فسبت عربيتى ورحت أشوف ايه العربية دى ولفيت حواليها علشان أشوف نوعها ايه .. كانت تحفة الحقيقة ..

طبعاً الكلام ده قبل ما ترطرط والواحد ياخد على شكلها ..

فالحقيقة العربية فى الصدارة من حيث الشكل ..

أما عن صاحب الموضوع ففيه أسباب كتير تكرهك فيها ..
زى مثلاً ان لما التراب بييجى عليها بتتوسخ ..
ولما البنزين بيفضى منها ما بتدورش ..
ولو اتخبطت بتنجرح ..
أقول ايه واللا ايه بس .. خلينا ساكتين .. ptmnlo123per172

[bmkbmk]

المشاركة الأصلية كتبت بواسطة فادى و الله انا مش عارف الناس بتحب العربية دى على ايه؟ الشكل شرس من ادام بس مبالغ فيه جدا و مأخوذ من طابع الألفاروميو 159. من ورا شكلها تقليدى جدا. ايه اللى حلو فيها و ايه سبب الاقبال عليها؟ اقولوكو؟ ركزت الحملة الاعلانية بشكل مكثف على شكل السيراتو الجديدة, فاكرين الاعلان اللى البت الزغلولة بتقول فيه "اصلك مشفتش السيراتو الجديدة!" ده كان قبل ما العربية تنتشر و قبل ما الناس تشوف شكلها اساسا. و بالتالى قام الاعلان بعمل شبه تنويم مغناطيسى و ايحاء نفسى للناس انو السيراتو الجديدة ثورة على صعيد الشكل, و طبعا الشكل احدى اهم عوامل التأثير عند شراء السيارة, بل ربما هو العامل الأهم! هذا الايحاء النفسى تناقل بين الناس و وصل حتى لمن لم يستمع الى الاعلان, و اصبح شعور نفسى ينتقل بالايحاء بين الناس. لو لم يكن الاعلان بهذه الكفاءة و هذا التأثير (تأثير بعض الاعلانات فى حركة البيع يستحق الدراسة بالفعل) لما بيعت السيراتو بهذا الشكل, و لما كان شكلها جميلا. من جهة الامكانيات و القيادة هى سيارة عادية جدا, تتشارك مكونات كثيرة مع الالنترا, و ليس فيها ما يستحق الاهتمام و لا فى تصميمها أى شىء مميز. تحية الى من صنع هذا الاعلان, هو فقط من يستحق التحية, أما شركة "كيا" ذات نفسها, فلا تستحق الكثير من التقدير.

معاك 300% يا فادى باشا