|
#1
15-05-2009, 02:21 AM
|
||||
|
||||
|
خطوات نقل ملكيه سياره مستعمله خطوه بخطوه
طبعا يا جماعه انا مريت بالموضوع ده من 3 ايام ولسه مخلص الموضوع ده انهارده مع واحد صاحبى
اولا:طبعا بعد ما يتعملك توكيل تروح الشهر العقارى بالتوكيل والبطاقه وتسجل العربيه بأسمك بيع وشرا لنفسك(طبعا انت محتاج التسجيل ده عشان تعمل اى حاجه فى العربيه غير التجديد)وتجيب شهاده مخالفات من المرور اللى انت تبعه ده لو الرخصه ساريه لو مش ساريه هتجيب معاهم شهاده بيانات ثانيا تاخد العقد المسجل وشهاده المخالفات وتروح على المرور اللى انت هترخص تبعه وتجيب من هناك نموذج فحص وتجديد ودول 3 ورقات (نموذج تجديد)(نموذج فحص فنى)(نموذج فحص بيئى)ومعاهم ورقه صغيره اللى هى وصل الطفايه ثالثا ودى مهمه جدااااااااااااا:تدفع بوليصه التأمين الاجبارى من دلوقتى على عربيتك عادى بكل بياناتها الا اللوحه تسيبها فاضيه متكتبش فيها رقم العربيه تسيبه فاضى رابعا بقى: تاخد الورق ده والعربيه وتطلع على الفحص وتدى الرخصه القديمه وبطاقتك للظابط الموجود فى وحده الفحص وهو هيملى فى شهاده الفحص الفنى شويه بيانات وتاخد منه الورقه تفحص وكله يبقى تمام وتختم ورقك من المهندس على الفحص وعلى وصل الطفايه(متنساش الوصل ده)وبعد ما تخلص الكلام ده تروح تانى للظابط بتاع وحده الفحص يختملك ختم النسر على ورقه الفحص تقوم واخد الورق تانى وتروح داخل المرور بتشترى دويسه ورق تحط فيه كل الورق بتاعك ده وخد بالك بعد ما سجلت العربيه عشان تغير الرخصه انت محتاج كل التوكيلات اللى فى العربيه من صاحبها ليك فيه شباك بصراحه انا مش فاكر اسمه ايه بس بتروحله بيبقى فيه موظف بيديك اذن دفع عشان تروح تدفع الضريبه بأسمك وبيكتبلك فى اذن الدفع ده 100 جنيه رسم لوحات جديده و20 جنيه تأمين لوحات وحوالى 2 جنيه دمغه خامسا:تروح تدفع الرسوم فى الخزنه وربنا يعينك فى المشوار ده وتاخد الدمغه مع الوصل متنساش سادسا: ترجع تانى للشباك اللى اداك اذن الدفع وتديله الكلام ده كله هيقولك روح سجل البطاقه(وده نظام جديد مكنتش اعرف عنه اى حاجه وطلع انك بتروح بصوره البطاقه والصوره دى تكون فى ورقه كبيره والبطاقه نفسها)وتقف على الشباك هاخدهم منك الموظف ويحط البطاقه تحت جهاز بار كود عشان ياخد بياناتها وبيكتبلك رقم على الصوره بتاعت البطاقه وتاخد الصوره دى بعد ما تتختم وتديها لنفس الموظف اللى معاه الملف هيحطها فى الملف ويبقى كده مبروكptmnlo123per161ptmnl o123per161 هتستنى فى شباك تسليم الرخص طبعا هتكون فكيت النمر القديمه وماسكها معاك وتستنى الموظف ينده على اسمك هينده عليك ويديك ورقتين وصورتين منهم الورقتين دول عباره عن اذن تسليم واذن صرف التسليم هتلاقى عليه رقمك القديم والصرف هتلاقى عليه رقمك الجديد وبتوقع تحتهم وتقف تانى فى الطابور عشان تسلم النمره القديمهptmnlo123per172 بعد ما تسلمهم النمر القديمه هيديك صوره اذن الصرف تاخده وترجع تانى للشباك اللى كنت عنده اللى اداك الاذن وتاخد منه رخصتك الجديده ودى كده طبعا خطوه خزعبليهptmnlo123per122 بعد كده تصور البطاقه والرخصه وتشترى اقرار بيتباع ب50 قرش فى اكشاك التصويرptmnlo123per195 واخيرا تقف فى الصف وانت معاك الصور دى والرخصه وتستنى دورك وتاخد النمر الجديده وخلى بالك انك بتاخد كيس صعير فيه اربع مسامير وكليبسات بتركب فيهم عشان المسامير دى هى المسامير المعتمده ويبقى كده الف الف الف مليون مبروك واكيد انت هتحلف مليون يمين ما انت داخل المرور ده تانى ptmnlo123per154 واخر حاجه خالص تاخد اللوح وتخرج بره وحده المرور وتدور على اى شاب لطيف كده ولابس تيشرت كحلى ومكتوب على ضهره بألابيض فنى تركيب لوحات عشان يركبلك اللوح وهياخد 10 جنيه ودى هى اخر خطوه فى ايام العذاب قصدى ايام الترخيص طبعا الاجراءات بتقل لو انت مش بتنقل ملكيه من مرور لمرور واتمنى انى اكون افدتكم بأى معلومهptmnlo123per1127 مع تحياتى اخوكم بوب الجامد من وحده مرور فيصل الملعونهptmnlo123per195pt mnlo123per195 الموضوع حصرى وواقعى من تجربتى لمصر موتورز فقط وغير مسموح بنقله 
|
|
#2
17-05-2009, 11:09 AM
|
|||
|
|||
رد: خطوات نقل ملكيه سياره مستعمله خطوه بخطوه
شكرا يا باشا على نقل خبرتك لينا
طب لو انا عايز انقل ملكية و ده بيتطلب دائما نقل من مرور لمرور تاني مختلف هل ده بيتطلب فحص للسيارة؟ برضو ممكن نعرف منك الاوراق و الصور اللي بتاخدها معاك و برضو الموال كله خد كام ساعة منك؟
|
|
#3
17-05-2009, 01:49 PM
|
||||
|
||||
|
رد: خطوات نقل ملكيه سياره مستعمله خطوه بخطوه
شكرا على الموضوع
طيب لو حبيت افحص عربيه قبل الشراء ، ممكن حضراتكم تفيدونى عن اسم وعنوان مركزين مختلفين لعمل كشف كامل على السيارة ، وياريت تكون مراكز متخصصه فى دايو - لانوس وهل ممكن اروح التوكيل اعمل فحص كامل هناك ؟ وياريت تقدير التكلفة وجزاكم الله خيرا . تحياتى ،،،
|
|
#4
17-05-2009, 02:10 PM
|
||||
|
||||
رد: خطوات نقل ملكيه سياره مستعمله خطوه بخطوه
الاوراق والصور انا ذكرتها فى الموضوع بالتفصيل يا باشا الموال ده خد 3 ايام (بسبب ان خزينه مرور فيصل بتقفل الساعه 12ptmnlo123per195) بس لو كده ممكن تجيب نموذج الفحص والتجديد من اى مرور تانى عشان توفر وقت(عندنا احنا مرور بين السرايات)لانى خدت يوم كامل عشان نجيب النماذج ونفحص ولما بتخلص الفحص المفروض انك بتدخل تظبط ملفك وبعدين تدفع الضريبه زى ما ذكرت قبل كده فا ممكن ربنا يكرمك وتاخده فى يومين هو من الحاجات الصعبه جدا انك تخلصه فى يوم بس ممكن لو رحت انت وتلاته اصحابك مثلا بحيث ان كل واحد يقف فى طابور عشان تكسبوا وقت الطوابير لانها هى اللى بتضرب اليوم واى استفسار انا موجود بأذن الله اخوك بوب
|
|
#5
17-05-2009, 02:20 PM
|
||||
|
||||
رد: خطوات نقل ملكيه سياره مستعمله خطوه بخطوه
|
 |
| الكلمات الدليلية |
| نقل ملكيه سياره |
|
|
