|
#1
22-09-2011, 10:43 PM
|
|||
|
|||
باركولى يا جماعة ، أستلمت A516 LS النهاردة
الحمد لله إستلمت النهاردة عربيتى من فرع أسبرانزا المعادى
أنا كنت حاجزها من 18 يوم بالظبط رحت الفرع و الناس هناك اخر إحترام و زى الفل ، خلصولى الورق بسرعة جداً ، و نظفوها ، و فية واحد قعد معايا يفرجنى عليها و يورينى الاوبشن بتاعتها ، و جربت الابواب و الشنطة و الأنوار و الكاسيت ، و إتطمنت على صحة رقم الموتور و الشاسية و كل البيانات اللى فى المبايعة ، و كنت فاكر أنى هأروح أرخصها يوم السبت طلع لى خازوق صغنن كدة أنى لازم الأول أروح مرور بين السرايات أعتمد الورق و بعدين اروح المرور بتاعى مش مشكله طبعاً هما ناس بخلاء جداً حاطين ييجى 5 لتر بنزين فى العربية ، و واخدها بتصوصو من الجوع بعد ما إستلمتها و أخدت الورق و الضمان و كله ، رحت بسرعة على أقرب بنزينة و مليتها بنزين 92 و طلعت بيها مشوار محترم من المعادى لغاية سوق القنال فى أخر جسر السويس ( 50 كيلو ) و كنت مستلمها و العداد عامل 21 كيلو ما شاء الله العربية ناعمة جداً و ثابتة و التكييف ثلاجة و الانوار مظبوطة و الغيارات ناعمة ، و العربية واسعة و مريحة جداً و أنا بالنسبة لى لأنى كنت سايق عربية بولونيز قبلها( مش عايز تريقة لو سمحتم ) فانا حاسس انى راكب طيارة مش عربية إن شاء الله بكرة الصبح أكون شحنت الكاميرا الديجيتال و هأنزل أصورها لكم حتة حتة و الفرق بينها و بين الكاملة طلع 5 فروق مش أربعة : 1 - الجنوط الأسبور------------بتاعتى فيها جنوط عادية مع طاسات اسبرانزا 2 - الكاسيت الكبير------------بتاعتى فيها كاسيت كينوود مع سى دى ، mp3 ، Aux لكن بدون ال USB 3 - الشاشة الديجيتال بتاعة التكييف ----------------التكييف عندى مانيوال بدون شاشة 4 - أنوار الشبورة ------------------- فيه مكانها شبكة كدة قافلة المكان لكن ممكن تتركب بعد كدة 5 - موتور الفوانيس الللى بيعلى الفانوس لفوق و يوطيه ، و دة مكنتش أعرفة لكن فيها زجاج كهرباء و سنترلوك و مرايات كهرباء و كل حاجة زى الفول أوبشن بالظبط و اقول لكم سلام بقى علشان انزل أنكش شوية فى العربية و شكلى مش هأنام النهاردة 
|
|
#3
22-09-2011, 10:50 PM
|
|||
|
|||
|
رد: باركولى يا جماعة ، أستلمت A516 LS النهاردة
الف الف مبروك
واهلا بيك عضو اسبرانزاوي جديد وربنا يديك خيرها ويمتعك بالعربية ويبعد عنك شرها وشر قرها
|
|
#5
22-09-2011, 11:23 PM
|
|||
|
|||
|
رد: باركولى يا جماعة ، أستلمت A516 LS النهاردة
ربنا يبارك لحضرتك ويديك خيرها ويكفيك شر طريقها بصراحة عربية تستاهل الفرحة دي الف مبروك
|
 |
|
|
حبيبت قلبى سبيدر
