المعتقدات الخاطئة..... والحقيقة بالنسبة للإطارات !

[borio1704]

المشاركة الأصلية كتبت بواسطة essamenen مفيده جدا ومعلومات قيمه بس لى تعليق بسيط بالنسبه للضغط المكتوب على الاطار وهو اقصى ضغط ممكن ان يستعمل وليس المثالى عند تصميم الى منتج او اى اطار مثلا يتم تصميمه حسب ظروف التشغيل القصوى مثلا المصعد او الانصنصير عندما يصمم انه يشيل 5 افراد مثل او حموله 500 كيلى لو شال 700 او 8 افراد مش هيتحرك او هيقع لا بس معامل الاداء وسرعه صعوده هتقل كمان فى حاجه اسمها معامل الامان بيكون الثلث او الربع حسب الشركه المصنعه نرجه للاطارات كل اطار له سرعه قصوا وحموله ودرجه حراره ويتم تصميم ضغطه الداخلى فى اقصى ظروف التشغيل اقصى سرعه اقصى حمل اقصى حراره وكل تلك البيانات مكتوبه على الاطار ومكتوب عليه اقصى ضغط للتعامل فى تلك الضروف القصوى وفى الغالب يكون اقصى ضغط 45 او 50 psi بسكال واحنا بنضغطه على 30 لكن لو ضغطه على 50 الاطار هينفجر لا طبعا ولا حتى 60 بس على حساب الراحه والسرعه القصوا لو سالتوا سواقين البيجو عندما كانو بيحملو فى العربيه دور رابع وطبعا لو الضغط 30 هتلاقى العجل شبه نايم كانو بيزودو الضغط ل 40 و50 بس كانوا بيمشو براحه وكمان فى حاجه الاطار مصمم بحيث ممكن يشيل حمل معيل وهو ماشى وحمل اعلى لما يكون واقف زى عربيات الاوناش ممكن تقف وتشيل او ترفع احمال وتنزلها بس لما تمشى يجب التقيد بالوزن المسموح خلاصه الموضوع احنا مش محترفين علشان نجازف فى الاطارات فنستعمل الضغط المثالى 30 مثلا ونغير الاطار من 40 الى 80 حسب نوع الاطار ( انا اطاراتى عامله 60 الف وزى الفل بس ماشى بيها وانا مرعوب ) فى حد فكر ان عربيات النقل الثقيل يتم ظغط الاطارات على كام ياريت تقلولنا -----------------------الميكروباص على كام ياريت محدش يغش لانى ادبست فى عزومه واتراهنت

الضغط الأقصى المكتوب على الإطار هو أقصى ضغط آمن يمكن ضبط الإطار عليه بدون أي أخطار على سلامته، طبعا مع مراعاة أقصى وزن يمكن للإطار حمله (يمكن معرفة الحمل من الرقم المدون بعد رمز السرعة)

ولكن أفضل ضغط هو الموصى عليه من صانع السيارة والمكتوب على قائم السيارة أو في دليل التشغيل

وبشكل عام يجب أن يتم الحفاظ على هذا الضغط في جميع أيام السنة سواء في الصيف أو الشتاء، لإنه ببساطة هذا الضغط المفروض أن يضبط على البارد.

يعني إيه على البارد؟؟؟؟

يعني الهواء داخل الإطار بارد وده بيحصل لما العربية بتبقى مركونة لوقت طويل... أربع أو خمس ساعات على الأقل، بس للأسف الهواء بيسخن بمجرد إن العربية تتحرك، ويعتبر الهواء ساخن إذا العربية مشيت لمسافة حوالي 1 كم

طيب إيه اللي حيصل لو الهواء سخن؟؟؟

الهواء لما بيسخن بيتمدد وضغطه يزيد حوالي 2-4 psi على حسب المسافة ودرجة حرارة الجو وكمان حجم الإطار، وده شيء طبيعي جدا
يبقى لو انت ماشي بالعربية مسافة كبيرة وحسيت إنك عايز تظبط الهواء، زود الضغط من 4 psi لإن الهواء جوه الإطار سخن ومتمدد، ولما تركن العربية والهواء يبرد، الضغط حينزل ويرجع للقيمة المكتوبة على قايم العربية

أحسن حاجة يكون عندك مقياس للضغط شايله معاك عشان تتأكد من الضغط بنفسك، ويفضل لو قدرت تشتري ضاغط هواء من الأنواع اللي بتتباع في السوبرماركت الكبيرة،

موضوع ضغط الهواء ده مش رفاهية، ده من أهم عوامل الأمان في العربية، وما تنسوش إنه من أكتر أسباب الحوادث

ممكن ترجعوا للموضوع ده لمعلومات أكثر
http://www.masrmotors.com/vb/showthread.php?t=38115

وكمان الصفحة دي على النت
http://www.yokohamatire.com/tires_10..._fuel_economy/

...