مشكلة في فيتيس السايبا البرايد ... رجاء المساعدة من الخبراء

[engineer05]

السلام عليكم..

عندي مشكلة من فترة في الفيتيس بتاع السايبا برايد 2006 ... النقلة التالتة بتفوت و أحيانا بضطر أنقل تلات أو أربع مرات عشان النقلة تجمع ... الكلام دة كله على التالت بس.. غير كدة النقلات بتجمع عادي جداً.

إيه رأيكم في الحوار دة؟؟

[luaai]

في الغالب غوايش النقلة التالتة مش بتمسك النقلة
أعتقد محتاجة تتغير لكن أنا مش عارف فين وبكام

المشاركة الأصلية كتبت بواسطة engineer05 السلام عليكم.. عندي مشكلة من فترة في الفيتيس بتاع السايبا برايد 2006 ... النقلة التالتة بتفوت و أحيانا بضطر أنقل تلات أو أربع مرات عشان النقلة تجمع ... الكلام دة كله على التالت بس.. غير كدة النقلات بتجمع عادي جداً. إيه رأيكم في الحوار دة؟؟

يجب تغيير زيت الفتيس بالكامل على وجه السرعة بزيت تروس موبيل من اى بنزينة موبيل قريبة منك
تغيير زيت فتيس بالكامل وليس تزويد ه!!!!الجركن زيت فالفالينا موبيل 130 او 160 درجة لزوجة الجركن المقفول 4 لتر= 70 جنيه!وكان يجب ان لا تسير بتلك المشكلة لفترات طويلة قبل تغيير زيت الفتيس!!
: 010104~171:
ولا تشترى الجركن الموبيل المكتوب عليه 90 درجة لزوجة لانه مش هينفع معاك فى حل مشكلتك مع الغيار التالت دى !!!!

[شريف كامل]

حدثت معي نفس المشكلة في الغيار الثاني في السايبا بريد 2009 وتقريبا المشكلة كانت في الغوايش والبرميل ومعرفوش يصلحوها في توكيل قنا وذهبت الي ميكانيكي في سوهاج فك الفتيس وصلحة وكلفت حوالي 250 ج في واحد في شبرا متخصص فتيس اسمة تيسير صليب ودة رقمة 01001440601 ولكني لم اتعامل معة ولكن بيشكرو فية ارجو ان اكون قد افدتك

[engineer05]

جزاكم الله خيراً ... إن شاء الله بكرة أروح مركز الصيانة وأخليهم يغيرو الزيت و الغوايش

متشكر ليكم جداً