حكايتي مع ( شيفرولية افيو) "وسوء التصنيع"

[essam275]

لا يضيع حق وراءه مطالب

[AbOnOrA]

قمنا بالاتصال بمهندسى التوكيل وسيتم ابلاغ الادارة بملف السيارة وتفاصيل الاصلاحات المطلوبة

[ahmed_hussein]

المشاركة الأصلية كتبت بواسطة amrmoona السلام عليكم (افيو 2009 انا متشكر جدا على الردود التى تعكس زوقا عاليا وتحضر الواحد نسيه الأ يام دى المهم انا رحت صيانة تا5000 كم بعد ماحجزت قبليها فى مركز صيانة رابعة ( بنزينة) والحقيقة صدمت من اللى شفتة الفوضى والهرجلة وعدم النظافة وعمال وصنايعية فاضلهم 100 سنة عاشان يوصلو لمستوى مهارة الحرفيين مش عارف ازاى انا كنت مع العربية اثناء الصيانة ( واقف تحت العربية مع الصنايعى ) و طبعا كنت هاقع خمسين مرة من الزيوت والشحم على الأرص .... الراجل ربطلى العفشة وغير الزيت والفلتر ودفعت ال120 جبية لنفس الراجل بدون ايصال مش عارف لية وبعدا رحت الزوايا قاللى العربية زى الفل على الكمبيوتر انت بس ظبط العجل ( معندهمش تزبيط عحل فى التوكيل ؟؟؟؟؟؟؟؟؟؟؟؟؟ مطلع جرب قالى العربية زى الأسد ملفيهلش حاجة الجميل انى قلتلة على عيب فى احدى خواص العربية ماكنش عارف حاجة عن الخاصية جى اصلآ وهى خاصية اغلاق جميع انوار السيارة بمجرد سحب المفتاح مع ابقاء عمل الزحاح الكهربائى 30ثانية لقيتة بيرفض وجود الخاصية و كأنى جاى من الفضاء طبعا كنت هبطحة بالمفتاح الى معاة ....... شوية وراح سأل وقالى مظبوط يا باشا كلامك صح انا مكنتش عارف عاشان العربية موديل 2009 انا قلت فى سرى اية سيفين اية طبعا مصلحتهاش علشان لازم استنى كبير المهندسين وحاجة تانية كان عندى احتكاك خفيف بين الباب اللأمامى والرفرف ..... فورا حالى الحاج اسمعيل السنكرى ومعاة مفك علية حتة قماش وظبطلى الباب تماما واكيد طبعا انا بروق الناس دى ,,, حتة بعشرة على حتة بخمسة على حتة وللحديث بقية

طبعا ده كلام مش صح خالص عشان مفيش اى فلوس بتدفع فى الشركة من غير فاتورة و لو ده حصل معاك تقدم شكوى فى الإدارة

خلى كلامك كله دايما مع مهندس مش مع فنى

ممنوع انك تدفع لصنايعى فلوس و لو ده حصل يبقى انت اللى سمحت بيه

وشكرا

[ahmed_hussein]

المشاركة الأصلية كتبت بواسطة paradise lover السلام عليكم ورحمة الله وبركاته انا عاوزه اسأل حضرتك سؤال هى المشاكل الى حصلت فى العربيه ديه عيب صناعه زى ما ذكرت فى عربيتك بس ولا فى كل الافيو عموماptmnlo123per144 لانى بصراحه كنت مقرره انى اشتريها وبعد لما قرأت الموضوع بعيد تفكيرى مره اخرى ويا ترى ايه الى حصل دلوقتى للعربيه ووصلت لايه؟؟؟؟

احب اقلك ان دى عيوب فردية و مش عشان انا شغال فى منصور بس هقولك على حاجة شوفى العربية منتشرة ازاى برة و انتى هتتأكدى انها عربية كويسة

المشاركة الأصلية كتبت بواسطة ahmed_hussein احب اقلك ان دى عيوب فردية و مش عشان انا شغال فى منصور بس هقولك على حاجة شوفى العربية منتشرة ازاى برة و انتى هتتأكدى انها عربية كويسة

هيا فعلا معظم المشاكل موجوده في العربيه دي بس لاكن المشكلتين المشتركين في معظم العربيات ومش كلها الrpm (البوابات) و التزييق الي في العافشة والإتنين بقوا يعرفوا يصلحوها دلوقتي