العودة   مصر موتورز مجتمع السيارات > منتدى الصيانة و اﻹصلاحات > عفشة السيارة

عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات


إضافة رد
 
أدوات الموضوع
  #36  
قديم 04-02-2012, 10:30 PM
تامر ديزل تامر ديزل غير متواجد حالياً
 
تاريخ التسجيل: Jul 2011
المشاركات: 1,725
تامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond repute
افتراضي رد: ماهى مكونات العفشة بالتفصيل مع توضيح معنى المصطلحات

ahmed_gamal777
رد مع اقتباس
  #37  
قديم 05-02-2012, 10:34 PM
I.ABUBAKR I.ABUBAKR غير متواجد حالياً
التخصص العملى: ELEC.ENG
 
تاريخ التسجيل: Jun 2011
الموقع: alexandria
المشاركات: 189
I.ABUBAKR is a splendid one to beholdI.ABUBAKR is a splendid one to beholdI.ABUBAKR is a splendid one to beholdI.ABUBAKR is a splendid one to beholdI.ABUBAKR is a splendid one to beholdI.ABUBAKR is a splendid one to beholdI.ABUBAKR is a splendid one to behold
افتراضي رد: ماهى مكونات العفشة بالتفصيل مع توضيح معنى المصطلحات

جزاك الله خيرا
م/ تامر و ا/ أحمد
__________________

ibrahim aboubukr
رد مع اقتباس
  #38  
قديم 06-02-2012, 12:05 AM
تامر ديزل تامر ديزل غير متواجد حالياً
 
تاريخ التسجيل: Jul 2011
المشاركات: 1,725
تامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond repute
افتراضي رد: ماهى مكونات العفشة بالتفصيل مع توضيح معنى المصطلحات

ايه الفرق بين العفشة العادية والعفشة الرياضية ( الاسبور ) ؟ لقيت اجابه سهلة ولذيذه العفشة الاسبور بتديك ثبات اكتر بس راحه اقل لان المساعدين ناشفه والسوست بتاعتها اقصر وبتخليك تاخد الملفات على سرعة اكبر انما العفشة العادية بتديك راحة اكبر وثبات اقل ... وبعدين قولت ابحث وافحص وامحص .. لقيت معلومتين ع الماشي قلت ندردش فيهم
قالك العفشة الاسبور دي اتعملت علشان عربيات السباق لان التراكات بيبقى فيها ملفات حاده جدا وبيبقى السائق مضطر انه ياخدها على سرعه ... طيب ايه اللي بيحصل للعربية وهيا بتاخد ملف على سرعه ؟ قالك بتبقى العربية عاوزة تتقلب عكس اتجاه الدوران يعني لو ملف ناحية اليمين بتبقى العربية عاوزه تتقلب الناحية الشمال ... ليييه ؟ علشان حاجه اسمها القوة الطارده المركزية ودي بتنشا نتيجة دوران اي جسم له كتلة حوالين مركز معين ... وفي حالة العربية وهيا بتلف الملف بتبقى كأنها بتدور في جزء من دايرة وهمية كبيرة مركزها ممكن تتخيلة لو اتخيلت بنظرك دايرة كبيرة تكمل بيها الملف .... زي الصورة كده

المهم : قالك كل ماتبقى العربية تقيله كل ما الطاردة المركزية تزيد بس كل ماتبقى السرعة اكبر كل ما الطارده المركزية تزيد اوي اوي ...طيب القوة دي بتأثر فين في العربية وهيا بتلف ؟ قالك في نقطه اسمها مركز الثقل ... وده نقطه تخيلية برده في مكان قريب من منتصف جسم العربية حسب تصميمها وحسب توزيع الاوزان فيها وغالبا بيكون في العربيات الملاكي مش في النص بالظبط لان تركيز اوزان العربية بيكون قدام بسبب وجود الموتور والفتيس والعفشة الامامية ... واللذيذ بقى ان مركز الثقل ده مش نقطه ثابته يعني لو انت راكب في العربية لوحدك ممكن يكون مركز الثقل ده مثلا نقطه فوق عصاية الفتيس .. كويس ؟ ولو ركب معاك تلاته مليانين شوية في الكرسي اللي ورا هيشدوا معاهم مركز الثقل ورا شوية ... ولو العربية عالية عن الارض هيبقى مركز الثقل ده عالي شوية عن العربيات اللي مش عالية ... المهم ايه علاقة القوة الطاردة المركزية ومركز الثقل والملف اللي على سرعة والكلام ده كله بالعفشة الاسبور ؟
اقولك : دلوقتي عربية بتاخد ملف على سرعة .. الهيكل بتاعها بيميل عكس الملف ... مين بيشده لتحت علشان يمنعه من انه يتقلب ؟ المساعدين ...يبقى نجيب مساعدين استجابتها للفرد او للفتح تقيله علشان تقاوم الفتح لفوق ( اللي عاوز يتخيل يرجع للمشاركة رقم 27 ) علشان كده العفشة الاسبور بتبقى ناشفه لان المساعدين بتبقى ناشفه بتتحرك لفوق ولتحت بمرونه اقل من المساعدين العادية ...
حاجه كمان نخلي ارتفاع العربيات الاسبور عن الارض اقل ما يمكن ونخلي السوست بتاعت المساعدين الاسبور والسوست الخلفية اقصر من سوست العربيات اللي عفشتها عادية علشان نخلي مركز الثقل قريب للارض قدر الامكان تقوم الطاردة المركزية لما تيجي تأثر على العربية هتاثر فيها من نقطه منخفضة .... شوف الصورتين دول كده

دي بتبين ان مركز ثقل العربية العالية بيبقى اعلى من العربية المنخفضه وكمان بتدي تخيل ازاي مركز ثقل العربية العالية بيبقى مؤثر عليها لو جسم العربية مال وبيبقى تأثيره اكبر من العربية اللي مش عالية
والصورة دي بتدي فكرة عن مكان مركز الثقل عموما للعربية

فيه مثال صغير يقرب الفكرة بتاعت المساعدين الناشفه والعاديه لو انت بتشد حبل وقصادك واحد فتوة انت هتشد وهوا بيقاوم الشد ... ولو قصادك شاب سيس انت هتشده هييجي معاك علطول ... اهوا ده الفرق بين المساعدين الناشفه والمساعدين العاديه ومقاومتهم للقوة الطارده المركزية
مثال تاني يبين ليه العربيات الواطيه بتبقى اثبت على الطريق من العربيات العالية .. لو قدامك انبوبة بوتجاز جرب تزقها من النص بايدك بقوة معينه هتلاقيها هتتقلب الناحية التانيه ... جرب بقى بنفس القوة تزقها من تحت مش هتتقلب اقصى نتيجه انها هتزحف شوية .. شوفت بقى كل ما نخلي مركز الثقل قريب من الارض تكون العربية اثبت في الملفات وعلى الطريق عموما ...
رد مع اقتباس
  #39  
قديم 06-02-2012, 09:31 AM
waleed_d82 waleed_d82 غير متواجد حالياً
 
تاريخ التسجيل: Jan 2012
الموقع: Qena
المشاركات: 368
waleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud ofwaleed_d82 has much to be proud of
افتراضي رد: ماهى مكونات العفشة بالتفصيل مع توضيح معنى المصطلحات

بصراحة حلقة النهاردة يا استاذ تامر مفيدة جدا جدا والكلام دا كلة مظبوط لإني أختة في الفيزياء ورياضيات 2 بتوع الثانوية بس المشكلة بقي تكمن في اية ان لو حبيت اشتري عربية واطية علشان اوطي مركز الثقل بتاعها العربية حتاخد كل مطبات مصر بالاحضان ودي مشكلة كبيرة طبعا خصوصا ان عندنا المطبات متوصيين بيها اوي اعتقد ملهوش حل الموضوع دا معاك ؟؟؟
رد مع اقتباس
  #40  
قديم 06-02-2012, 11:10 AM
الصورة الرمزية ahmedsl
ahmedsl ahmedsl غير متواجد حالياً
التخصص العملى: مهندس اتصالات
 
تاريخ التسجيل: Aug 2010
الموقع: بنها - القليوبية
المشاركات: 410
ahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud ofahmedsl has much to be proud of
افتراضي رد: ماهى مكونات العفشة بالتفصيل مع توضيح معنى المصطلحات

مجهود متميز جدا يا ا/ تامر
لك منى كل الشكر والتحية

وايضا الشكر ل ا/ احمد على اضافته الجميلة
__________________


قال الله تعالى في كتابه الكريم ( مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ)

اللهم استرني فوق الارض و تحت الارض و يوم العرض

اللهم إني أسألك العفو والعافية في ديني ودنياي وأهلي ومالي
اللهم استر عوراتي، وآمن روعاتي
اللهم احفظني من بين يدي ومن خلفي، وعن يميني وعن شمالي ومن فوقي، وأعوذ بعظمتك أن أغتال من تحتي

اللهم من أراد بي سوء فأشغله في نفسه.. ورد كيده في نحره وأجعل تدبيره تدميرا له يارب

اللهم إن كان رزقى فى السماء فأنزله ... وإن كان فى الأرض فأخرجه ... وإن كان بعيداً فقربه ... وإن كان قريباً فيسره ... وإن كان قليلاً فكثره ... وإن كان كثيراً فبارك لى فيه ...

اللهم ارزقنى رزقاً حلالاً طيباً مباركاً فيه ...


رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:15 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017