لمبة الباور في النوبيرا2

[HANYSAMY2]

المشاركة الأصلية كتبت بواسطة احمد على 1999 مش عارف الصراحة يا استاذ حمدى على العموم ما زلت ببحث فى كتاب صيانة اللانوس اتوماتيك عسى الاقى حاجة شبيهة و لو فيه جديد حقول على طول

واللة انا عارف ان العيب دة يدوخ وهيدوخك معاة لان الناس كلها احتارت فية
متشكر جدا يا استاذ احمد على تعبك دة واللة مش عارف اقولك اية وكلمة شكرا مش هاتوفيك حقك ابدا
جعلة اللة فى ميزان حسناتك

[احمد على 1999]

المشاركة الأصلية كتبت بواسطة HANYSAMY2 لية سكان عندة بس هو قالى كدة انا غيرت الزيت والفلتر فعلا والعيب زى ما هو

معظم وحدات الكنترول اذا مكنش كلهم بتسجل كود الخطأ لمدد طويلة حتى اسمع ان بعد اصلاح العيب او اختفائه لاى سبب لو الكود متمسحش بالسكان حيفضل موجود ممكن ل 40 ادارة و تبطيل و فى خلالهم لو متكررتش المشكلة الكنترول بيمسحه من نفسه

فطالما الراجل عنده سكان انا لو من حضرتك اعملها سكان كده كده كاجراء وقائى حتى لو اللمبة ساعتها مش منورة بعون الله يقرأ كود الخطأ المسجل

المشاركة الأصلية كتبت بواسطة HANYSAMY2 واللة انا عارف ان العيب دة يدوخ وهيدوخك معاة لان الناس كلها احتارت فية متشكر جدا يا استاذ احمد على تعبك دة واللة مش عارف اقولك اية وكلمة شكرا مش هاتوفيك حقك ابدا جعلة اللة فى ميزان حسناتك

الله يكرمك يا استاذ هانى على الكلام الجميل ده و الله كفايا عليا شعورك و تقديرك الطيب
جزانا و اياكم

[HANYSAMY2]

المشاركة الأصلية كتبت بواسطة احمد على 1999 معظم وحدات الكنترول اذا مكنش كلهم بتسجل كود الخطأ لمدد طويلة حتى اسمع ان بعد اصلاح العيب او اختفائه لاى سبب لو الكود متمسحش بالسكان حيفضل موجود ممكن ل 40 ادارة و تبطيل و فى خلالهم لو متكررتش المشكلة الكنترول بيمسحه من نفسه فطالما الراجل عنده سكان انا لو من حضرتك اعملها سكان كده كده كاجراء وقائى حتى لو اللمبة ساعتها مش منورة بعون الله يقرأ كود الخطأ المسجل الله يكرمك يا استاذ هانى على الكلام الجميل ده و الله كفايا عليا شعورك و تقديرك الطيب جزانا و اياكم

يا استاذ احمد كفاية ذوقك معانا فى المنتدى ودايما بشوف المشاركات بتاعتك فعلا بتنم عن معرفة قوية.

انشاء اللة احاول اروحلة ويا ريت يطلع الكود متسجل يبقى كدة الدنيا هتظبط

[hamdyy010]

انا اسف جدا يا جماعة انى تعبتكم معايا والله يجزاكم خير وانا متشكر جدا لكل واحد اهتم بموضوعي ورد على سؤالى
واخص بالشكر استاذ احمد واستاذ هانى ودايما كدة مع الكل في الخير

[احمد على 1999]

طيب الحمد لله انا كده اتاكدت بعد ما قريت فى كتالوج دليل المالك عندى للانوس لانه شارح برضه الفتيس الاوتوماتيك
و قايل صريح

1. لمبة ال power طبيعى تنور فى الاول تقريبا 4 ثوانى و تطفى زيها زيى لمبة ال check الصفرا
2. ان فايدة زرار ال power ان لو دست عليه لمبة power حتنور فى التابلوه مستمر ( ممكن تكون PWR كاختصار ) و ال tcm ( موديول التحكم فى الفتيس او كنترول الفتيس ) حياخر النقلات ل rpm اعلى من الاقتصادى عشان لزوم القيادة الرياضية
3. و لما تدوس عليه تانى تقوم لمبة power تطفى و كنترول الفتيس يرجع تانى للوضع الاقتصادى اللى بينقل على rpm هادى توفيرا للوقود و اطالة عمر المكونات
4. لو بقى اللمبة نورت لوحدها سواء متصل او متقطع او يومين اه و يومين تلاتة لأ يبقى كده فعلا فى مشكلة و الكود متسجل فى ال tcm محتاج يتقرا بسكان

و من قرايتى لكتاب الصيانة قايلها صريح ان ال tcm بتسجل اكواد
بالحرف قايل
افحص ال tcm لاكواد الخطأ سواء الحالية او المسجلة و لو موجودة بيودينى لجدول مفصص كل كود برقمة و السبب المحتمل
فكده الخطوة الى ناقصة لازم سكان عشان نعرف رقم الكود



متابع معاكم و خير ان شاء الله

حبيت اضيف حاجات من كتاب الصيانة

1. يهمنى اعرف طراز الفتيس لانه لو 4T40 بعون الله الكتاب معايا ناقص يقولى بيتصنع ازاى بس الكتاب 297 صفحة فيفضل اعرف كود الخطأ عشان صعب دلوقتى اقرا الكتاب كله
2. فى الكتاب جداول لكل الاكواد و كمان عنوان كل جدول مكتوب بتوصيف مظاهر الشكوى يعنى من الاخر لقيت جدول عنوانه صريح لو لقيت فومينج foaming فى الزيت يبقى الاحتمالات :
   1. زيت الفتيس تعبان
   2. الزيت دخل عليه ميه ( وارد لانه بيتبرد فى الرادياتير فلو فيه تسريب داخلى الاتنين يدخلوا على بعض )
   3. الفتيس مليان بزيادة
   4. سدد فى مواسير التبريد
   5. الفلتر مسدود او مشروخ
   6. الفلتر بيسرب من الجوان بتاعه
   7. تلف جوان الغطا الجانبى
   8. الماتور بيسخن فوق الطبيعى ( مستبعد )
   9. العربية محملة جامد ( مستبعد )
   10. حساس التحكم فى مستوى الزيت تالف يا مش متثبت كويس
3. جدول عنوانه loss of power وده اقرب توصيف للمشكلة و الاكواد المحتملة
   1. 751 خاص بسولونويد التحويل من الاول للتانى
   2. 756 خاص بسولونويد التحويل من التانى للثالث

و اسبابهم المحتملة

1. مستوى الزيت قليل
2. سولونويد النقل من الاول للتانى فشل فى وضع off عند بداية التانى / و او سولونويد النقل من التانى للتالت فشل يحقق الوضع on
3. كلاتش محول العزم ( كلاتش القربة ) TCC ال torque converter clutch يا بتعلق مفتوحة يا بتدردر dragging ( مش عارف تترجم ازاى )
4. القربة نفسها اللى هيا محول العزم يا متوسخة جامد يا باظت خالص ( و دى مستبعدها لانها لو بايظة العربية حتفضل على طول بايظة )

هو ان شاء الله تطلع حاجة بسيطة لان المشكلة مش مستمرة ممكن تطلع فى الاخر و الله اعلم رطوبة طالت الفيش فعمله bad contact بسبب غسيل الماتور بضغط عالى و توجيه الميه بدون عمد على الفيش فممكن كاجراء وقائى فك كل الفيش و رش wd40 بداخلها لعل و عسى