رابطة ملاك القوية فيات 125 لتبادل المعلومات ؟

[طارق ابوذيد]

المشاركة الأصلية كتبت بواسطة mahmoudeka موتور بولونيز 1500 سى سى

المواتير التى ننصح بعمل عمره لها هى باهظه الثمن ولكن موتور البلونيز بالفتيس لا يتعدى 1700 جنيه كحد اقصى وممكن شرائه بدون فتيس يخصم 500 جنيه اما تكلفه العمره لا تقل عن 1500 جنيه وذلك بدون شراء مارش و دينمو و اسبراتير و كربراتير ووش سلندر + عمود تاكيهات جميع ادوات التغزيه ولكنها متوفره فى الموتور الاستيراد ولكن دائما نصيحه الميكانيكى هى العمره وذلك للانتفاع بمصنعيه العمره ولك ان تميز ولك الاختيار والله الموفق .

[mahmoudeka]

انا اللي أعرفه ان الموتور الاستيراد بتجيبه وانت وحظك اما لما تعمل عمرة كاملة فتغير كل حاجة وطبعاً بتبقي كل حاجة جديدة انما الاستيراد انت وحظك ممكت يكون عايز طقم شمبر او سنة ويدخن او اي حاجة من الحاجات دي
بس بجد انا فكرت في الحكاية دي

هو حضرتك عندك مواتير بولونيز 1500 زي اللي عندي ده
ولو هشتريه من حضرتك الموتور فقط هيعمل كام

ومتشكر قوي علي أهتمام حضرتك !!!

[طارق ابوذيد]

انك لم تشترى اى شئ من ادوات التغزيه فى العمره وكل الجديد فى العمره هو طقم الشمبر والسبيكه والهلالات وطقم الجوانات اما باقى الحساب فهو بين الخراط و الميكانيكى ولكن النصيحه الاكيده هى شراء موتور استيراد بدون فتيس وشراء طقم شمبر وجوان وش سلندر لا تعدو 120 جنيه وبعد ذلك اركب الموتور الاستيراد وانا مطمئن وكسبان جميع ادوات التغزيه وكرنك استندر وهذا هو الحل الامثل اما بلنسبه للموتور البلونيز فهو ليس متوفر لدى الان ولكن موجود بكثره فى عزبه شلبى بالمطريه والله الموفق .

[mahmoudeka]

انا ساكن في المطرية بجوار عزبة شلبي بس يا ريت أعرف سعره يبدأ من كام ولا يزيد عن كام

وهل هو أحسن ام الافضل أجيب موتور 1600 اثنين كامة

وده سعره هيبقي كام

[طارق ابوذيد]

المشاركة الأصلية كتبت بواسطة mahmoudeka انا ساكن في المطرية بجوار عزبة شلبي بس يا ريت أعرف سعره يبدأ من كام ولا يزيد عن كام وهل هو أحسن ام الافضل أجيب موتور 1600 اثنين كامة وده سعره هيبقي كام

الافضل هو موتور البلونيز 1600 سى سى كاتينه كاوتش نظرا لقوه الموتور + انخفاض الصوت عن الكتينه الجنزير وسعر الموتور بدون الفتيس يتراوح من 1200 الى 1500 كحد اقصى والله المستعان .