العودة   مصر موتورز مجتمع السيارات > منتديات السيارات العامة > مقارنات > ريفيوهات

ريفيوهات ساحة لعقد المقارنات وكذلك مراجعة رفيوهات (تقارير) السيارات واختبارات التصادم


إضافة رد
 
أدوات الموضوع
  #1  
قديم 20-12-2010, 01:29 PM
الصورة الرمزية بدر بسيونى
بدر بسيونى بدر بسيونى غير متواجد حالياً

مشرف الكورى
من انا؟: مصرى
التخصص العملى: كيميائى
هواياتي: السيارات
 
تاريخ التسجيل: Jul 2009
الموقع: الاسكندرية
المشاركات: 4,417
بدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond repute
حصرى مقارنة بين العربيات المتاحة الاقل من 50 الف جنيه

مقارنة بين العربيات المتاحة الاقل من 50 الف جنيه

حبيت اعمل مقارنة مجمعه بين العربيات الاقل من 50 الف جنيه ودى بتشمل فئة كبيرم من الناس وخصوصا اللى فى بدايه المشوار فحاولت بالمقارنة دى اسهل الموضوع شوية عليهم

وبعد عمل حصر ويارب مايكنش فاتنى حاجة لاقيت انهم 8 عربيات وهم

- سوزوكى ماروتى

- اسبيرانزا A113

- سايبا برايد

- جيلى باندا

- لادا 2107 (المصرى والروسى )

- BYD F0

- شانا بينى

- ايديا

ملحوظة كل عربيات تلك الفئة مانيوال فاذا كنت تبحث فى فئة الاتوماتيك اقل من 50 الف مش حتلاقى برغم وجود بعض السيارات زى الباندا لكن سعرها يتجاوز ال50 الف

نبدا المقارنة
السوزوكى ماروتى










سيارة ذات تصميم بسيط وغير معقد

الخامات الداخلية متوسطة الجودة

وده امر منطقى مع سعر العربية وخصوصا انها موجهة الى الدول الفقيرة

الابعاد الخارجية

الطول 3335 مم

العرض 1440 مم

الارتفاع 1405

قاعدة العجلات 2175 مم

نصف قطر الدوران 4.4 متر

الارتفاع عن سطح الارض 170 مم

وزن السيارة 650 كجم

متوسط استهلاك البنزين 6.2 لتر لكل 100 كم


المحرك

امامى مكون من 3 سليندرات

يعمل بنظام الكاربيراتير

سعة المحرك 796 سى سى

يولد 47 حصان عند 5000RBM

اقصى عزم له (58/2500 Nm/RPM)

نسبة انضغاط المحرك 8.0


ناقل الحركة

مانيوال فقط من 5 سرعات امامية وسرعة واحدة خلفية

الفرامل

الامامية ديسكات

الخلفية طنابير

مقاس الاطارات

145/70R12S

الاداء

السرعة القصوى 138 كم/س

التسارع من 0 الى 100 كم/س فى 22 ثانية

نظام التعليق

الامامى
Mcpherson strut and coil spring


الخلفى
Coil Spring with gas filled shock absorber


السيارة بتنزل براديو كاسيت و2 سماعات امامية

اهم مميزات الماروتى

عربية صغيرة الحجم سهلة فى الركن وخصوصا فى شوارع مصر

سعة المحرك صغير فاستهلاك البنزين قليل جدا جدا فتوفر فى الميزانية جدا

قطع غيارها رخيصة جدا بالمقارنة بباقى السيارات

صيانتها لاتحتاج خبير اى ميكانيكى او كهربائى يشتغل فيها وبسهولة

سعر اعادة بيعها ممتاز لان العربية مطلوبة فى السوق المصرى

سعرها منخفض بالمقارنة بالسيارات 38.000 جم

اهم عيوبها

مافيهاش اوبشنز تقريبا

العفشة ناشفة (وده حال كل العربيات الصغيرة)

المساحات الداخلية مش كبيرة(وده امر طبيعى لصغر حجم السيارة عموما)

صغر حجم الشنطة الخلفية (يمكن التحايل على تلك المشكلة عن طريق طى الكنبة الخلفية)

مافيهاش تكييف(بيركبلها وده موضوع عن تركيب تكييف للماروتى فى المنتدى هنا)
تكييف سوزوكي ماروتي 800 cc

بس فى المجمل عيوبها يمكن التغاضى عنها بالمقارنة بسعرها


---------------------------------------

الاسبيرانزا A113









تلك السايرة من اجمل التصميمات من حيث الشكل الخارجى حيث تتميز بمقدمة منخفضة ومسحوبة وسلاسة فى التصميم تجعلها مقبلوة بمجرد النظر

اما من الداخل





اما على الصعيد الداخلى فتعتبر من اجمل التصاميم الداخلية فى فئتها ابتداءا من لوحة العدادات التى تضفى الطابع الرياضى والرحابة فى المساحات لمزيدا من الراحة
مواصفاتها

الارتفاع 3600 مم

العرض 1578 مم

الارتفاع 1564 مم

قاعدة العجلات 2390 مم

الموتور امامى

1297 سى سى

اقصى سرعة له 156 كم/س

الموتور يولد 87 حصان عند 5750 ار بى ام

ناقل الحرحة يدوى من خمس سرعات
دفع السيارة امامى

تنك السيارة 43 لتر

تحتوى على ABS & EBD

تحتوى على اير باج وريموت

سعرها 49.900 جم

السيارة وكيلها ابو الفتوح وانتشرت مؤخرا بقوة لشكلها

-----------------------------------------------------
BYD F0







المواصفات الفنية للسيارة

الابعاد الخارجية

الطول 3460 مم

العرض 1618 مم

الارتفاع 1465 مم

قاعدة العجلات 2340 مم

الارتفاع عن سطح الارض والسيارة خالية 120 مم

الارتفاع عن سطح الارض والسيارة مليئة بالركاب 90 مم

سعة الشنطة الخلفية 140 لتر

مقاس الاطارات 14 60/165

سعة تنك البنزين 30 لتر


المحرك


المحرك نوعه BYD371QA

سعته 998 سى سى

DOHC -12 Valve

يولد 67 حصان عند 6000 RBM

اقصى عزم له 90 نيوتن متر عند 4000 -4500RBM

معدل انضغاط المحرك 10.5

السرعة القصوى 151 كم/س

ناقل الحركة مانيوال من 5 سرعات

الحد الادنى لاستهلاك البنزين 4.2 لتر لكل 100 كم

الفرامل الامامية ديسكات والخلفية طنابير

التعليق الامامى ماكفرسون والخلفى عمود شداد


التجهيزات

باور ستيرنج هيدروليك

المصدات الامامية والخلفية بلون السيارة

فوانيس شبورة

جنوط رياضية

مساحات للزجاج الخلفى

لمبة استوب خلفية

زجاج كهربى امامى

مرايات جانبية ذات تحكم يدوى سوداء

تكييف هواء مانيوال

سى دى MP3بمدخل AUX

سماعتين

ريموت كنترول


الالوان المتاحة

اسود

ابيض

لبنى

احمر

واصفر ليمونى



السيارة فيها 3 موديلات G-I و GL-Iو GLX-I والترتيب تصاعدى

الفرق فى الامكانيات


وده الاعلان فى كونتاكت كارز

BYD تطرح F0 بسعر خارج المنافسة

أعلنت شركة "الأمل" للتجارة الخارجية وكيل سيارات BYD الصينية في مصر طرح السيارة F0 بسعر يبدأ من 42900 جنيه.

وبذلك انخفض سعر السيارة الجديدة نحو خمسة آلاف جنيه، إذ كان سعرها خلال معرض "فورميلا الأهرام" في يناير الماضي 47900 جنيه.

وتنتمي سيارة BYD الجديدة لفئة السيارات الصغيرة ذات استهلاك الوقود المنخفض ، إذ زودت F0 الجديدة بمحرك سعة 1000 سي سي بقوة 50 حصان من صناعة شركة BYDالصينية.

كذلك تضم BYD الجديدة بعض مواصفات الرفاهية والأمان، حيث تم تزويدها بنظام فرامل ABS و EBD، فضلا عن وسائد هوائية للسائق والراكب الأمامي، إضافة إلى زجاج كهربائي، وتكييف وباور ستيرينج.

وكانت شركة "الأمل" للتجارة الخارجية قد طرحت السيارة F3 المجمعة محلياً ، وزودتها بمحرك "ميتسوبيشي" سعة 1600 سي سي بقوة 108 حصان مزودة بجميع الكماليات من تكييف هواء و سنتر لوك وزجاج كهربائي وباور ستيرنج ووحدة عدادات معدنية و فوانيس شبورة وعواكس خلفية ، إلى جانب إريال مدمج في الزجاج الخلفي و الراديو كاسيت سي دي وجنوط رياضية

السعر 42.500 جم

---------------------------
----------------------------------

جيلى باندا














السعر للمانيوال 48.900 جم


مواصفات السيارة


الطول 3598 مم

العرض 1630 مم

الارتفاع 1465 مم

قاعدة العجلات 2340 مم



الموتور 1300 سى سى DOHC ,16V,L4

يولد63 حصان عند 6000 ار بى ام




سعة التنك 35 لتر

ناقل الحركة مانيول من 5 سرعات

الاطارات مقاس 14
RL60/165



السرعة القصوى 155 كم/س

التسارع من 0-100 كم/س 14 ث

معدل استهلاك الوقود 6.85 لتر لكل 100 كم

تحتوى على ABS و EBD

عمود الدركسيون ممتص للصدمات

انذار

4 سماعات وسى دى ام بى ثرى


----------------------------------------------

LADA 2107








ومش محتاجة تعريف طبعا





مواصفات دى من موقع شركة الامل وكيل لادا

السعر للمصرى 44.900 جم

السعر للروسى 48.900 جم



-----------------------------------------------------------------------------------
السايبا برايد


الموضوع بتاع السايبا مقتبس من موضوع احمد كار شكرا ليه ولكل الاخوة الاعضاء اللى شاركت فيه


بجد كلهم فى غايه الذوق و الاخلاق العاليه رنا يديم المحبه يارب
نيجى بقى للعربيه سايبا برايد و هيه خليفه الكيا برايد الكوريه الاصل احب اتكلم فى الاول عن البرايد الكورى قبل الكلام عن السايبا الايرانى خليفتها

البرايد الكورى اللى لقيت رواج كبير فى مصر نتيجه سعرها الجيد و رخص قطع غيارها و ايضا اعتماديتها بالنسبه لسياره فى هذه الفئه السعريه الجيده اللى كانت و قتها بحوالى 30 الى 35 الف جنيه

و كانت البرايد الكورى بتمتاز بموتور 1100 سى سىموجود فى النسخه الهاتش باك و موتور 1300 سى سى مكيف الهواء و بصراحه عربيه كانت جيده جدا جدا بالنسبه للسعر اللى كان جيد جدا و كانت عفشتها بتمتاز بالنعومه و الثبات فى الهاتش باك فقط لكنها اديت اداء جيد فى الشوارع المصريه يعنى ممكن نقل انها تستحمل الشارع المصرى لحد 60 الف كيلو باستخدام جيد و دى نسبه جيده من وجهه نظرى لعربيه سعرها 30 الف و ايضا العفشه بتعها كلها على بعضها بحوالى 1000 جنيه ببلى العجل يعنى مافيش اوفر من كده

نيجى بقى للبرايد سايبا و هيه هيه البرايد الكورى لكن من خط انتاج ايرانى و و ليس كورى و قاموا بعمل تغيير بسيط فى الشكل الخارجى من حيث الفوانيس و الالاكصدمات

من جهه الموتور قاموا بوضع الموتور ال1300 لكن اضافوا عليه نظام الحقن الالكترونى (الانجيكشن ) و العفشه هيه هيه

نبتدى بقى بتشريح العربيه الايرانى

من حيث الموتور

زى ما قولنا هو الموتور ال1300 لكن اضافوا انجيكشن لكن بمجرد النظر الى غرفه المحرك تنتابك حاله من الغثيان ما فيش ترتيب

غطاء التكيهات كان فى البرايد الكورى لونه فضى املس الملمس لكن فى السايبا فضى فقط لكن ملمسه سيى للغايه تحس انهم راشينه فى الشارع حاجه سيئه للغايه

الاداء ما اقدرش احكم عليه بصراحه بيقولوا انها 62 حصان عند 5500 اربى ام مش بطال اداء يعتبر جيد

اخر حاجه و اللى محدش واخد باله منها انها 1323 يعنى دخلت فى شريحه الضريبه العاليه و دى طبعا نقطه سلبيه ليها يعنى ال23 سى سى دول هايخلوها وحش كاسر بالتالى هايكون عليها ضرايب ال1600 و انت بموتور 1300 ارجوا من الجميع الانتباه لهذه النقطه

نيجى للعقشه بقى زى ما قولت قبل كده انها هيه هيه العفشه القديمه لكن من ايران مش من كوريا بصراحه واحد قريبى كان جايب العربيه دى بس لما كان عليها الموتور الكاربيراتر ما فيش 15 الف و كان مغير طقم بلى للعجل بجد حرام ياريت يبكونوا قاموا بتعديل عليها (ما اظنش )

التقفيل الخارجى
1- من الصعب انك تلاقى فواصل الكبوت و الرفارف متساويه مل نحيه بشكل
2- الابواب مفارقه جامد جدا عن جسم السياره
3- كان فى عربيه فيها صداء (حرام )
4- بصراحه من الصعب انك تلاقى عربيتيين متفقين مع بعض فى الفروق الخارجيه كل واحده براحتها على الاخر
5- عربيه العرض كان الكبوت بتعها فيه خبطه

نيجى بقى للتقفيل الداخلى

هما غيروا الفرش الداخلى عن البرايد و بصراحه شكله افضل بكتير لكن خاماته سيئه جدا جدا جدا و فروق التركيب واضحه بشده
1- التابلوه غيروه و شكله احسن بكتير
2- الفرش زى ما قولنا شكله حلو لكن خاماته سيئه للغايه
3- زرار فتح الشنطه موجود بجوار عجله القياده (مافيش مشكله )لكن تلاقى مكانه القديم فى ارضيه العربيه موجود زى ماهوه و تيجى تفتح منه الشنه ما تتفتحش طبعا علشان لاغينه طيب مدام لاغينه ما تشيلوه خالص (تمويه للحرامى )
4- السلوك تايهه فى العربيه لقيت لفه سلوك واقعه على دواسه الدبرياج بسؤال ابونورا قالى دى عادى موجوده فى كل الايرانى

معلش ان تعبت و بصراحه حرام ادفع فيها المبلغ اللى هو 50 الف حرام جدا جدا الادا برقبتها



------------------------------------------------------------

شانا بينى



السيارة الصغيرة التى تجمع بين متطلبات الشباب و العائلات الصغيرة

انها سيارة ذات قدرات و امكانيات عالية و سعر فى متناول الجميع

ولان مع وصف كامل للسيارة


الــــمــــحرك


1300 سى سى

85 حصان

110 نيوتن




المميزات الخاصة


محرك اقتصادى فى استهلاك البنزين

باور

ABS + EBD

وسائد هوائية

تكييف + فلتر لتنقية الهواء

جنوط الومنيوم

مصابيح ضباب

CD + MP3 + Radio

عجلة قيادة قابل للتعديل

زجاج كهربائى (امامى - خلفى)

سنتر لوك

5 غيارات




الابعاد



الطول
3.52 متر

العرض
1.65 متر





مقتبس الموضوع من موضوع لانسر ستايل شكرا ليه

http://www.masrmotors.com/vb/showthread.php?t=7367


------------------------------------------------

ايديا







الأبعاد الخارجية

الطول الكلي (مم) : 3600

العرض الكلي (مم) : 1600

الارتفاع الكلي (مم) : 1670

قاعدة العجلات (مم) : 2335


المحرك سعته 1372 سى سى

أقصى عزم الدوران (نيوتن متر / دورة في الدقيقة) : 112/4000

السرعة القصوى (كم / ساعة) : 156

السعر 45 الف جم


----------------------------------------------

ومن المقارنة السابقة نجد ان


الادا 2107 هى السيارة الاكثر عمليه لكن بدون رفاهية ولا شكل جمالى يعنى لو بتتعلم وعاوز عربية رخيصة فى الصيانة ومش مهم الدلع بتاع العربية يبقى الادا لتوفر قطع غيارها وقدرة احتمال كبيرة وممكن تسافر وتحمل عدد من الافراد والحقائب سواء الروسى او المصرى

الماروتى عربية صغير تناسب المدينة لصغر حجمها وقلة استهلاكها للوقود ورخص وتوافر قطع الغيار لكن ايضا بدون كماليات

الاسبيرانزا A113 المعادلة الصعبة بمعنى انك حتشترى محرك حديث وتصميم ممتاز خارجيا وتحفة داخلية على فئتها السعرية
لكن شبهة الصينى عيوب الصناعة تطاردها لكن فى المجمل وخصوصا بوجود ABS تجعلها حقا متميزة

السايبا برايد عربية ايرانى تقفيل فقير وخامات متواضعة وده اتناوله التقرير فى المنتدى اللى عرضته قطع غيار رخصية لكنها ليس الصفقة الرابحة

BYD F0سيارة منافسة بقوة للاسبيرانزا لكن لم تنتشر ولم تختبر للان فبالتالى قطع الغيار لسه مش منتشرة ومش متوفرة خارج التوكيل لكنها حقا متميزة وانيقة وتعتبر منافس قوى للفئة السعرية


جيلى باندا عربية جميلة التصميم انتشرت بقوة قطع غيارها متوفرة متنوعة وخصوصا وجود اتوماتيك اكتر من 50 الف ووكيلها كويس جدا ضمان 5 سنوات وهى لعشاق التميز

الشانا بينى والايديا عربيات جنى عليها وكلائها سوء صيانة عدم انتشار عدم توافر قطع غيار فبالتالى سوء اعادة سعر البيع


------

المجمل

عربيات عملية بدون كماليات (صيانة رخيصة ورخص قطع غيار) الماروتى والادا 2107

عربية انيقة وكماليات وسعر قطع غيار مناسب بالترتيب الاسبيرانزا فالجيلى الباندا

عاوز تتميز وتصلح فى التوكيل فقط بعربية مميزة بس تستحمل التجربة BYD F0

السايبا برايد عربية متواضعة فى المجمل ومش الافضل فى فئتها

الشانا بينى والايديا فى رائ الشخصى بلاش مش الصفقة الرابحة


الموضوع مبنى على رائ الشخصى بمعنى قابليته للصواب والخطأ وشكرا
رد مع اقتباس
  #2  
قديم 20-12-2010, 08:08 PM
norina norina غير متواجد حالياً
 
تاريخ التسجيل: Oct 2010
المشاركات: 93
norina will become famous soon enoughnorina will become famous soon enough
افتراضي رد: مقارنة بين العربيات المتاحة الاقل من 50 الف جنيه

جميله بجد المقارنه دى ... الله ينور بجد
رد مع اقتباس
  #3  
قديم 20-12-2010, 08:26 PM
الصورة الرمزية بدر بسيونى
بدر بسيونى بدر بسيونى غير متواجد حالياً

مشرف الكورى
من انا؟: مصرى
التخصص العملى: كيميائى
هواياتي: السيارات
 
تاريخ التسجيل: Jul 2009
الموقع: الاسكندرية
المشاركات: 4,417
بدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond reputeبدر بسيونى has a reputation beyond repute
افتراضي رد: مقارنة بين العربيات المتاحة الاقل من 50 الف جنيه


المشاركة الأصلية كتبت بواسطة norina مشاهدة المشاركة

جميله بجد المقارنه دى ... الله ينور بجد
شكرا ليكى يانورينا ويارب تكون ساعدتك فى الاختيار
رد مع اقتباس
  #4  
قديم 20-12-2010, 08:53 PM
الصورة الرمزية mohamed ellithy
mohamed ellithy mohamed ellithy غير متواجد حالياً
التخصص العملى: اخصائى اجهزه تعوضيه
 
تاريخ التسجيل: Aug 2010
المشاركات: 197
mohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of light
افتراضي رد: مقارنة بين العربيات المتاحة الاقل من 50 الف جنيه

اقل استهلك للوقود هيا البيرد وقل من الماروتى والماروتى تقريبا بتوزي الباقى فى استهلاك الوقود
رد مع اقتباس
  #5  
قديم 20-12-2010, 10:04 PM
الصورة الرمزية MmFFoR
MmFFoR MmFFoR غير متواجد حالياً
 
تاريخ التسجيل: Dec 2009
المشاركات: 4,794
MmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond repute
افتراضي رد: مقارنة بين العربيات المتاحة الاقل من 50 الف جنيه

الباندا الاوتوماتيك بكام رجاءا؟ و الشانا بيني بكام؟ و اعلى فئة في البي واي دي F0 بكام؟
رد مع اقتباس
إضافة رد

الكلمات الدليلية
عربيات تحت 50 الف

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:17 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017