فيات 131 أم ريجاتا

[لطفى هاشم]

السلام عليكم و رحمة الله و بركاته / الآخوة الآعزاء القائمين على المنتدى
استفسارى بخصوص أيهما أفضل فيات 131 موديل 1982أم فيات ريجاتا موديل 1986؟
1) من حيث المتانة
2) قطع الغيار
3) الصالون
4) أخف عند أعدة بيعها
ولكم جزيل الشكر و التقدير

[احمد بدر1978]

الريجاتا احسن حمالة قسية وقطع غيار عند البقال

[Tarekyusry]

الاخ استاذ لطفى \ اكيد 131 بمراااااااااااااااااااااا اااااااااااااااحل صدقنى يكفى فقط ثباتها على الطريق وتجميعها سواء منها الايطالى او الالمانى وايضا قوة الصاج والله الكلام ده عن خبره 25 سنه وانا من المنصوره بلد السيارات واتمنى لحضرتك كل التوفيق ptmnlo123per122

[amro1965]

السلام عليكم ورحمه الله وبركاته
واضح ان المعلومات ناقصه
واليكم بعض معلوماتى عن الفيات 131 والريجاتا والتمبرا
اولا الفيات 131 عربيه ممتازة جدا ايطالى قطع غيارها رخيصه ثابته على الطريق انتاجها توقف عند سنه 1982
ثانيا الريجاتا هى خليفه 131 نفس مواصفات 131 والمزايا مع بعض التحديثات الا وهى الريجاتا حتى سنه 1986 السيارة نزلت بالخصائص التالية هاف بور سنتر زجاج وانذار ومن موديل 87 حتى توقف انتاجها فى 1990 اصبحت من ريجاتا الى ريجاتا نوفا مع اضافه خاصية شاشة الاعطال
ثالثا خليفه الريجاتا هى التمبرا و معلوماتى عنها قليله
هذه معلوماتى لكم
شكرا للاغضاء المتابعين

[zizophone]

المشاركة الأصلية كتبت بواسطة لطفى هاشم السلام عليكم و رحمة الله و بركاته / الآخوة الآعزاء القائمين على المنتدى استفسارى بخصوص أيهما أفضل فيات 131 موديل 1982أم فيات ريجاتا موديل 1986؟ 1) من حيث المتانة 2) قطع الغيار 3) الصالون 4) أخف عند أعدة بيعها ولكم جزيل الشكر و التقدير

بص يا سعادة الباشا انا حقولك عن تجربة شخصية انا كانت معايا 132 فيات و 131 و ريجاتا فححاول ان شاء الله انقلك الصورة كاملة

1-) من حيث المتانة : ( 131 تكسب )

ال 131 عربية دفع خلفي وصاج قوي وعفشة تستحمل معاك , الريجاتا دفع امامي والريجاتا عامة ضعيفة مقارنة بال131 طبعا .

2-) من حيث قطع الغيار : ( الاتنين زي بعض )

قطع غيار ال 131 والريجاتا الاتنين مترمية في الوكالة وفي عزبة شلبي من ( صاج لعفشة لصالون كل حاجة ) وجميع قطع غيارهم الميكانيكية موجودة جديد و استيراد وصيني وكل الي نفسك فيه ماتقلقش دي فيات مش رينو هي .

3-) الصالون :

والله دي بقي حاجة ترجعلك ياعني انا برتاح في كراسي ال 131 علشان قاعدة واطية شوية ومريحة عكس الريجاتا عالية وعندك الطابلوة دة اذواق انا عن نفسي بشوف طابلوة الريجاتا لانة حديث شوية اشيك بس انت لو بصيت لطابلوة ال 131 هو هو الطابلوة الي بينزل في الشاهين ال 2009 الزيرو ptmnlo123per122 فقشطة ياعني

4-) اخف عند البيع : ( الريجاتا تكسب )

والله دي اقدر اقولك ان العربيتين مطلوبين بس الريجاتا مطلوبة اكتر علشان الناس بتدور على الجديد وبس .


فاضل ليا عند حضرتك كلمتين :


بص يا باشا بما انك بتتكلم على فيات فالطبيعي انها عربيات مستخدمة ومش اي استخدام دة نص الي بيركبها اذا مكنش الكل مابيصرفش عليها جنية وبيبهدلها وبيخربها فعلشان كدة نصيحة هات انضف حالة علشان تعرف تركب وماتتبهدلش وبالنسبة للراي الشخصي ال 131 تكسب طبعا .

1- ال131 طبعا اققدم من الريجاتا وبالتالي بيبقي ليها مشاكل اكتر لما تكون حالتها وحشة بس لو جبت 131 حالة نظيفة ومصروف عليها ptmnlo123per171 ياعني ( مكنة سليمة - كرونة سليمة - كهربتها سليمة - وعفشة تمام - ابواب وصاج تمام ) انسي اي ريجاتا او اي عربية في فئتها لانها مرسيدس الفيات .

2- مكنة ال 131 انعم واقوي من الريجاتا لما تكون بحالتها والكرونة بتاعتها سليمة .

3- و بص يا باشا وانت بتشتري ماتسمعش و ماتصدقش الي يقولك خليك في الريجاتا دة فيها تكيف وزجاج كهربا وفيها مش عارف اية علشان التكيف بتاعها زبالة وعرة ولا كانة موجود والزجاج الكهربا الي فيها دة من اكتر الحاجات الي حتقرفك قدام

فانت وانت بتقارن متحطش في دماغك الكماليات الي في الريجاتا اعتبرها مش موجودة .


اديني نصحت وانت حر بقي