رجاء اخبارى بالسيارات الفان 8 راكب لسنه 2015 وتوكيلاتها

[amro1965]

السلام عليكم ورحمه الله وبركاته
محتاج الرأى والمشورة بالنسبه للسيارات الفان الصينى
اسمع البعض يقول لازم صينى اقول لحضرته ان المبلغ المتاح يجيب صينى
بالنسبه لى انا لفيت جميع المنتديات علشان اعرف الامكانيات لاغلب السيارات لكن اغلب تلك السيارات التى تأتى لها ردود بتكون مستعمله ولا يوجد لديها موديلات 2015 مثل كول كار - ماردونا - كارى - شاتا - ليفان
اللى موجود امامى الان لعام 2015 واعرفه
هو شيفورلية n300
سالت عليها ثمنها كاملة 89.500 كاش عند الاستعلام عن مميزاتها وعيوبها من خلال بعض اصحابها جائنى الرد انها صوت الكارونه بيعلى بعد 80 وان التكييف 75 فى المائه نظرا لانها 1200 سىسى
ده من جهه ومن جهه اخرى عروض بيعها مستعمل لنقس السنه 2015 منتشر جدا وهذا من وجهه نظرى مقلق للغاية
توجد سيارة اخرى اسمها كينبو فان 8 راكب
سالت عليها ثمنها كاملة 79.500 كاش عند الاستعلام عن مميزاتها وعيوبها عن طريق النت لم اجد اى ردود الا عن طريق معلن عن السيارة وباين انه احد عملاء التوكيل

اتمنى من لديه اى معرفه بأى مميزات وعيوب اخرى للسيارتين كينبو والشيفورليه يخبرنى
او من لدية اسماء سيارات اخرى فان 8 راكب موديلات السنه يخبرنى بها
وشكرا للجميع

[ShekeeS]

طيب ما تفكر فى الهيونداى اتش وان مودلات 2006 بتعمل سعر 70 الف

بس اهم حاجة يكون عندك شغل ليها دورة مصنع او مدراس او كدة

[amro1965]

الحمد لله اشتريت سيارة فان ماركة كينبو
ورخصتها وبروح بيها شغلى ذهاب واياب
ومقتنع بيها رغم انها صينى
معلومه الصين توغلت بشكل كبير فى السوق المصرى ليس فى السيارات فقط وفى كل شىء
وبتنافس السيارات الاخرى كمان
اللى مضايفنى ومش بلعه السوزوكى فان عربيه غاليه على الفاضى لا شكل ولا لون ولا رائحه لو وزنتها حديد مش هتكمل 500 كيلو وتقفيل مصرى ومنيل بستين نيلة
اينعم ماتور يابانى والباقى خامات مصرية رديئة جدا
واهو مشى حالك