اريد سيارة جاك على وجة السرعة

[فورد]

مما قراتة ورائيتة عن السيارة جاك 5 ..فاتمنى ان تدلونى على اى سيارة جاك للبيع لانى بجد مش لاقيها سواء زيرو او مستعمل .... يعنى كل المشاركات اللى هنا بتاريخ 2012 فياريت تدلونى على المعارض اللى بتبيعها حاليا فى 2015 وكمان سعرها بقى كام مستعمل دلوقتى ....ولكم جميعا جزيل الاحترام والشكر

[m_m_sh_a]

طيب ما في حاجات أحسن من الجاك ..يعني حضرتك بتقول لا لاقيها إستعمال ولا لاقيها جديد ..يعني عربيه مش منتشره أصلا ..حضرتك عايز تقتنيها عشان إمكانيتها ..طيب ما في حاجات تانيه بإمكانيات كويسه ومنتشره وموجوده زيرو برضه

[سيف الدين سعيد]

المشاركة الأصلية كتبت بواسطة m_m_sh_a طيب ما في حاجات أحسن من الجاك ..يعني حضرتك بتقول لا لاقيها إستعمال ولا لاقيها جديد ..يعني عربيه مش منتشره أصلا ..حضرتك عايز تقتنيها عشان إمكانيتها ..طيب ما في حاجات تانيه بإمكانيات كويسه ومنتشره وموجوده زيرو برضه

فعلا السوق مليان عربيات . بس النفس وما تهوى . بالظبط كده زى مايكون واحد بيدور على عروسه . ممكن يكون العالم فيه ملايين البنات الحلوه بس المهم هو اختار مين وقلبه خفق لمين من هؤلاء الملايين . شكرا على رأيك

[سيف الدين سعيد]

المشاركة الأصلية كتبت بواسطة فورد مما قراتة ورائيتة عن السيارة جاك 5 ..فاتمنى ان تدلونى على اى سيارة جاك للبيع لانى بجد مش لاقيها سواء زيرو او مستعمل .... يعنى كل المشاركات اللى هنا بتاريخ 2012 فياريت تدلونى على المعارض اللى بتبيعها حاليا فى 2015 وكمان سعرها بقى كام مستعمل دلوقتى ....ولكم جميعا جزيل الاحترام والشكر

أخى الحبيب فورد . أتمنى من الله أن يوفقك إلى ما فيه الخير إما مع سيارة جاك أو غيرها . بالنسبه للجاك فقد انتقل التوكيل من هورس موتورز إلى القصراوى وسيبدأ فى عرض سيارات جاك فى السوق بداية من شهر يوليو تقريبا ان شاء الله . وممكن حضرتك تخاطب الأستاذ / أحمد طلب برساله خاصه على صفحة جاك موتورز على الفيس وتعرف منه المعلومات التى تريدها . أما ان أردت بديلا عن الجاك فى الفترة الحاليه فأنا شخصيا عن نفسى أرشح لحضرتك السياره جيلى إمجراند 7 بضمان غبور وهى عربيه تقارب الجاك فى المستوى وقد تزيد فى بعض الأوبشنات . وربنا يرزقك بما فيه الخير إن شاء الله .. مع وافر تحياتى وتقديرى .

[ahm2000]

عندي جاك بي كلاس موديل 2011 عاملة 74000 كيلو فابريقة بالكامل لسة مغير كل السيور على 70000 حالتها ممتازة ومتامن عليها لحد شهر 9 رقمي 01114805999