زحف السياره مع الفرمل ( المشكله والحل ) بالصور

[عصام غنايم]

موضوع اكثر من رائع استاذ عصام ويارت تعملنا موضوع مفصل عن تعديل الفرامل للانوس وشكرا

تأمر يا باشا

[Ziad_fawzi]

أنا عندي مشكلة كبيرة في الفرامل في عربيتي أوبل فكترا A موديل 1995 1600 cc بعد تعديل الفرامل الخلفية لديسكات عن طريق تركيب ركبتين خلفيتين كاملين استيراد بتوع ال 2000 cc و لكن حصل خلل في توزيع ضغط الفرامل مع الفرملة المفاجئة بتخلي العربية تعرض يمين أو شمال كأني رفعت فرامل اليد لأن الفرامل الخلفية بتمسك الأول
بقالي سنة تقريا في الموضوع ده و مش لاقيله حل بعد ماغيرت كل حاجة تقريبا
1- ماستر فرامل عمومي
2- 4 خراطيم فرامل
3- 3 regulator او بيسموه بلف على خراطيم الفرامل الخلفية اللي بيقلل ضغط الزيت ورا
4- تيل و طنابير أمامي و خلفي
5- غيرت الكاليبرين اللي ركبتهم ورا مع التعديل
6- فكيت مواسير و خراطيم الفرامل و نفختهم بالهوا و اتأكدت ان ضغط الهوا ثابت في كل الأطراف و المواسير
7- أخدت هوا من الاربع اتجاهات و ضغط الزيت واحد في كله
8- لا يوجد تقل في أي عجلة و غيرت البلي ورا بجديد احطياطي

ياريت لو عندك حل أو السادة الأعضاء تقولولي لاني خلااااص جبت أخري و بفكر ابيع العربية بس مش هاعرف اعوضها لأانها معاية من الزيرو و حالتها ممتازة جدا و بحافظ عليها

[HELGOHARY]

اشتريت العربية بكاتوتشاتها وكانت عاملة 40000 كيلو . فى ناس قالولى غيرها بعد 10 الاف كيلو كمان والكاوتش حالته كويسة وكان نوعه PRILLIE لكن انا وللأمان غيرته بعد الفين كيلو امان ليه وللعربية ولانى كنت شايف الفردتين الاماميتين مش تمام اوى وكان ممكن مع الفرملة تزحف . ماستخسرتش وجيب بريدج ستون يبانى ( تورنزا) المهم ليه بقول كل التفاصيل دى؟

علشان بعدها باسبوع سايق العربية ومعايا زوجتى وطالع على كوبرى ماكنتش واخد بالى ان فى اتوبيس راكن على اوله ومش مدى اى اشارة فدخلت بسرعتى ولما اخدت بالى كان قبلها يمكن ب 7 متر. دوست فرامل نتشة كده ورحت واخد شمال واتشاهدت والحمد لله عديت قبل ما اخبط يمكن ببعض السنتيمترات. الخلاصة انى لاول مرة أحس بمعامل احتكاك عالى فى الكاوتش الجديد حسيت بيه كلبش فى الارض ومازحفش وأخر العربية شوية .

يا جماعة ماحدش يستخسر فى الكاوتشات دى حياتكم؟

[svneleven]

المشاركة الأصلية كتبت بواسطة borio1704 بعد إذنك يا أستاذ عصام.... بس مش قادر أسكت أستاذ holly_man19.... عشان ما يبقاش فيه لبس في المفاهيم... الديسكات هي المقصود بيها فرامل السكينة... زي ما أستاذ عصام وضح في موضوعه ، والطنابير المقصود بيها فرامل الطبلة يبقى اللي حضرتك بتقوله ده مستحيل يبقى موجود في عربيات أنظمة الفرامل في أي عربية في الدنيا هي أحد 3 أنظمة طنابير أمامية وطنابير خلفية ... أضعف أنظمة الفرامل... وموجودة عادة في سيارات النقل والأوتوبيسات ديسكات أمامية وطنابير خلفية... نظام ذو قوة متوسطة، وعادة بيستخدم في السيارات الركوب ذات الأداء العادي ديسكات أمامية وديسكات خلفية.... أقوى أنظمة الفرامل، وبيستخم في السيارات ذات الأداء العالي الإيلانترا فيها ديسكات أمامية وطنابير (طبلة) خلفية في معظم الموديلات اللي بتنزل مصر... ويوجد منها ديسكات أمامية وخلفية في موديلات الهاي لاين ...

فعلا الانترا الجديدة ديسكات ورا و قدام.

[سامح عمارة]

السلام عليكم
الموضوع جامد جدا موفق ان شاء الله جعله الله فى ميزان حسناتك......
ولى سؤال مهم جدا بخصوص انى جبت 2 كاوتش جديد وركبتهم فى الامام هل اغير واخليهم ورا ولا اسيبهم فى الامام و......شكرا على الموضوع جدا