|
#1556
30-11-2010, 05:19 AM
|
||||
|
||||
رد: أدب الرحلات
أبو ركبة
ذهبت اليوم لأركب القطار فالقطار عشرة والعشرة متهونش برضه ووجدت محطة مصر عبارة عن خرابة كبيرة أيه ده ؟؟؟؟؟؟؟ اسمنت وخرسانات وهدم وتكسير واذا حبيت تدخل ارصفة بحرى فلابد انك بطل فى الجمباز او فى السيرك او بتعرف تمشى على الحبل لان محطوطة سقالات وعليك ان تتعلم المشى عليها ولاعزاء طبعا لكبار السن او المعوقين ركبت القطار وتحرك بى ياااااااااااااااااااه لقد عاد العمر الى الوراء عدة سنوات وقابلت بعض الزملاء القدامى (زملاء القطار طبعا ) وبدات حركة البياعين رايحين جايين ... رايحين جايين وفجأة وجدت شابا معوقا يزحف على الأرض ويرمى على ارجل الناس ورق مكتوب فيه انا شاب قدر الله ان اكون مسئولا عن اسرة وتعرضت لحادث افقدنى الحركة على قدمي الاثنتين وانا الان ازحف ومسئول عن اسرة مكونة من 6 افراد ارجو المساعدة لوجه الله تعالى لكى لاتتعرض اسرتنا للانهيار امسكت الورقة وقرأتها ضحكت فأنا اعرف ان هذه احدث اساليب التسول وهى اصبحتت قديمة فهى مبتكرة منذ عدة سنوات ولما جاء ليأخذ منى الورقة نظرت اليه ....وكانت المفاجأة انه هو أبو ركبة كلمته ساخرا / أزيك ياحسين اندهش ونظر الي وجهى وتذكرنى فقال ورأسه فى الأرض / اهلا ياباشا يابنى مش هتبطل ؟؟؟؟؟؟؟؟ بصوت خافت / حاضر ياباشا واخذ الورق ولم يحضر الى العربة التى انا بها مرة اخرى وسألنى احد الركاب / انت تعرفه ؟؟؟؟؟ طبعا طب ايه حكايته ؟؟؟؟ وحكيتها له هذا الولد اسمه حسين من طنطا مصاب بشلل اطفال قاطعنى الراكب مندهشا ياعم شلل أطفال ده أيه .... ده بيزحف ......ده عاجز خاالص انت بتاكل من الكلام د ه ؟؟؟؟؟ دى اونطة ازاى؟؟؟؟؟؟؟؟ اقول لك ازاى قول حسين ده عنده شلل اطفال وفترة النهار بيركب القطارات رايح جاىمابين طنطا واسكندرية ويبيع فيها ساندوتشات وعند دخول الليل يركن صينية الساندوتشات ويبدأ يزحف على الارض بالوضع قاعدا وبعدين طبع شوية الورق دول او صورهم .....وبدأ يسرح بيهم فى القطار وانت ايش عرفك ؟؟؟؟؟ ابدا كنت واقف على محطة طنطا مستنى القطار وفوجئت بيه نازل و فى ايده صينية الساندوتشات وعملت ايه ؟؟؟ فوتت القطار وقلت اركب اللى بعده واعرف حكايته (طبعا لانى حافظ المواعيد وعارف ان اللى بعده مش هيتاخر اكتر من نص ساعة ) جلس بجوار احد اكشاك البسكويت والمياه الغازية جلست بجواره كلمته انت اسمك ايه؟؟؟ حسين ياباشا طيب م انت بتمشى على رجليك اهو اومال بالليل بتزحف ليه ؟؟؟؟ شوف ياباشا ....الساندوتشات دى بالنهار لان المباحث بتبقى مالية المحطات لكن بالليل موضوع الورقة ده اكسب لى تقصد التسول سكت ولم يرد بس الساندوتشات اشرف لك الساندوتشات بكسب منها يادوب 10 جنيه فى اليوم منهم 5 للشرطة علشان يـسيـبـونى ابيع ( كداب طبعا ) لكن الورقة ( التسول )اهو برميها على رجل كل واحد شوية على م بوصل مصر بكون عملت 15 جنيه او 20 واحيانا 30 حسب الظروف طب ومباحث المحطة بتعمل فيهم ايه ؟؟؟ (كل الركاب مبياخدوش بالهم ان فى مباحث بتبقى مستنية كل قطار داخل ) ضحك وقال / والقطار داخل مصر بكون فى آخر عربية وبمجرد م الناس كلها تمشى بقف على رجلى واركب اللى راجع وسألنى الراكب / طب وهو اسمه أبو ركبة ليه ؟؟؟؟ لانه مصاب بشلل اطفال ودائما يسير مستندا على ركبته وكان احيانا يركب القطار مستندا على ركبتيه وطبعا الركاب بيساعدوه انه يركب ويشيلوه ويدخلو ه القطار عجيبة....... شاب ملىء بالقوة والحيوية ويستسهل التسول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ التعديل الأخير تم بواسطة خالدخليفة ; 30-11-2010 الساعة 06:15 AM 
|
|
#1557
30-11-2010, 05:58 AM
|
||||
|
||||
|
رد: أدب الرحلات
ماهو دا الغريب يا عم خالد
زي واحد مقابلني من كام يوم و انا نازل من الشغل و بركب العربيه و راكنها لقيته جاي يلمع الزجاج قولتله شكرا لقيته بيقولي طب اي حاجه يا بيه قولتله مش معايا فكه دلوقتي يقوم يقولي افك ليك انا !!!!!! و بصراحه راجل كبير 45 سنه و مش مستاهله اني ازعق له او اتنرفز عليه قولتله لما اجي بكره ان شاء الله يرد بكل بجاحه و يقول ما جاتش علي النص جنيه او الجنيه اللي حتدهولي !!!!!!!!! كان راكب معايا واحد صاحبي اتنرفز عليه و زعق و انا هديته و مشيت لكن بستغرب لما واحد شحط زي دا وصل لاقل درجه في البشريه و بيمد ايده و هو مش معاق وعامل زي الثور طب ما اكرم ليك تجيب كام علبه مناديل و تقف تبيعهم في الاشارات حتكسب اكتر حسبي الله و نعم الوكيل
__________________
حـازم خـضـر
|
|
#1558
30-11-2010, 06:03 AM
|
||||
|
||||
|
رد: أدب الرحلات
شحات و دمه خفيف
دي قصه قصيره جدا لكن لذيذه و موقف كل ما افتكره اضحك عليه راكب مره مع ابن خالي في عربيته و هو من سني و خارجين سوا و واقفين في الشارع لقينا واحد جاي يشحت و بيقول و النبي عاوز نص جنيه اجيب كبايه شاي اشربها فسألته حتجيب كبايه شاي ولا حتجيب سيجارتين تشربهم قالي لاء كبايه شاي اشربها المهم قمت حطيط ايدي في جيبي و اديته نص جنيه و ابن خالي طلع جنيه متهيالي المهم الواد اخد الجنيه و نص و قولتله دلوقتي كنت عاوز نص جنيه تجيب كبايه شاي حتعمل ايه بالجنيه و نص بقي؟؟ قام رد و قال حجيب كبايه شاي ... و حجر دخان ههههههههههههههه انا سمعت الكلمه دي و فطست علي روحي من الضحك سبحان الله علي قد الفقر اللي هو فيه و عنده نفس انه يضحك و يهزر
__________________
حـازم خـضـر
|
|
#1559
30-11-2010, 09:37 AM
|
||||
|
||||
|
رد: أدب الرحلات
كل يوم لازم أدخل على الموضوع أقرا القصص والحكايات وأخرج منه, وللأسف مبعرفش أعلق عليها سواء لعدم وجود وقت, أو لعدم وجود نت
 دكتور محمد Miam حضرتك غيرت مفهوم الدكتور عند ناس كتير أنا منهم, وعرفنا من حكايات حضرتك أن الدكتور بيطلع عينه على مايبقى دكتور فعلا, وبيضيع سنين من عمره فى التعليم وفى أماكن نائية, عقبال الزمالة البريطانية خالد باشا, أنا مش هقول غير أن كتابات حضرتك بتفكرنى بالسلسلة بتاعة الأبنودى اللى كان بيحكى فيها مواقف من حياته, بس كتابات حضرتك أفضل وأكثر تنوعا وأثارة, وخاصة المقالات وشرح حضرتك لنظام القطارات, أنا مركبتش قطر غير مرة واحدة ومش فاكرها, وكتابات حضرتك هتفيد الواحد جدا لو قرر يسافر بيه  والشاحاتين دلوقتى فى كل حتة, وبالمواعيد كمان, وتلاقيهم بيبدلوا مع بعض عند الأشارات والسلالم, واحد الصبح وواحد بالليل, أو واحد ياخد أيام معينة والتانى باقى الأسبوع, واللى بيدى فلوس لشحات, الأولى يديها لجمعية محترمة وهى توصل الصدقة لمستحقيها, الناس اللى عندها كرامة وضمير عمرها ماتشحت ولو هتموت من الجوع, على عكس الشحاتين اللى بيكسبوا بالألاف من الأشارات. والناس اللى بتبقى معاها فوطة دى بالقطهم بالرادار, أشوفه وهو جاى من بعيد, لأااااااااااا, مش عايز أمسحها سيبها بترابها, أنصرف أنصرف , ربنا يخرجنا منها على خير.ونيجى لحبيب قلبى بقى, أيه يادوك فينك, كل ده مستخبى مننا, أكتئاب أيه وبتاع أيه بس, دى كلها هرمونات ومورفينات وشغل كبير فى المخ, كبر الجمجمة وفكها بقى. عمال تجيب فى سيرتى وسيرة كلية الهندسة, ماتقلبش علينا المواجع بقى. بس على فكرة أحنا برضه جامدين قوى, وحضرتك غلطت فى التسميات قوى, وسبت الموضوع فى الخباثة من غير معلومات عن أى حاجة, أسمحلى أسلى نفسى وأصحح:- ال oscilloscope أو الأوسكيلوسكوب بيستخدم فى توضيح الموجات الكهربية على شاشة عادية, يعنى بيجيب أرتفاع الموجة, وترددها وقوتها, وليه أستخدامات كتير فى مجالات الصوت والكهرباء وتحليل الأشارات, عامل زى جهاز رسم القلب, وده شكله  وال solenoid, بيستخدم فى التحكم فى تدفق سائل أو فتح بوابة, وأكثر أستخدام للسيلينويد حاليا فى الرشاشات بتاعة أنظمة حقن الوقود, زى الرشاش اللى فى الصورة الشخصية بتاعتى, أساسه سيلينويد بيفتح لما بيمر فيه تيار كهربائى, وبيمر من خلاله الوقود, التيار يقف السيلينويد يقفل. وبعدين الجى أم ده لفظ مصرى يادوك, الأصل Amplifier اللى هو المضخم والهيت سينك Heat sink أبسط ترجمة ليه راديتير, اللى هو بيبقى محطوط على المكونات الحرارية اللى بتسخن علشان يوزع الحرارة, زى اللى بيبقى على البروسيسور بتاع الكمبيوتر  وبعدين مالها ويكيبيديا يادوك, حد لاقى, شكل حضرتك مرحتش معرض الكتاب من فترة ياريت الواحد لقى حد يعلمه شغل الدوائر, النت مينفعش فى الحاجات دى خالص, عايزة شرح عملى. والدوائر على النت كتير, بس عايزة واحد ساكن فوق النخيلى علشان يعرف يشترى ويبدل فى المكونات براحته. وخد الموقع ده بقى هدية منى http://instructables.com ومتزعلش يادوك, الحياة قصيرة, مش هتستفيد حاجة لما تزعل على حاجة زائلة, عيش حياتك, وسيبك من اللعب اللى الهرمونات والمخ بيلعبوها علينا. وكل يوم ثلاثاء وحضراتكوا طيبين
__________________
|
|
#1560
30-11-2010, 12:54 PM
|
||||
|
||||
رد: أدب الرحلات
اخبار الرخصة ايه طلعت والا لسه
يا عمرو الدكاتره فيه منهم كتير مظلومين لكن للأسف الصورة الظاهرة لينا دايما هما السفاحين والجزارين ولو جيت تكلم حد فيهم يقولك انا عملت وصرفت وتعبت وشقيت واهلي عملوا وسوا طيب ياع اخي محنا من ضمن اهلك برضة معرفكش لكن الدكتور في بادية حياته على الاقل بيكون مظلوم جدا ولو عاوز تحسبها تعالى نحسبها سوا وهنضرب مثال بطرفين ولله المثل الاعلى الاثنين دخلوا ثانويه عامة انا لعبت وهزرت ومجبتش مجموعة وهو قعد على الكتب ياكلها من يوم ما خلص امتحان السنة اللي قبلها ( اولى في النظام الجديد ، ثانية في النظام القديم ) لغايه لما جابو النتيجة في الاخر ده طب وده معهد فوق متوسط الطالب الغير مجتهد زيي كده انا وعمرو دخل كلية عملية او نظريه وانت عندك 18 سنة أو( 17 على القانون الجديد ) وهو دخل كلية طب على نفس السن اول صدمة بياخدها طالب طب الدراسة بالانجليزية دراسة كاملة ومتوقع في الغب الاحوال ان طالب اولى بيطلع بمادة او اثنين علشان الصدمة دي لوحدها الطالب العادي بيدخل يدرس بنفس اللغه العربية ومواد اغلبها واخد فركه عنها او سهل تبسيطها اذا كان فيه حاجة تتبسط ثاني صدمة بياخدها طالب طب انه مطلوب منه يكون عنده كل المعلومات اللي اخدها طول حياته في جوانب العلوم والاحياء ( ودي احدي مساويء التعليم اهمال ما سبق ) ومطلوب منه الدراسة بشكل تراكمي يعني اللي بيدرسة في اولى مطالب بيه في ثانيه وتلاته ورابعة وخامسة وسادسة وامتياز ودبلوم وماسجتير ودكتوراه ده غير الخبرة العملية كمان ثالث صدمة ان كلية طب طول 7 سنين مفيش فيهم راحة غير في اولى وثانية وثالثه وراحة لا تتجاوز شهر بينما الطالب العادي سهل انه يروح رحله ويطلع معسكر ولول وقته فاضي وعاوز يشتغل ويجيب فلوس سهل لكن طالب طب صعب جدا بلل مستحيل يعمل زيه رابع صدمة في سنة رابعة وخامسة وسادسة دراسة متواااااااااااااااااااصلة بدون توقف يدوب يمتحن يدخل في اللي بعده وان كان دلوقتي بيتعمل نظام round في بعض الكليات زي طب اسماعيلية الروند الواحد 45 يوم بيخلص المادة ويخلص منها وده بيسهل شوية طبيعة الدراسة وبيدي فرصة افضل للمذاكرة ( في ظني ) في حين ان طال الكلية النظرية بيكون خلص كليته وده لس هداخل سنة 4 وبيشوف حياته ( ده الوضع الطبيعي مش الحياة المتوقفة حاليا في مصر ) لو طالب تجارة ومخه نضيف في التجارة بيدخل مشروع او يكتسب خبرة من شكرة ومن التاينة لغايه لما يقفدر يعتمد على نفسه ويشتغل لوحده او يشارك مع حد وطالب طب لسه بيدور على عظم يكمل عليه السنة ولسه بيشم ريحة المعامل وفورمالين تحنيط الجثث وغيره وغيره خامس صدمة الامتياز بعد 6 سنين عناء او 6 ونص لان خامسة وسادسة على بعض بيعملوا تقريبا سنتين ونص يجي للصدمة الكبيرة دخول المستشفي وتشخيص الامراض وده النهاردة كارثة ليهم لان السنة دي لوحدها تكلف تقريبا ميزانية ثانوية عامة ويمكن اكثر لان المرضي النهاردة بيتاجروا في مرضهم في المسشتفيات الجامعية للأسف ولو عاوز تشخص مظبوط يبقى عاوزني اقولك على الشكوى موبط علشان تدخل الامتحان مظبوط وتنجح يبقى تدفع وكعععععععععع فلوس بجانب الصدمة دي الصدمة الثانية ان اي تمرجي مخرضم له خبرة اكبر في التعامل مع المرضي والعلاجات اكثر من الطبيب ودي في حد ذاتها كسر قوي في شخصية الطبيب في بداية مشوارة العملي لان الطبيب المجتمع صورة على انه في مكانه عليا وكثير لما بيتعرض لمواقف االناس متوقعة منه اكبر مما هو مطلوب منه لمجرد انه اخد المكانة دي سادس صدمة يوم التكليف المرتب 117 جنية و65 قرش فقط لا غير طبعا غير البدلات والحوافز اللي اخدها دكتور محمد في الضبعة لانها من المناطق النائية والحوافز توصل فيها ل 400 % يعني زيه زي اي واحد اتخرج النهاردة من اي كليه عادية وصادفة التعيين ( ده لو حصل اصلا وابقى قابلني ) مقارنة بالتمرجي اللي اخدها من قصيرة بالاعدادية واخد دبلوم تمريض يعني فرق منه حوالي 10 سنين خبرة وبدلات في المرتب يعمله وقتها ضعف المبلغ ده لو الاثنين في نفس السن نسينا نقول ان الطبيب بيتخرج للحياة العملية وهو عنده تقريبا 27 او 26 سنة مقارنة بالكليات الاخري ولو حظة المنيل ودخل الجيش خدمة 3 سنين على طول ضابط احتياط يعني هيخرج للحياه عنده 30 سنة سابع صدمة وهيا جنبا الي جنب مع المرتب الدراسات العليا طبيب كويس = دراسات عليا على الاقل ماجستير ، حتى لو هوو شيخ الاطباء في العالم كله ومعملش دراسات عليا واخد سنتين النيابة يبقى ملوش لازمة السبع سنين بتوع طب يروح يدي حقن في اي صيدلية وشكرا على كده ثامن صدمة وهيا ماشية جنب المرتب وجنب الدراسة بالملي وطبعا عارف ان فيه ناس هتيجي على الكلمة دي تجري ولا كأنهم سمعوها قبل كده اصل عندهم حساسية منها الجوااااااااااااااااااااا ااز وجواز الدكتور غير جواز غير الدكتور على الاقل الضعف ولازم مستوي اجتماعي واقتصادي معين هيعيش فيه وحاجات هتتطلب منه كتير وهكذا ، وانا اذكر في عرض درامي لمسلسل كان بتاع اثار الحكيم لما كان فيه احمد شاكر عبد اللطيف طبيب وعاوز يجيب فلوس علشان يتجوز راح اشتغل سواق ميكروباص لانها فعلا في وقت من الاوقات تجيب فلوس افضل مليون مرة من الطب ) وكام حته على الخفيف وانت ماشي بقى مشاحنات ادارية ( طبيب ازاي وفيه مشاحنات ادارية متفهمش بس هيا البيروقراطية الادارية في مصر كده ) مصاريف دراسة وحياة مصاريف الاولاد السهر والتعب خاصة في النيابة وعيش حياتك بقى لغاية لما يبدأ يشموا نفسهم بعد الماجستير وهنا بقى كل اناء ينضح بما فيه فيه منهم الجزار الكبير قوي والفيسيتا عالية جدااااااااااا وفيه منهم اللي بيحترم المرض والمرضي ويراعي ظروف كل الناس وبيعتبر الناس كلهم اهله وفيه منهم المغرور والدكتور راح الدكتور جه وفيه منهم المتواضع ( ومن تواضع لله رفعه ) وفيه منهم العالم وفيه منهم المتعالم وكفاية كده لحسن انا كده شركت الاطباء خالص ودكتور محمد هيزعل مني لو اني عاوز اوضح الصورة بس مش اكتر واكملك الرد بعدين لحسن المشاركة كده طولت قوي وانا رغاي كالعادة
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
