السيراتو الجديدة ولا الفلونس

[elmahdy29]

مفيش مقارنة اصلا
فلوينس ياباشا

[elmahdy29]

المشاركة الأصلية كتبت بواسطة khaled seleem السلام عليكم عندي استفسار لو سمحتم الفلونس نزلت هذا العام في الخليج حيث اعمل وطبعا سعرها اقل وبصراحه شكلها تحفه لكن عند السؤال عنها وعن الموجوده بمصر اخبرني البائع انها لا يوجد اي فرق الا في الموتور حيث ان الموتور اللي نازل للخليج غير الموتور اللي نازل مصر مع العلم باقي المواصفات هيا هيا وانا شفت الموتور وهو صناعه ياباني والعربيه هنا تقفيل كوري وقاللي انه متور تيدا فمش عارف هل الكلام ده صحيح وانا اصبحت خايف اشريها وانزلها مصر فبالله عليكم افيدوني

ده فعلا ... فرق الماتور والفتيس
يعني انت هنا لما تجيبها من الخليج هاتجيب قطع غيار ماتور نيسان تيدا
اما اللي هاتجيبها من هنا فماتور رينو... والماتورين اصلا زي بعض مع فارق بسيط جدا حسب ماهو مكتوب في صفحة ويكيبيديا
بس بقيت العربية واحد

[حازم عامر]

المشاركة الأصلية كتبت بواسطة POP EL GAMED لا يا كوكى الحوار مش كده خالص انا بتكلم على ان واحد كاتب اسمه محب السيراتو وداخل يقارنها بعربيه تانيه طيب ما انت اساسا مقرر انت بتحب ايه يبقى ليه نتكلم ونشرح وانت مقرر حاجه(ولا كلامى غلط) ثانيا فيه فرق كبير فى الفخامه والثبات والايروديناميك بتاع العربيه كفايه التصميم الثورى اللى نازل في الفلونس وال158 ده سعر مش مبالغ فيه لانك لازم تاخد بالك من بلد المنشأ وبلد تصنيع قطع الغيار ولا ايه يا كوووووووووووكى

والله يا باشا بالنسبة لبلد المنشأ السيراتو تكسب لانهأ كوري في حين ان الفلونس تركي.وبعدين انا ركبتهم الاانين حسيت ان السيراتو اريح ده غير ان سعر اعادة البيع في صالح السيراتو .انا بصراحة حابب الفلونس بس برضة شراها يعتبر مغامرة .ولما تثبت نفسها بعدين هبقى انصح الناس يشتروها

[r_elsewedy]

المشاركة الأصلية كتبت بواسطة osamakamal انا عندى فلوانس وهى بجد ممتازه من حيث الفخامه الخارجيه والداخليه والثبات والقوه ومستوى الامان فيها بغايه الروعه واللى محتاج يسال عن اى شيى فيها يرسل لى

ربنا يباركلك فيها يا باشا
انا ناوي اشتريها ان شاء الله بس كان عندي استفسار
لو حبيت اعملها صيانة خارج التوكيل فهل الموضوع السهل ولا صعب اني الاقي مثلا ميكانيكي او كهربائي بيفهم فيها