احط موبيل ولا شيل عربيتي لانوس99 و هل موبيل اتضرب و بيتغش فعلا؟؟

[Ahmed AlGamal]

المشاركة الأصلية كتبت بواسطة احمد على 1999 طيب طالما جت سيرة الارقام القياسية انا بستخدم زيت شيل الترا هيلكس و بسيبه على الاقل 20 الف كم و ممكن ل 27 الف كم انا لا اساهم بالزيت بتاعى فى اعادة تصنيع الزيت الصالح اللى بينزل من معظم العربيات

بس ده الكتالوج نفسه حاطط مدة معينة المفروض الزيت ما يقعدش اكتر منها حتى لو ما جابش ال 3000 كيلو دول ولا ال 10

انا مش عارف ازاي هجادل مع مشرف الصيانة

انت ادرى طبعا

[محمود زيزوو]

المشاركة الأصلية كتبت بواسطة Ahmed AlGamal مش عارف اقول لحضرتك ايه بصراحة " 4 الاف كيلو الصوت عالي ؟؟؟؟؟؟؟؟؟؟؟؟" و اول اربعة كمان ... يعني انا احط الزيت جديد الصوت يعلى و بعد كده هيوطى لما يقدم. طب ازاي؟ مفيش غير نظرية واحدة تفسر اللي انت بتقوله ده ... ان المتور بتاعك يا عيني فضل ياكل في نفسه لحد اما اتصنفر خالص و مابقالوش صوت :D ههههههههههههههههه و عديت ال 11 الف كيلو ... هو انت بتحاول تعمل رقم قياسي ولا ايه؟ الله يكون في عون المتور والله

ولا رقم قياسى ولا حاجة انت بتتريق ودى حاجة تخصك بس انا بقولك واقع ومعروف ان الزيت لما بيبقى اول مرة استخدام بيبقى عالى شوية علما بان استخدمت زيت معدنى شوية صغيرين فلازم يعمل كدة و11 الف كيلو دى مش حاجة احمد باشا بنفسة بيقولك كدة اصل خالى بالك الزيت طول ماهو كويس ولزوجة كويسة ولونة كويس هتغيرو لية وبيقوم بواظيفتو كويس قوى لية التغيير وناوى اخالية كمان شوية وعلى فكرة انا مش بطلع عين الموتور ولا حاجة دة انا من الناس اللى بتحافظ جدا على الموتور بغير علطول على 2500 لفة مابين الغيار والغيار يعنى ولا بقرص ولا بحرق ولا كل الكلام دة وشكرا لية على زوقك وتريقتك

[احمد على 1999]

المشاركة الأصلية كتبت بواسطة Ahmed AlGamal بس ده الكتالوج نفسه حاطط مدة معينة المفروض الزيت ما يقعدش اكتر منها حتى لو ما جابش ال 3000 كيلو دول ولا ال 10 انا مش عارف ازاي هجادل مع مشرف الصيانة انت ادرى طبعا

مشرف صيانة ممكن يكون اجهل من عضو عادى فمش سبب لعدم المجادلة

فعلا الكتالوج فى صفحة 9 - 3 كاتب فترة 6 شهور

الصراحة مقدرش اقولك خالف الكتالوج

انا كاتب تجربتى مع زيت تخليقى و كمان كنت طول عمرى بغيره على 10 بس لحد لما مهندس من شركة شيل بعد ما طوروا شيل السينثيتك اداهم دورة تدريبية فى محطة شيل و قالهم ان بيغيره فى عربيته على 19 الف نظرا للتطور و الاضافات المنظفة و تحسين الخواص

[Ahmed AlGamal]

المشاركة الأصلية كتبت بواسطة محمود زيزوو ولا رقم قياسى ولا حاجة انت بتتريق ودى حاجة تخصك بس انا بقولك واقع ومعروف ان الزيت لما بيبقى اول مرة استخدام بيبقى عالى شوية علما بان استخدمت زيت معدنى شوية صغيرين فلازم يعمل كدة و11 الف كيلو دى مش حاجة احمد باشا بنفسة بيقولك كدة اصل خالى بالك الزيت طول ماهو كويس ولزوجة كويسة ولونة كويس هتغيرو لية وبيقوم بواظيفتو كويس قوى لية التغيير وناوى اخالية كمان شوية وعلى فكرة انا مش بطلع عين الموتور ولا حاجة دة انا من الناس اللى بتحافظ جدا على الموتور بغير علطول على 2500 لفة مابين الغيار والغيار يعنى ولا بقرص ولا بحرق ولا كل الكلام دة وشكرا لية على زوقك وتريقتك

انا و الله ما قصدي اتريق عليك او انتقص منك انا بس مستغربها قوي و كنت بهزر عادي و بحاول اكسر الملل ... ده طريقتي علطول على فكرة ... بس انا على فكرة ما قولتش اي حاجة تزعل او فيها اي تريقة .. انا بهزر عادي و مش قصدي والله ازعل حد ... انا كنت بستفزك للنقاش مش اكتر ... على العموم انا اسف

11 الف مش بعيدة بالنسبة للتخليقي بس انا كنت بتكلم في المعدني و خصوصا ال xhp و لا الشيل الالترا باين

بس انت متاكد من موضوع ان الزيت لما بيبقى جديد صوت المتور بيبقى اعلى ؟؟؟؟؟؟؟؟؟
مش داخلة دماغي خالص

اسف كمان مرة ... يمكن انا افورت شوية لاني كنت متعفرط من الكلام الكتير جدا عن الزيت و اللي كله متناقض

[محمود زيزوو]

احنا اخوات ومفيش اية حاجة كل سنة وانت طيب انت جرب وشوف مواضيع قديمة كمام لاعضاء عملو مقارنات بين شيل وموبيل وهتلاقى شيل اللتر هيليكس مكتسح بجد ولو جربتو صدقنى هيعجبك جدا جدا ومش هتغير لنوع تانى غيرو فعلا زيت محترم جدا جدا وكل عام وانت بخير عيد سعيد